Gbɑburu 23:14 - Bibeli Gusunɔn Gari

¹⁴ Mɑ u kɑ nùn dɑ sɑnsɑnin kɔ̃su yeru ɡɑrun mi, Pisiɡɑn ɡuuru wɔllɔ. Miyɑ u mɑɑ yɑ̃ku yenu nɔɔbɑ yiru kuɑ. Mɑ u nɑɑ kinɛru kɑ yɑ̃ɑ kinɛru ɡo yɑ̃ku yee nin bɑɑteren wɔllɔ.

Gbɑburu 23:14 ပူးပေါင်းရင်းမြစ်များ

Esɑi 46:6

Wee bɑ rɑ wurɑ yɑre ben bɔɔrun di, kpɑ bu sii ɡeesu yĩire kilo sɔɔ, bu ye kpuro seko wɛ̃ u kɑ bu bwɑ̃ɑroku kuɑ ɡe bɑ koo yiirɑ bu sɑ̃.

Osee 12:11

Nɛn sɔmɔbɑ nɑ kɑ ɡɑri kuɑ kɑ̃sinu sɔɔ, kpɑ be, bu mɑɑ kɑ bɛɛ ɡɑri ko. Beyɑ bɑ mɑɑ bɛɛ nɛn himbɑ sɔ̃ɔsi yɑ kɑ ɡisɔ ɡirɑri.

Gbɑburu 21:20

Sɑɑ Bɑmɔtun di, bɑ mɑɑ dɑ wɔwɑ ɡɑɑn mi, Mɔɑbun temɔ, ɡuu te bɑ mɔ̀ Pisiɡɑn wɔllɔ ɡbɑburun deedeeru.

Gbɑburu 23:13

Bɑlɑki u mɑɑ Bɑlɑmu sɔ̃ɔwɑ u nɛɛ, ɑ mɑn swĩimɑ su dɑ ɡɑm ɡiɑ. Min di kɑɑ ben sukum wɑ n ǹ be kpuro. Be ɑ wɑ mi, kpɑ ɑ bu bɔ̃rusi.

Gbɑburu 23:15

Mɑ Bɑlɑmu u Bɑlɑki sɔ̃ɔwɑ u nɛɛ, ɑ yɔ̃ro mi ɑ yɑ̃ku dɔ̃ɔ mwɑɑrɑruɡinu mɔ̀ mini, kpɑ n dɑ n nɔ ye Yinni Gusunɔ u koo mɑn sɔ̃.

Gbɑburu 23:29

Bɑlɑmu u Bɑlɑki sɔ̃ɔwɑ u nɛɛ, ɑ mɑn yɑ̃ku yenu nɔɔbɑ yiru kuo, kpɑ ɑ kɑ mɑn nɑɑ kinɛnu nɔɔbɑ yiru kɑ yɑ̃ɑ kinɛnu nɔɔbɑ yiru nɑɑwɑ,

Sɔ̃ɔsiru 3:27

U nɛɛ, n yɔɔwo Pisiɡɑn ɡuurun wii kpiirɔ kpɑ n nɔni seeyɑ n mɛɛri sɔ̃ɔ yɛ̃sɑn nɔm ɡeu ɡiɑ kɑ sɔ̃ɔ yɛ̃sɑn nɔm dwɑru ɡiɑ kɑ sɔ̃ɔ kpee yeru ɡiɑ kɑ sere mɑɑ sɔ̃ɔ yɑri yeru ɡiɑ. Adɑmɑ nɑ ǹ Yuudɛni tɔburɑmɔ.

Sɔ̃ɔsiru 34:1

Yenibɑn biru, Mɔwisi u seewɑ u dɑ Mɔɑbun ɡuunu ɡiɑ. Mɑ u yɔɔwɑ ɡuu te bɑ mɔ̀ Nɛboɔ sere Pisiɡɑn wii kpiirɔ Yerikon deedeeru. Mɑ Yinni Gusunɔ u nùn tem mɛ kpuro sɔ̃ɔsi sɑɑ Gɑlɑdin di sere n kɑ dɑ Dɑnuɔ,

Sɔ̃ɔsiru 4:49

kɑ tem mɛ mu wɑ̃ɑ Yuudɛnin wɔwɑɔ sɔ̃ɔ yɑri yeru ɡiɑ n kɑ ɡirɑri nim wɔ̃ku bɔruɡuuɔ sere n kɑ dɑ ɡuu te bɑ mɔ̀ Pisiɡɑn nuurɔ.