Gbɑburu 22:31 - Bibeli Gusunɔn Gari

³¹ Sɑɑ yerɑ Yinni Gusunɔ u Bɑlɑmun nɔni wukiɑ mɑ u Gusunɔn ɡɔrɑdo wi wɑ u yɔ̃ swɑɑ suunu sɔɔ u win tɑkobi womɛ. Yerɑ u yiirɑ u wuswɑɑ tem ɡirɑri.

Gbɑburu 22:31 ပူးပေါင်းရင်းမြစ်များ

Torubu 21:19

Sɑɑ yerɑ Gusunɔ u kurɔ win nɔni wukiɑ mɑ u dɔkɔ ɡɑɑ wɑ mi. U dɑ u bwɑ̃ɑ te nim yibiɑ u bii wɛ̃ u nɔrɑ.

Bɑndun Gɑri I 21:16

Dɑfidi u nɔni seeyɑ u ɡɔrɑdo wi wɑ u wɑ̃ɑ wɔllu kɑ tem bɑɑ sɔɔ, u win tɑkobi sue Yerusɑlɛmun berɑ ɡiɑ. Yerɑ Dɑfidi kɑ win tɔmbun ɡuro ɡurobu bɑ sɑɑki dewɑ mɑ bɑ yiirɑ bɑ wuswɑɑ tem ɡirɑri nuku sɑnkirɑnun sɔ̃.

Womusu 9:20

Yinni Gusunɔ, ɑ seewo. A ku de bu nɛɛ, tɔnuwɑ u kɑ nun kinɛnu mɔ̀. A ku de bwese tukunu nu nun ɑtɑfiiru ko. A bu sɛɛyɑsio nɡe mɛ n weenɛ,

Yɑribu 34:8

Yerɑ Mɔwisi u yiirɑ fuuku u nùn sɑ̃wɑ.

Gbɑburu 22:30

Mɑ kɛtɛku ɡe, ɡɑ nùn wisɑ ɡɑ nɛɛ, nɑ sɑ̃ɑwɑ wunɛn kɛtɛku, ɑ rɑ mɑn sɔni bɑɑdommɑ sere n kɑ ɡisɔ ɡirɑri. Nɡe mɛyɑ nɑ rɑ nun kue? Mɑ Bɑlɑmu u wisɑ u nɛɛ, ɑɑwo, n ǹ mɛ.

Gbɑburu 24:16

Nɑ rɑ Yinni Gusunɔn nɔɔ nɔ. Nɑ mɑɑ wi, Wɔrukoon himbɑ yɛ̃. Nɑ rɑ wi Dɑm kpuroɡiin kɑ̃sinu wɑ, domi u rɑ mɑn tii sɔ̃ɔsi nɑ̀ n nùn sɑ̃ɑmɔ.

Gbɑburu 24:4

Nɑ rɑ Gusunɔn nɔɔ nɔ. Wi, Dɑm kpuroɡii u rɑ de n kɑ̃sinu wɑ. Domi u rɑ mɑn tii sɔ̃ɔsi nɑ̀ n nùn sɑ̃ɑmɔ.

Luku 24:16

Bɑ nùn wɑ ɑdɑmɑ ɡɑ̃ɑnu yinɑ bu nùn tubu.

Luku 24:31

Sɑɑ yerɑ ben nɔni wukiɑrɑ bɑ nùn tubɑ, yɑnde mɑ bɑ nùn biɑ.

Yohɑnu 18:6

Ye Yesu u nɛɛ, nɛnɑ mi, mɑ bɑ dɛsirɑ bɑ wɔrukɑ.

Gɔrobun Kookoosu 26:18

ɑ kɑ ben nɔni wukiɑ bu kɑ ɡɔsirɑ yɑm wɔ̃kurun di bu du yɑm bururɑm sɔɔ, kpɑ bu ɡɔsirɑ Setɑm dɑm di bu nɑ Gusunɔn mi, kpɑ bu ben torɑnun suuru wɑ bu ɑyeru tubi di kɑ be sɑnnu be Gusunɔ u ɡɔsɑ u kuɑ wiɡibu yèn sɔ̃ bɑ mɑn nɑɑnɛ doke.

Yosue 5:13

Ye Yosue u Yeriko turuku kuɑ, subɑru sɔɔ u durɔ ɡoo wɑ u yɔ̃ win wuswɑɑɔ u tɑkobi womɛ u nɛni. Yerɑ u susi durɔ win mi, u nɛɛ, wunɛ bɛsɛɡiiwɑ? Nɡe wɛrɔwɑ ɑ sɑ̃ɑ.

Yosue 5:14

Durɔ wi, u wisɑ u nɛɛ, ɑɑwo, nɑ ǹ yen ɡoo. Nɑ sɑ̃ɑwɑ Yinni Gusunɔn tɑbu kowobun wiruɡii. Yen sɔ̃nɑ nɑ nɑ wunɛn mi tɛ̃. Ye Yosue u nuɑ mɛ, mɑ u kpunɑ u wuswɑɑ tem ɡirɑri, u nɛɛ, yinni, nɑ sɑ̃ɑwɑ wunɛn bɔ̃ɔ, mbɑ ɑ kĩ ɑ mɑn sɔ̃.