Gbɑburu 21:8 - Bibeli Gusunɔn Gari

⁸ Yerɑ Yinni Gusunɔ u nùn sɔ̃ɔwɑ u nɛɛ, ɑ wɑɑn weenɑsiɑ koowo kpɑ ɑ ye bwɛ̃ dɛkɑn wɔllɔ. Wi wɑɑ yɑ dɔmɑ mɑ u wɑɑn weenɑsiɑ ye mɛɛrɑ, uǹ mɑɑ ɡbimɔ.

Gbɑburu 21:8 ပူးပေါင်းရင်းမြစ်များ

Sinɑmbu II 18:4

U ɡunɡunu kɔsukɑ mi bɑ rɑ bũu yɑ̃kuru ko kɑ mɑɑ nin bwɑ̃ɑrokunu. Mɑ u wɑɑ sii ɡɑnduɡiɑ ye bɔɔkɑ ye Mɔwisi u kuɑ. Domi Isirelibɑ bɑ rɑ n dɑɑmɔ yen nuurɔ bɑ n turɑre dɔ̃ɔ dokemɔ. Bɑ ye yĩsiru kɑ̃ Nɛhusitɑni.

Womusu 145:8

Yinni Gusunɔ, ɑ wɔnwɔndu mɔ, ɑ rɑ mɑɑ tɔmbu durom kue. A ku rɑ mɔru se fuuku. Wunɛn tɔn ɡeerɑ kpɑ̃.

Esɑi 14:29

bɛɛ Filisitibɑ kpuro i ku nuku dobu ko yèn sɔ̃ boku te tɑ rɑɑ bɛɛ soomɔ tɑ bɔɔrɑ. I n yɛ̃ mɑ ì n wɑɑ ɡɔsɔbu sɑrɑri, i ko i surɔkɔru ɡirɑri.

Esɑi 30:6

Wee Yudɑbɑ bɑ ben yɑɑ sɑbenu sɔmunu sɔbi bɑ kɑ dɔɔ sɔ̃ɔ yɛ̃sɑn nɔm dwɑru ɡiɑ mi nuku sɑnkirɑrɑ wɑ̃ɑ. Domi ɡbee sinɑnsu su wɑ̃ɑ mi, kɑ surɔkɔnu kɑ sere wɛɛ nɑnumɡii ɡɛɛ. Tɔn be, bɑ ben dukiɑ kɑ ben ɑrumɑni kpuro kɛtɛkunu kɑ yooyoosu sɔbi, bɑ kɑ Eɡibitiɡibu dɑɑwɔ, be bɑ ǹ koo bu ɑrufɑɑni ɡɑɑ kuɑ.

Esɑi 45:22

Yen sɔ̃, bɛɛ be i wɑ̃ɑ hɑnduniɑn ɡoonu nnɛ kpuro sɔɔ, i ɡɔsirɑmɑ nɛn mi, kpɑ i fɑɑbɑ wɑ. Domi nɛnɑ nɑ sɑ̃ɑ Gusunɔ. Goo mɑɑ sɑri nɡe nɛ.

Yohɑnu 3:14

Nɡe mɛ Mɔwisi u wɑɑ suɑ wɔllɔ ɡbɑburu sɔɔ, nɡe mɛyɑ Tɔnun Bii wi, u ǹ koo ko u kun suɑre tem di,