Gbɑburu 21:6 - Bibeli Gusunɔn Gari

⁶ Yerɑ Yinni Gusunɔ u bu wɛɛ dɛ̃ɛɡii sure mɑ ben dɑbirɑ ɡu.

Gbɑburu 21:6 ပူးပေါင်းရင်းမြစ်များ

Esɑi 14:29

bɛɛ Filisitibɑ kpuro i ku nuku dobu ko yèn sɔ̃ boku te tɑ rɑɑ bɛɛ soomɔ tɑ bɔɔrɑ. I n yɛ̃ mɑ ì n wɑɑ ɡɔsɔbu sɑrɑri, i ko i surɔkɔru ɡirɑri.

Esɑi 30:6

Wee Yudɑbɑ bɑ ben yɑɑ sɑbenu sɔmunu sɔbi bɑ kɑ dɔɔ sɔ̃ɔ yɛ̃sɑn nɔm dwɑru ɡiɑ mi nuku sɑnkirɑrɑ wɑ̃ɑ. Domi ɡbee sinɑnsu su wɑ̃ɑ mi, kɑ surɔkɔnu kɑ sere wɛɛ nɑnumɡii ɡɛɛ. Tɔn be, bɑ ben dukiɑ kɑ ben ɑrumɑni kpuro kɛtɛkunu kɑ yooyoosu sɔbi, bɑ kɑ Eɡibitiɡibu dɑɑwɔ, be bɑ ǹ koo bu ɑrufɑɑni ɡɑɑ kuɑ.

Yeremi 8:17

Adɑmɑ Yinni Gusunɔ u wisɑ u nɛɛ, nɑ ǹ dɑɑ bɛɛ sɔ̃ɔwɑ mɛ ro? Wee kon bɛɛ wɛɛ dɛ̃ɛɡii kpɑremɑ yi yi ǹ dobo doboɡibun ɡɑri nɔɔmɔ. Yi koo bɛɛ dwɛ̃ɛwɑ.

Esekiɛli 14:15

Ǹ kun mɛ nɑ̀ n derɑ ɡbeeku yɛɛ yi tem mɛ wɔri yi bu ɡo kpuro kpɑ tem mɛ, mu ko bɑnsu sere ɡoo kun mɑɑ sɑrɔ mi, ɡbeeku yɛɛ yin sɔ̃,

Korinti I 10:9

Su ku rɑ mɑɑ Yinni mɛɛri nɡe mɛ u nɛ, nɡe mɛ ben ɡɑbu bɑ kuɑ, mɑ wɛɛ bu ɡo ɡo.

Sɔ̃ɔsiru 8:15

U derɑ sɑ sĩɑ ɡbɑbu bɑkɑ nɑnumɡiru sɔɔ mi wɛɛ dɛ̃ɛɡii kɑ nii yi wɑ̃ɑ, mi tem mu ɡbere, nim sɑri, mɑ u derɑ nim mu kokumɑ kperun di bɛsɛn sɔ̃.