Gbɑburu 21:29 - Bibeli Gusunɔn Gari

²⁹ Mɔɑbu, ɑ kɑm kuɑwɑ! Bɛɛ be i mɑɑ bũu wi bɑ mɔ̀ Kemɔsi sɑ̃ɑmɔ, i kɔ̃ɔrɑwɑ! Domi u derɑ Amɔrebɑn sinɑ boko Sihoni u tɔn durɔbu kɑ tɔn kurɔbu yoru mwɛɛrɑ.

Gbɑburu 21:29 ပူးပေါင်းရင်းမြစ်များ

Sinɑmbu I 11:33

U yeni mɔ̀wɑ yèn sɔ̃ be Isirelibɑ bɑ wi Yinni Gusunɔ deri. Mɑ bɑ dɑ bɑ Sidoniɡibun bũu wi bɑ mɔ̀ Asitɑɑte sɑ̃ɑmɔ kɑ Mɔɑbubɑn bũu wi bɑ mɔ̀ Kemɔsi, kɑ Amɔnibɑ bũu wi bɑ mɔ̀ Milikɔmu. Bɑ yinɑ bu sĩ win swɑɑ sɔɔ bu sere ko ye u kĩ. Mɛyɑ bɑ mɑɑ yinɑ bu win woodɑbɑ kɑ win yiirebu mɛm nɔɔwɑ nɡe mɛ Dɑfidi wi, Sɑlomɔɔn tundo u kuɑ.

Sinɑmbu I 11:7

Yerɑ u mɑɑ dɑ u bũu kɔ̃sunun turɑnu bɑnɑ ɡuu te tɑ wɑ̃ɑ Yerusɑlɛmun deedeerɔ. Niyɑ Mɔɑbubɑn bũu wi bɑ mɔ̀ Kemɔsi kɑ Amɔnibɑn bũu wi bɑ mɔ̀ Mɔlɔku.

Sinɑmbu II 23:13

U derɑ bɑ mɑɑ bũu sɑ̃ɑ yenu kɔsukɑ ni Sɑlomɔɔ u kuɑ Yerusɑlɛmun sɔ̃ɔ yɑri yerɔ Olifin ɡuurun sɔ̃ɔ yɛ̃sɑn nɔm dwɑru ɡiɑ. Miyɑ bɑ rɑ Sidoniɡibun bũu wi bɑ mɔ̀ Asitɑɑte sɑ̃ kɑ Mɔɑbubɑn bũu wi bɑ mɔ̀ Kemɔsi kɑ mɑɑ Amɔnibɑn bũu wi bɑ mɔ̀ Milikɔmu.

Esɑi 15:5

Nɑ fɑɑbɑ kɑnɑmɔ Mɔɑbubɑn sɔ̃ be bɑ kpikiru suɔ bɑ dɔɔ Soɑriɔ kɑ Eɡɑlɑti Selisiyɑɔ. Domi bɑ sumɔ bɑ kɑ Lusitin ɡuunu yɔɔmɔ, bɑ wuri mɔ̀ Koronɑimun swɑɑɔ nuku sɑnkirɑnun sɔ̃.

Esɑi 16:2

Domi Mɔɑbun tɔn kurɔbu bɑ koo Aɑnɔɔn dɑɑru tɔburɑ, kpɑ bɑ n sɛnde nɡe ɡunɔ si bɑ ɡirɑ sokurun di su duki mɔ̀.

Yeremi 48:13

Mɔɑbu be, bɑ koo sekuru wɑ ben bũu wi bɑ mɔ̀ Kemɔsin sɔ̃, nɡe mɛ Isirelibɑ bɑ sekuru wɑ bũu wi u wɑ̃ɑ Betɛliɔn sɔ̃, domi wi sɔɔrɑ bɑ ben nɑɑnɛ doke.

Yeremi 48:45

Be bɑ kpikiru suɑ bɑ ǹ mɑɑ dɑm tie, bɑ wɛ̃rɑ yeru kɑsu Hɛsiboniɔ. Adɑmɑ dɔ̃ɔ yɑri yi koo yɑri yen sinɑ boko Sihonin dirun di, yi dɑ yi Mɔɑbubɑn tem nɔɔ burɑ yenu kɑ mɛn ɡuunu di.

Yeremi 48:46

Bɛɛ, Mɔɑbubɑ, i kɑm kuɑwɑ. Bɛɛ Kemɔsiɡibu, i kpeerɑwɑ. Wee, bɑ koo bɛɛn bibu yoru mwɛɛri bu kɑ doonɑ.

Yeremi 48:7

Domi i bɛɛn nɑɑnɛ dokewɑ bɛɛn nɔmɑn sɔmburu kɑ bɛɛn ɑrumɑnibɑ sɔɔ. Wee, tɛ̃ bɑ koo bɛɛn tii mwɛɛri kpɑ bu bɛɛn bũu wi bɑ mɔ̀ Kemɔsi kɑ win yɑ̃ku kowobu kɑ win wiruɡibu yoru mwɑ bu kɑ doonɑ.

Gbɑburu 24:17

Nɑ wɑ ye yɑ sisi, ɑdɑmɑ n ǹ mɔ ɡisɔ. Nɑ wɑ ye yɑ koo koorɑ, ɑdɑmɑ n ǹ tɛ̃. Wee kperɑ ɡɑɑ yɑrɑ Yɑkɔbun bweserun di. Sinɑ boko ɡoo u yɑrɑ Isirelibɑn suunu sɔɔn di, be, be bɑ sɑ̃ɑ Yɑkɔbun bweseru. Mɑ u kɑ win sinɑ dɛkɑ Mɔɑbubɑ soomɔ bɑɑ sɑburosɔ. Mɑ yɑ be bɑ tii suen bweserun winu kɔsukumɔ.

Kpɑrobu 11:24

Tem mɛ wunɛn bũu Kemɔsi u nun wɛ̃, ɑǹ mu nɛni wunɛ ro? Ǹ n mɛn nɑ, sɑ ko mɑɑ tem mɛ Gusunɔ bɛsɛn Yinni u sun wɛ̃ nɛnɛwɑ.