Gbɑburu 20:14 - Bibeli Gusunɔn Gari

¹⁴ Sɑɑ Kɑdɛsi min diyɑ Mɔwisi u Edɔmun sunɔ ɡɔriɑ bu nùn sɔ̃ nɡe mɛ be Isirelibɑ bɑ wɑhɑlɑ kuɑ.

Gbɑburu 20:14 ပူးပေါင်းရင်းမြစ်များ

Torubu 25:23

Yerɑ Yinni Gusunɔ u nùn sɔ̃ɔwɑ u nɛɛ, bwesenu yiruwɑ nu wɑ̃ɑ wunɛn nukurɔ. Bwese ni, nu koo kɑbɑnɑ sɑnɑm mɛ nu yɑrɑ wunɛn nukurun di. Nin teerɑ koo tensim dɑm kerɑ. Mɔɔ wiyɑ u koo win wɔnɔ wiru kpĩiyɑ.

Torubu 25:25

Gbiikoo u yɑrɑ mɑ win wɑsi sɑnsu yibɑ, mɑ bɑ nùn yĩsiru kɑ̃ Esɑu .

Torubu 25:26

Yen biru yiruse mɑɑ yɑrimɑ. Win nɔmɑ Esɑun nɑɑ tokuru nɛni. Mɑ bɑ nùn yĩsiru kɑ̃ Yɑkɔbu . Isɑki u mɔwɑ wɔ̃ɔ wɑtɑ sɑnɑm mɛ bɑ bu mɑrɑ.

Torubu 32:29

Durɔ wi, u mɑɑ nɛɛ, bɑ ǹ mɑɑ nun sokumɔ Yɑkɔbu. Isireliwɑ bɑ koo nun soku yèn sɔ̃ ɑ kɑ Gusunɔ ɡɑbirinɑ kɑ mɑɑ tɔnu, mɑ ɑ kɑmiɑ.

Yɑribu 18:8

Mɑ u win dokiri wi sɑɑriɑ kpuro ye Yinni Gusunɔ u Eɡibitiɡibu kɑ ben sunɔ kuɑ be Isirelibɑn sɔ̃, kɑ sere nɔni swɑ̃ɑ te bɑ wɑ swɑɑ sɔɔ, kɑ nɡe mɛ Yinni Gusunɔ u bu yɑrɑ te sɔɔn di.

Amɔsu 1:11

Nɛ, Yinni Gusunɔ nɑ nɛɛ, Edɔmubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ben mɛro bisibu Isirelibɑ nɑɑ swĩi kɑ tɑkobi. Bɑ ǹ bu wɔnwɔndu kue. Ben mɔru kun mɑɑ sure. Mɑ bɑ kɑ bu wɛrɛru sɑ̃ɑ dim dim sɑɑ kpuro.

Mɑlɑsi 1:2

Yinni Gusunɔ u nɛɛ, nɑ bɛɛ Isirelibɑ kĩɑ. Mɑ i ɡerumɔ i mɔ̀, mbɑ sɔɔrɑ nɑ bɛɛ kĩɑ. Nɑ nɛɛ, n ǹ Esɑu u sɑ̃ɑ Yɑkɔbun mɔɔ ro? Adɑmɑ nɑ Yɑkɔbu kĩɑ

Gbɑburu 13:26

Ye bɑ tunumɑ, bɑ wurɑ Kɑdɛsiɔ, Pɑrɑnin ɡbɑburɔ, mi Mɔwisi kɑ Aroni kɑ Isirelibɑ kpuro bɑ wɑ̃ɑ. Mɑ bɑ ɡeruɑ ye bɑ wɑ kpuro.

Gbɑburu 20:15

U nɛɛ, yellu, bɛsɛn bɑɑbɑbɑ bɑ dɑ Eɡibitiɔ. Miyɑ bɛsɛn bweserɑ sinɑ n kɑ tɛ. Mɑ Eɡibitiɡibu bɑ sun nɔni sɔ̃ɔwɑ bɛsɛ kɑ bɛsɛn bɑɑbɑ be.

Gbɑburu 20:22

Isirelibɑ kpuro, bɑ seewɑ Kɑdɛsi min di bɑ dɑ Horin ɡuurɔ, Edɔmun tem nɔɔ burɑ yerɔ. Miyɑ Yinni Gusunɔ u kɑ Mɔwisi kɑ Aroni ɡɑri kuɑ u nɛɛ,

Sɔ̃ɔsiru 23:7

I ku rɑ ben ɑlɑfiɑ kɑsu ǹ kun mɛ ben ɡeɑ sere kɑ bɑɑdommɑɔ bɛɛn wɑ̃ɑrun tɔ̃ru kpuro sɔɔ.

Yosue 2:10

Domi sɑ nuɑ nɡe mɛ Yinni Gusunɔ u nim wɔ̃ku ɡe bɑ mɔ̀ Nɑɑ yɑri ɡberɑsiɑ i kɑ tɔburɑ sɑnɑm mɛ i yɑrimɑ Eɡibitin tem di. Sɑ mɑɑ nuɑ nɡe mɛ i Amɔrebɑn sinɑmbu yiru Sihoni kɑ Oɡu ɡo Yuudɛnin ɡuru ɡiɔ mɑ i ben ye bɑ mɔ kpuro munkɑ muku muku.

Yosue 2:9

u bu sɔ̃ɔwɑ u nɛɛ, nɑ yɛ̃ mɑ Yinni Gusunɔ u bɛɛ tem mɛ wɛ̃, yeyɑ n derɑ bɛɛn bɛrum sun mwɑ. Tem mɛn tɔmbu kpuro bɑ diirimɔwɑ bɛɛn sɔ̃.

Yosue 9:10

kɑ nɡe mɛ u Amɔrebɑn sinɑmbu yiru ye kuɑ, be bɑ wɑ̃ɑ Yuudɛnin sɔ̃ɔ yɑri yeru ɡiɑ. Beyɑ Sihoni, Hɛsibonin sunɔ, kɑ Oɡu, Bɑsɑnin sunɔ wi u wɑ̃ɑ Asitɑrɔtuɔ.

Yosue 9:9

Mɑ bɑ nùn wisɑ bɑ nɛɛ, bɛsɛ wunɛn bwɑ̃ɑbu sɑ weewɑ sɑɑ tontonden di yèn sɔ̃ sɑ Gusunɔ wunɛn Yinnin bɑɑru nuɑ kɑ mɑɑmɑɑki ye u kuɑ Eɡibitiɔ,