Gbɑburu 2:2 - Bibeli Gusunɔn Gari

² Isirelibɑ bɑ̀ n ben sɑnsɑni ɡirɑmɔ, ben bɑɑwure u koo win kuru ɡirɑwɑ win bweserun ɡidi bɔrɑn bɔkuɔ. Bɑ koo ben kuu ni ɡirɑwɑ bu kɑ nɛ, Yinni Gusunɔn kuu te sikerenɑ, kpɑ beɡii ni, nu n kɑ tu dɛsire fiiko.

Gbɑburu 2:2 ပူးပေါင်းရင်းမြစ်များ

Womusu 74:4

Wunɛn yibɛrɛbɑ bɑ kukurɑ sɑ̃ɑ yeru mi nɡe ɡbee sinɑnsu mɑ bɑ ben ɡidi bɔrɑ ɡirɑ mi.

Womusu 76:11

Bɑɑ tɔnun mɔru yɑ̀ n seewɑ, wunɛn yiikowɑ yɑ koo sɔ̃ɔsirɑ. Be bɑ mɑɑ yɑrɑ wunɛn mɔrun di, bɑ koo yen tɔ̃ɔ bɑkɑru diwɑ.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 18:3

Bɛɛ hɑnduniɑɡibu kpuro, i ɡidi bɔrɑ mɛɛrio ye bɑ koo ɡirɑ ɡuuru wɔllɔ. I kɔbɑn swĩi swɑɑ dɑkio ye bɑ koo so.

Esekiɛli 43:7

Mɑ u nùn sɔ̃ɔwɑ u nɛɛ, tɔnun bii, yɑm miniwɑ nɛn sinɑ kitɑru. Miyɑ kon nɛn nɑɑsu sɔndi. Kon kɑ Isirelibɑ sinɑ sere kɑ bɑɑdommɑɔ. Be kɑ ben sinɑmbu bɑ ǹ mɑɑ nɛn yĩsi dɛɛrɑ te sɑnkumɔ bɑ n bũnu ɡɑsirimɔ kɑ sere sinɑmbun ɡonu ni bɑ sikuɑ ɡunɡunu wɔllɔ mi bɑ rɑ yɑ̃kuru ko.

Sɑkɑri 9:16

Yen tɔ̃ɔ te, kon nɛn tɔmbu fɑɑbɑ ko nɡe mɛ yɑ̃ɑ kpɑro u rɑ win yɑ̃ɑnu fɑɑbɑ ko. Bɑ koo bɑlli ben temɔ nɡe kpee ɡobiɡii ni bɑ mɑni sinɑ furɔ sɔɔ.

Gbɑburu 1:50

Kɑɑ de bu nɛ, Yinni Gusunɔn kuu te nɔɔriwɑ kɑ ten dendi yɑ̃nu kɑ ye yɑ wɑ̃ɑ mi kpuro, beyɑ bɑ ko n dɑ ye kpuro sɔbe. Kpɑ bu ben kunu ɡirɑ bu kɑ nɛ, Yinni Gusunɔn kuu te sikerenɑ.

Gbɑburu 10:14

Yudɑbɑn tɑbu kowo wuurɑ tɑ ɡbiɑ tɑ swɑɑ wɔri bɑ ben ɡidi bɔrɑ nɛni. Be bɑ mɑɑ wɑ̃ɑ wuu te sɔɔ, beyɑ Isɑkɑribɑ kɑ Sɑbulonibɑ. Nɑsoni, Aminɑdɑbun biiwɑ u sɑ̃ɑ Yudɑbɑn tɑbu sunɔ. Isɑkɑribɑn tɑbu sunɔwɑ mɑɑ Nɛtɑnɛɛli, Suɑrin bii. Sɑbulonibɑn tɑbu sunɔwɑ mɑɑ Eliɑbu, Helonin bii.

Gbɑburu 10:18

Yen biruwɑ Rubɛnin bwese kɛrɑ kɑ yen tɑbu kowo wuuru, bɑ Lefi be swĩi. Be bɑ mɑɑ wɑ̃ɑ tɑbu wuu te sɔɔ, berɑ Simɛɔbɑ kɑ Gɑdibɑ. Rubɛnibɑn tɑbu sunɔn yĩsirɑ Elisuri, Sedeurin bii. Simɛɔbɑn tɑbu sunɔn yĩsirɑ Selumiɛli, Surisɑdɑin bii. Gɑdibɑn tɑbu sunɔn yĩsirɑ mɑɑ Eliɑsɑfu, Dewɛlin bii.

Gbɑburu 10:22

Kehɑtibɑn biru, Efɑrɑimun bwese kɛrɑ yɑ swĩi kɑ yen tɑbu kowo wuunu bɑ ben ɡidi bɔrɑ ɡbiisie. Beyɑ Mɑnɑsebɑ kɑ Bɛnyɑmɛɛbɑ. Efɑrɑimubɑn tɑbu sunɔn yĩsirɑ Elisɑmɑ, Amihudun bii. Mɑnɑsebɑn tɑbu sunɔn yĩsirɑ Gɑmuliɛli, Pedɑsurin bii. Bɛnyɑmɛɛbɑn tɑbu sunɔn yĩsirɑ Abidɑni, Gideonin bii.

Gbɑburu 10:25

Yen biruwɑ Dɑnun bwese kɛrɑ kɑ yen tɑbu kowo wuunu bɑ bu swĩi bɑ ben ɡidi bɔrɑ nɛni. Beyɑ Asɛɛbɑ kɑ Nɛfitɑlibɑ. Beyɑ bɑ kuɑ tɔn be kpuro kpuron biru kɔre. Dɑnubɑn tɑbu sunɔn yĩsirɑ Akiesɛɛ, Amisɑdɑin bii. Asɛɛbɑn tɑbu sunɔn yĩsirɑ Pɑɡiɛli, Okirɑnin bii. Nɛfitɑlibɑn tɑbu sunɔn yĩsirɑ Ahirɑ, Enɑnin bii.

Gbɑburu 2:1

Yinni Gusunɔ u Mɔwisi kɑ Aroni sɔ̃ɔwɑ u nɛɛ,

Gbɑburu 2:10

Sɔ̃ɔ yɛ̃sɑn nɔm dwɑru ɡiɑrɑ Rubɛnibɑ bɑ koo ben sɑnsɑni ɡirɑ ben ɡidi bɔrɑn bɔkuɔ be, kɑ ben tɑbu kowobu. Ben tɑbu sunɔn yĩsirɑ Elisuri, Sedeurin bii.

Gbɑburu 2:3

Sɔ̃ɔ yɑri yeru ɡiɑrɑ Yudɑbɑ bɑ koo ben sɑnsɑni ɡirɑ ben ɡidi bɔrɑn bɔkuɔ be, kɑ ben tɑbu kowobu. Ben tɑbu sunɔn yĩsirɑ Nɑsoni, Aminɑdɑbun bii.

Gbɑburu 24:2

Ye u nɔni seeyɑ u wɑ Isirelibɑ bɑ ben sɑnsɑni ɡire bwese kɛrɑ kɑ bwese kɛrɑ, yerɑ Gusunɔn Hunde nùn yɔɔwɑ.

Korinti I 14:33

Domi Gusunɔ kun bɛrɛtɛkɛ kĩ mɑ n kun mɔ ɑlɑfiɑ. Nɡe mɛ n sɑ̃ɑ nɑɑnɛ dokeobun yiɡbɛnu kpuro sɔɔ,

Korinti I 14:40

Adɑmɑ i kpuro koowo dee dee kɑ bɛɛrɛ.

Filipi 1:27

I ɡesi de bɛɛn sɑnu sɑnusu su n kɑ Kirisin Lɑbɑɑri ɡeɑ weenɛ. Nɡe mɛyɑ, nɑ̀ n nɑ bɛɛn mi, ǹ kun mɛ nɑ̀ kun nɛ, kon bɛɛn bɑɑru nɔ mɑ i yɔ̃ dim dim i nɔɔ nɛ, mɑ i sunɑmɔ sɑnnu kɑ ɡɔ̃ru teu nɑɑnɛ dokebun sɔ̃ bi bu wee Lɑbɑɑri ɡeɑn di.

Kolose 2:19

U ǹ Kirisi nɛni kem kem wi u sɑ̃ɑ wiru, tèn min di wɑsi kpuro yi mɛnnɛ kɑ yin ɡbin ɡbinkɑ kɑ sĩinu, yi kɑ dɑm wɑɑmɔ yi kpɛ̃ɑmɔ nɡe mɛ Gusunɔ u yi sosimɔ.

Yosue 3:4

Bɑ ko n bɛɛ ɡbiiye yèn sɔ̃ i ǹ swɑɑ ye swĩire. Adɑmɑ i ku susi kpɑkoro ten bɔkuɔ. I de i n tu swĩi dɑndɑnkuru nɡe kilo tiɑn sɑkɑ.