Gbɑburu 2:18 - Bibeli Gusunɔn Gari

¹⁸ Sɔ̃ɔ duu yeru ɡiɑrɑ Efɑrɑimubɑ bɑ koo ben sɑnsɑni ɡirɑ ben ɡidi bɔrɑn bɔkuɔ be, kɑ ben tɑbu kowobu. Ben tɑbu sunɔn yĩsirɑ Elisɑmɑ, Amihudun bii.

Gbɑburu 2:18 ပူးပေါင်းရင်းမြစ်များ

Torubu 48:5

Tɛ̃, Yosɛfu, wunɛn bibu yiru beni, Mɑnɑse kɑ Efɑrɑimu be bɑ nun mɑruɑ Eɡibitin tem mini n kɑ sere nun swĩimɑ mi, bɑ kuɑ nɛɡibu. Nɑ bu mɛɛrɑ nɡe Rubɛni kɑ Simɛɔ.

Yeremi 31:9

Be wee bɑ wee kɑ swĩi, bɑ mɑn kɑnɑmɔ. Mɑ nɑ bu kpɑre nɑ kɑ dɔɔ nim bwerɔ kɑ swɑɑ ye yɑ nɔɔ nɛ sɔɔ, mi bɑ ǹ sokurɑmɔ. Domi nɑ sɑ̃ɑwɑ Isirelin bweserun Bɑɑbɑ. Mɑ tɑ mɑɑ sɑ̃ɑ nɛn bii yerumɑ.

Gbɑburu 1:10

kɑ Elisɑmɑ, Amihudun bii, Efɑrɑimu, Yosɛfun biin bweseru sɔɔ, kɑ Gɑmuliɛli, Pedɑsurin bii, Mɑnɑse, Yosɛfun bii turo ɡoon bweseru sɔɔ,

Gbɑburu 10:22

Kehɑtibɑn biru, Efɑrɑimun bwese kɛrɑ yɑ swĩi kɑ yen tɑbu kowo wuunu bɑ ben ɡidi bɔrɑ ɡbiisie. Beyɑ Mɑnɑsebɑ kɑ Bɛnyɑmɛɛbɑ. Efɑrɑimubɑn tɑbu sunɔn yĩsirɑ Elisɑmɑ, Amihudun bii. Mɑnɑsebɑn tɑbu sunɔn yĩsirɑ Gɑmuliɛli, Pedɑsurin bii. Bɛnyɑmɛɛbɑn tɑbu sunɔn yĩsirɑ Abidɑni, Gideonin bii.

Gbɑburu 2:19

Win tɑbu kowobun ɡeerɑ sɑ̃ɑwɑ tɔmbu nɔrɔbun subɑ weeru kɑ nɛɛrɑ wunɔbu (40.500).

Sɔ̃ɔsiru 33:17

Yosɛfun bwese kɛrɑ ye, yɑ bɛɛrɛ mɔ. Yɑ dɑm mɔ nɡe kɛtɛ kinɛru. Yen dɑm mu sɑ̃ɑwɑ nɡe ɡbeeku kɛtɛn kɔbin dɑm. Dɑm mɛyɑ yɑ rɑ kɑ bwese tukunu so, kpɑ yu nu ɡirɑ. Efɑrɑimun tɔn dɑbirɑ tɑ sɑ̃ɑ nɡe kɔbi yin tiɑ, mɑ Mɑnɑsen tɔn dɑbirɑ mɑɑ sɑ̃ɑ nɡe kɔbi yin yiruse.