Gbɑburu 14:18 - Bibeli Gusunɔn Gari

¹⁸ ɑ sɑ̃ɑwɑ suuruɡii. Wunɛn durom mu kpɑ̃. A rɑ tɔmbu ben torɑnu suuru kue. A ku rɑ toro deri ɑ kun nùn sɛɛyɑsie. Mɛyɑ ɑ rɑ bɑɑbɑbɑn torɑnun mɔɔru mwɛ ben bibun mi, sere kɑ ben sikɑdominɔ.

Gbɑburu 14:18 ပူးပေါင်းရင်းမြစ်များ

Nɛɛmi 9:17

Bɑ swɑɑ tɑɑyɑ bɑ wunɛn sɔm mɑɑmɑɑkiɡii ni duɑri ni ɑ bu kuɑ. Mɑ bɑ nun seesi bɑ tii kpɑro kuɑ bu kɑ wurɑ mi bɑ rɑɑ yoru di. Adɑmɑ kɑ mɛ, ɑ ǹ bu deri. Domi ɑ sɑ̃ɑwɑ Yinni wi u rɑ tɔnu suuru kue. A wɔnwɔndu kɑ durom mɔ. Wunɛn mɔru ku rɑ fuuku se. Wunɛn kĩru tɑ ǹ kpeemɔ sere kɑ bɑɑdommɑɔ.

Yoobu 21:19

Bɛɛ i ɡerumɔ i mɔ̀, tɔn ben bibun bweserɑ Gusunɔ u rɑ sɛɛyɑsie. Adɑmɑ nɛ, nɑ nɛɛ, ben tiiwɑ n weenɛ u sɛɛyɑsiɑ, kpɑ bu ɡiɑ mɑ beyɑ bɑ torɑ,

Womusu 103:8

Yinni Gusunɔ u wɔnwɔndu mɔ. U rɑ mɑɑ tɔnu durom kue. Win durom mu kpɑ̃. Win mɔru ku rɑ se fuuku.

Womusu 108:4

Yinni Gusunɔ, kon nun siɑrɑ tɔmbun suunu sɔɔ sere kɑ bɑɑdommɑɔ. Kon nun womu kuɑ bwesenu sɔɔ.

Womusu 109:14

Gusunɔ u win bɑɑbɑbɑn torɑnu yɑɑyo, kpɑ u ku win mɛro nùn win durum suuru kuɑ.

Womusu 145:8

Yinni Gusunɔ, ɑ wɔnwɔndu mɔ, ɑ rɑ mɑɑ tɔmbu durom kue. A ku rɑ mɔru se fuuku. Wunɛn tɔn ɡeerɑ kpɑ̃.

Womusu 78:38

Adɑmɑ kɑ mɛ, Yinni Gusunɔ u rɑ tii nɛnɛ u kun win mɔru kpuro yɔ̃su. U rɑ bu wɔnwɔndu kue, kpɑ u bu ben durum wɔkɑ u kun bu ɡo.

Womusu 86:15

Adɑmɑ wunɛ Gusunɔ, ɑ sɑ̃ɑwɑ Yinni wɔnwɔnduɡii. A ku rɑ mɔru se fuuku. Wunɛn kĩru tɑ kpɑ̃. A mɑɑ sɑ̃ɑwɑ bɔrɔkini.

Yɑribu 20:5

I ku rɑ yiirɑ i bwɑ̃ɑroku ɡɑɡu sɑ̃, domi nɛnɑ bɛɛn Yinni wi u rɑ n wɑ̃ɑ. Nɛ, Yinni nisinuɡiiwɑ, nɛ wi nɑ rɑ bɑɑbɑbɑn durum mɔɔru mwɛ ben bibun mi be bɑ mɑn tusɑn suunu sɔɔ sere kɑ ben sikɑdominun bibɔ.

Yɑribu 20:6

Adɑmɑ be bɑ mɑn kĩ, mɑ bɑ nɛn woodɑ nɑsie, nɑ rɑ ben bibun bweseru wɔnwɔndu kue sere kɑ bɑɑdommɑɔ.

Yeremi 32:18

A rɑ bwesenu durom kue sere kɑ nin bibun bibɔ. Adɑmɑ bɑɑbɑbɑ bɑ̀ n torɑ, ɑ rɑ ben bibu sɛɛyɑsie torɑ nin sɔ̃. Gusunɔ, ɑ sɑ̃ɑwɑ Yinni boko, mɑ ɑ dɑm mɔ. Wunɛn yĩsirɑ wɔllu kɑ tem Yinni.

Swĩi 5:7

Wee, bɛsɛn bɑɑbɑbɑ bɑ kɔ̃sɑ kuɑ, ɑdɑmɑ bɑ ǹ mɑɑ kɑ sun wɑ̃ɑ. Bɛsɛrɑ sɑ yen wɑhɑlɑ sɔɔwɑ.

Yonɑsi 4:2

Mɑ u Yinni Gusunɔ sɔ̃ɔwɑ u nɛɛ, Yinni Gusunɔ, yenibɑn bɛrumɑ nɑ mɔ̀ sɑnɑm mɛ nɑ wɑ̃ɑ nɛn temɔ. Yen sɔ̃nɑ nɑ dukɑ yɑkurɑ fuuku nɑ dɔɔ Tɑɑsisiɔ. Nɑ yɛ̃ mɑ ɑ sɑ̃ɑwɑ wɔnwɔnduɡii, ɑ mɑɑ suuru mɔ. Wunɛn kĩru tɑ kpɑ̃. A rɑ tɔnu kɔ̃sɑ wĩɑri ye ɑ rɑɑ ɡɔ̃ru doke ɑ nùn kuɑ.

Misee 7:18

Wɑrɑ u kɑ nun weenɛ. Wee, ɑ rɑ kɑ bɛsɛ wunɛn tɔmbun bweserun sukum mɛ mu tie tɛmɑnɛ bɛsɛ be sɑ sɑ̃ɑ wunɛn ɑrumɑni kpɑ ɑ sun bɛsɛn torɑnu suuru kuɑ. Wunɛn mɔru ku rɑ tɛ. Domi kĩrɑ ɑ rɑ sun sɔ̃ɔsi.

Gbɑburu 14:17

Yen sɔ̃ tɛ̃, nɑ nun kɑnɑmɔ ɑ de ɑ wunɛn dɑm bɑkɑm sɔ̃ɔsi nɡe mɛ ɑ ɡeruɑ ɑ nɛɛ,

Gbɑburu 23:21

Uǹ torɑru ɡɑru wɑ Isirelibɑ sɔɔ. U sɑ̃ɑwɑ Gusunɔ ben Yinni, u mɑɑ wɑ̃ɑ kɑ be. U sɑ̃ɑwɑ ben sinɑ boko. U mɑɑ nuku dobu mɔ ben sɔ̃.

Romu 5:21

Nɡe mɛ torɑrɑ bɑndu di mɑ tɑ kɑ ɡɔɔ nɑ, mɛyɑ mɑɑ Gusunɔn durom mu bɑndu dii ɡem sɔ̃ mu kɑ sun wɑ̃ɑru wɛ̃ te tɑ ku rɑ kpe sɑɑ bɛsɛn Yinni Yesu Kirisin min di.

Sɔ̃ɔsiru 5:10

Adɑmɑ be bɑ nùn kĩ mɑ bɑ win woodɑbɑ mɛm nɔɔwɑmmɛ u rɑ ben bibun bweserun nɔrɔm nɔrɔm (1.000) wɔnwɔndu kue.

Sɔ̃ɔsiru 5:9

Su ku rɑ yiirɑ su nu sɑ̃. Domi wi, Gusunɔ bɛsɛn Yinni u sɑ̃ɑwɑ nisinuɡii. U rɑ bɑɑbɑbɑn durum mɔɔru mwɛ ben bibun mi, be bɑ nùn tusɑn suunu sɔɔ sere kɑ ben bibun bibɔ.

Sɔ̃ɔsiru 7:10

Adɑmɑ u rɑ be bɑ nùn tusɑ ben kɔ̃sɑ kɔsiewɑ u bu kpeerɑsiɑ yɑnde.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.