Gbɑburu 11:10 - Bibeli Gusunɔn Gari

¹⁰ Mɔwisi u nuɑ mɑ Isirelibɑ bɑ wɔki yɛnu kɑ yɛnu, bwese kɛrɑ kɑ bwese kɛrɑ. Mɑ Yinni Gusunɔn mɔru seewɑ ɡem ɡem.

Gbɑburu 11:10 ပူးပေါင်းရင်းမြစ်များ

Womusu 106:25

Bɑ wɔkiwɑ ben kunɔ. Bɑ ǹ wunɛn ɡɑri mɛm nɔɔwɛ.

Womusu 139:21

Yinni Gusunɔ, be bɑ nun tusɑ kɑ be bɑ rɑ nun seesi, nɑ ǹ kon bu tusi?

Womusu 78:21

Ye Yinni Gusunɔ u yeni kpuro nuɑ, yerɑ win mɔru yɑ seewɑ nɡe dɔ̃ɔ wi bɑ sɔ̃re win tɔmbu Isirelibɑn sɔ̃.

Womusu 78:59

Ye Gusunɔ u ye kpuro wɑ, yerɑ win mɔru seewɑ, mɑ u Isirelibɑ yinɑ.

Esɑi 5:25

Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.

Yeremi 17:4

Ben torɑnun sɔ̃nɑ bɑ koo ben tem biɑ mɛ mu sɑ̃ɑ ben tubi. Kon bu ko ben yibɛrɛbɑn yobu, kpɑ bu dɑ tem mi bɑ ǹ yɛ̃. Domi bɑ derɑ nɛn mɔru yɑ yɑburɑ nɡe dɔ̃ɔ. Yɑ ko n mɑɑ yɑburewɑ sere kɑ bɑɑdommɑɔ.

Gbɑburu 11:1

Sɔ̃ɔ teeru Isirelibɑ bɑ kɑ Yinni Gusunɔ wɔki. Ye u nu nuɑ, yɑǹ nùn dore. Mɑ u kɑ bu mɔru kuɑ, u derɑ dɔ̃ɔ u nɑ u ben sɑnsɑnin bee tiɑ mwɑ.

Gbɑburu 11:11

Yerɑ Mɔwisin nukurɑ sɑnkirɑ, u Yinni Gusunɔ sɔ̃ɔwɑ u nɛɛ, mbɑn sɔ̃nɑ ɑǹ kɑ mɑn nɔnu ɡeu mɛɛrɑ. Mbɑn sɔ̃nɑ ɑ kɑ mɑn nuki sɑnkumɔ mɛ, ye ɑ kɑ mɑn tɔn be nɔmu bɛriɑ.

Gbɑburu 12:3

N deemɑ Mɔwisi u suuru mɔ too. Goo sɑri wi u nùn suuru kere hɑnduniɑ ye sɔɔ.

Gbɑburu 12:9

Mɑ Yinni Gusunɔ u kɑ bu mɔru kuɑ. Yen biru u doonɑ.

Gbɑburu 16:27

Mɑ tɔn be kpuro bɑ kɑ Kore kɑ Dɑtɑni kɑ Abirɑmu tondɑ. Mɑ Dɑtɑni kɑ Abirɑmu bɑ yɑrɑ bɑ wɑ̃ɑ ben kunun kɔnnɔwɔ kɑ ben bibu kɑ ben kurɔbu kɑ ben debuminu.

Gbɑburu 21:5

Mɑ bɑ Yinni Gusunɔ kɑ Mɔwisi wɔkisim wɔri bɑ mɔ̀, mbɑn sɔ̃nɑ i sun yɑrɑmɑ Eɡibitin di. Su kɑ ɡbi ɡbɑburɔ? Domi dĩɑnu kɑ nim sɑri mini. Mɑnnɑ ye wee, yɑ sun tusɑ. Dĩɑ kɑmwɑ.

Mɑɑku 10:14

Ye Yesu wɑ ye bɑ mɔ̀ u mɔru bɑrɑ, mɑ u bu sɔ̃ɔwɑ u nɛɛ, i bibu derio bu nɑ nɛn mi, i ku bu yinɑri, domi Gusunɔ u bɑndu swĩi tɔmbun sɔ̃ be bɑ sɑ̃ɑ nɡe bibu.

Mɑɑku 3:5

Yesu u bu mɛɛrɑ kɑ mɔru u kɑ sikerenɑ, mɑ win nukurɑ sɑnkirɑ ben woo bɔbunun sɔ̃. Yerɑ u durɔ wi sɔ̃ɔwɑ u nɛɛ, ɑ wunɛn nɔmu dɛmiɔ. U ɡe dɛmiɑ mɑ ɡɑ wurɑ nɡe mɛ ɡɑ rɑɑ sɑ̃ɑ.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.