Gbɑburu 10:33 - Bibeli Gusunɔn Gari

³³ Mɑ Isirelibɑ bɑ Yinni Gusunɔn ɡuu te deri bɑ sĩɑ sɔ̃ɔ itɑ. Mɑ bɑ kɑ Yinni Gusunɔn woodɑn kpɑkororu ɡbiɑ bu kɑ yɑm kɑsu mi bɑ koo wɛ̃rɑ.

Gbɑburu 10:33 ပူးပေါင်းရင်းမြစ်များ

Womusu 95:11

Yen sɔ̃nɑ nɑ mɔru kuɑ mɑ nɑ bɔ̃ruɑ nɑ nɛɛ, bɑ ǹ sisi bu kɑ mɑn wɛ̃rɑ mi nɑ wɛ̃re.

Yɑribu 19:3

Yerɑ Yinni Gusunɔ u Mɔwisi sokɑ ɡuu ten wɔllɔ u kɑ nùn ɡɑri ko. Ye u yɔɔwɑ mi, yerɑ Yinni Gusunɔ u nɛɛ, ɑmɛniwɑ kɑɑ Yɑkɔbun bibu Isirelibɑn bwese kɛri sɔ̃ ɑ nɛɛ,

Yɑribu 3:1

Sɑɑ ye sɔɔ, Mɔwisi u win dokiri Yetoro, Mɑdiɑnin yɑ̃ku kowon sɑbenu kpɑre. U kɑ nu dɑ yɑkɑsɔ sɔ̃ɔ duu yeru ɡiɑ. Mɑ u turɑ sere ɡuu te bɑ mɔ̀ Horɛbuɔ te bɑ mɑɑ sokumɔ Sinɑi te Gusunɔ u tii ɡɔsiɑ.

Esɑi 11:10

Sɑɑ ye sɔɔ, ɡoo u koo yɑri Isɑin bweserun di nɡe dɑ̃ɑ kpii pɔturɑ, kpɑ u n sɑ̃ɑ nɡe ɡidi bɔrɑ bwesenu kpuron sɔ̃. Bwese ni, nu koo ɡɔsirɑmɑ win mi. Kpɑ win wɑ̃ɑ yeru tɑ n Gusunɔn yiiko sɔ̃ɔsi.

Esɑi 28:12

Domi u bu sɔ̃ɔwɑ bu de wi u wɑsirɑ u wɛ̃rɑ. Wɛ̃rɑ yerɑ mɑɑ wɑ̃ɑ mi, ɑdɑmɑ bɑ ǹ kĩ bu win ɡɑri wurɑ.

Esɑi 66:1

Yinni Gusunɔ u nɛɛ, wɔllɑ sɑ̃ɑwɑ nɛn sinɑ ɡɔnɑ, mɑ tem mu sɑ̃ɑ nɛn nɑɑ sɔnditiɑ. Ǹ n mɛn nɑ, dii teren bweserɑ i ko kpĩ i mɑn bɑniɑ. Nɡe wɑ̃ɑ yee terɑ̀ i ko mɑn wɛ̃ nɑ n dɑ n wɛ̃re mi.

Yeremi 3:16

Bɑ koo mɑrurɑ bu dɑbiɑ tem mɛ sɔɔ. Sɑnɑm mɛ sɔɔ, bɑ koo mɑn ɡiɑ. Bɑ ǹ mɑɑ nɛn woodɑn kpɑkororun ɡɑri mɔ̀. Goo kun mɑɑ ten bwisikunu mɔ̀. Goo kun mɑɑ tu yɑɑyɑmɔ u nɛɛ, mɑnɑ tɑ wɑ̃ɑ. Goo kun mɑɑ ten kɔsire mɔ̀.

Yeremi 31:2

Sɑnɑm mɛ bɑ wɑ̃ɑ ɡbɑburɔ, nɑ bu nɛn durom sɔ̃ɔsi, ben be bɑ yɑrɑ tɑbun di, bɑ wee bu wɛ̃rɑ sere kɑ bɑɑdommɑɔ.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

Esekiɛli 20:6

Yen dɔmɑ terɑ nɑ bu nɔɔ mwɛɛru kuɑ kɑ bɔ̃ri nɑ nɛɛ, kon bu yɑrɑ Eɡibitin di. Kpɑ n kɑ bu dɑ tem mɛ nɑ bu ɡɔsiɑ sɔɔ mi tim kɑ bom mu yibɑ. Tem mɛ, mu sɑ̃ɑwɑ mɛ mu tem kpuro burɑm kere.

Gbɑburu 10:12

Mɑ Isirelibɑ bɑ seewɑ Sinɑin ɡbɑburun di bɑ swɑɑ wɔri nɡe mɛ bɑ woodɑ yi bu kɑ swĩinɑ. Mɑ ɡuru wii wuro te, tɑ dɑ tɑ yɔ̃rɑ Pɑrɑniɔ.

Sɔ̃ɔsiru 1:33

bɑɑ mɛ u rɑ n sun swɑɑ ɡbiiye u kɑ sun ɑyeru sɔ̃ɔsi mi sɑ ko yɔ̃rɑ. Wɔ̃kuru, u rɑ sun kpɑrewɑ u n bɛsɛn swɑɑ yɑm bururɑsie kɑ dɔ̃ɔ yɑrɑ, sɔ̃ɔ sɔɔ mɑɑ kɑ ɡuru wii wuroru.

Sɔ̃ɔsiru 31:26

i woodɑn tire teni suo kpɑ i tu yi kpɑkoro ten bɔkuɔ kpɑ tɑ n sɑ̃ɑ seedɑ bɛɛn sɔ̃.

Sɔ̃ɔsiru 9:9

Sɑnɑm mɛyɑ nɑ yɔɔwɑ ɡuuru wɔllɔ n kɑ woodɑn kpee bɛsi mwɑ yì sɔɔ ɑrukɑwɑni ye Yinni Gusunɔ u kɑ bɛɛ bɔkuɑ yɑ yoruɑ. Nɑ sinɑwɑ miɡum sɔ̃ɔ sɔɔ weeru kɑ wɔ̃kuru weeru, nɑ ǹ di, nɑ ǹ mɑɑ nɔrɑ.

Heberu 13:20

Gusunɔ wi u ɑlɑfiɑ wɛ̃ɛmɔ u bɛsɛn Yinni Yesu seeyɑ ɡɔrin di, mɑ Yesu wi, u kuɑ bɛsɛn yɑ̃ɑ kpɑro boko win yɛm sɔ̃ mɛ mu nɔɔ mwɛɛ te tɑ ku rɑ kpen ɡɑri sire.

Yosue 4:7

kpɑ su bu sɔ̃ mɑ Yuudɛnin dɑɑrun nim mu kokubu yɔ̃rɑ Yinni Gusunɔn kpɑkororun wuswɑɑɔ sɑnɑm mɛ bɑ kɑ tu tɔburɔ. Kpee nini nu ko n sɑ̃ɑ yen seedɑ bɛsɛ Isirelibɑn sɔ̃ sere kɑ bɑɑdommɑɔ.

Kpɑrobu 20:27

N deemɑ Yinni Gusunɔn woodɑn kpɑkoro te, tɑ wɑ̃ɑ Betɛli mi. Finɛɛsi, Eleɑsɑɑn bii, Aronin debubuwɑ u sɑ̃ɑ yɑ̃ku kowo sɑɑ ye. Yerɑ Isireli be, bɑ Yinni Gusunɔ bikiɑ bɑ nɛɛ, su kpɑm Bɛnyɑmɛɛbɑ wɔrio? Mɑ u nɛɛ, oo, i doo. Kon bɛɛ bu nɔmu bɛriɑ siɑ.

Sɑmuɛli I 4:3

Ye Isirelibɑ bɑ wurɑ ben sɑnsɑniɔ, yerɑ ben ɡuro ɡurobu bɑ ɡeruɑ bɑ nɛɛ, mbɑ n kuɑ ɡisɔ, Gusunɔ u kɑ derɑ Filisitibɑ bɑ sun kɑmiɑ. I de su dɑ su Gusunɔn woodɑn kpɑkororu tɑmɑ Silon di tɑ n wɑ̃ɑ bɛsɛn suunu sɔɔ, kpɑ tu sun wɔrɑ bɛsɛn yibɛrɛbɑn nɔmɑn di.