Filipi 4:7 - Bibeli Gusunɔn Gari

⁷ Mɑ bɔri yɛndu te Gusunɔ u wɛ̃ɛmɔ, te tɑ tɔnun yɛ̃ru kpuro kere, tɑ koo bɛɛn ɡɔ̃ru kɑ bɛɛn bwisikunu kɔ̃su bɛɛ kɑ Yesu Kirisin ɡbinnɑɑ sɔɔ.

Filipi 4:7 ပူးပေါင်းရင်းမြစ်များ

Nɛɛmi 8:10

I ɡɔsiro bɛɛn yɛnusɔ kpɑ i dĩɑ ɡeenu di kpɑ i tɑm durom nɔ. Kpɑ i kɑ be bɑ ǹ dĩɑnu sɔɔru kue bɛɛɡinu bɔnu ko. Domi sɑ tɔ̃ɔ teni yiwɑ su kɑ bɛsɛn Yinni sɑ̃. I ku nuki sɑnkirɑ. Nuku doo bi Yinni Gusunɔ u koo bɛɛ wɛ̃ bu koo bɛɛ dɑm kɛ̃.

Yoobu 22:21

Yoobu, ɑ kɑ Gusunɔ doro, kpɑ ye kpuro yu nun sɑnɔ kuɑ. À n kuɑ mɛ, wunɛn nuku dobu koo wurɑmɑ.

Yoobu 34:29

Gusunɔ ù n nɛɛ, u ǹ ɡoo ɡɑ̃ɑnu kuɑmmɛ, wɑrɑ koo nùn tɑɑrɛ wɛ̃. Ù n tii beruɑ wɑrɑ u koo kpĩ u nùn wɑ.

Womusu 29:11

Wiyɑ u koo mɑɑ tɔmbu dɑm kɛ̃. Wiyɑ u koo bu domɑru kuɑ u bu bɔri yɛndu wɛ̃.

Womusu 85:8

Yinni Gusunɔ, ɑ sun wunɛn durom sɔ̃ɔsio kpɑ ɑ sun fɑɑbɑ ko.

Mɔnnu 2:11

Bwisi kɑ lɑɑkɑri yɑ koo nun kɔ̃su,

Mɔnnu 4:6

n ku bwisi yɔ̃su, yi koo mɑn somi. N yi kĩɔ, yi koo mɑn kɔ̃su.

Mɔnnu 6:22

Yɑ koo nun kpɑrɑ wunɛn sɑnu sɑnusu sɔɔ, kpɑ yu nun kɔ̃su wunɛn kpin yerɔ. Yɑ koo mɑɑ nun bwisi kɛ̃ ɑ̀ n dom yɑndɑ.

Esɑi 26:12

Yinni Gusunɔ, wunɑ ɑ rɑ sun bɔri yɛndu wɛ̃. Domi wunɑ ɑ rɑ de ye sɑ mɔ̀ kpuro yu koorɑ.

Esɑi 26:3

Yinni Gusunɔ u rɑ sikɑ sɑriruɡii bɔri yɛndu wɛ̃, yèn sɔ̃ yɛ̃ro u nùn nɑɑnɛ sɑ̃ɑ.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Esɑi 48:18

Ì n dɑɑ win woodɑbɑ mɛm nɔɔwɑ, ɑlɑfiɑ yɑ ko n bɛɛ wɑ̃ɑsiwɑ, nɡe dɑɑ bɑkɑrun nim mɛ mu rɑ n tɛrie.

Esɑi 48:22

Adɑmɑ kɔ̃sɑn kowobu bɑ ǹ bɔri yɛndu wɑsi. Wi, Yinni Gusunɔwɑ u yeni ɡeruɑ.

Yeremi 32:16

Sɑnɑm mɛ nɑ tem mɛn dwee tire ni Bɑruku, Nɛriyɑn bii wɛ̃ nɑ kpɑ, nɑ Yinni Gusunɔ kɑnɑ nɑ nɛɛ,

Yeremi 33:6

Wee, sɑɑ ɡɑɑ sisi yè sɔɔ kon ɡu nɔɔri nɡe bɑrɔ. Kon ɡu bɛkiɑ n bwɑ̃ɑ dorɑsiɑ, kpɑ n de ɡen tɔmbu bɑ n wɑ̃ɑ bɔri yɛndu sɔɔ.

Gbɑburu 6:26

Gusunɔ u bɛɛ mɛɛrimɑ, kpɑ u bɛɛ bɔri yɛndu wɛ̃.

Luku 1:79

u kɑ bu yɑm dɛɛrɑsiɑ be bɑ wɑ̃ɑ yɑm wɔ̃kuru sɔɔ kɑ be ɡɔɔn bɛrum wukiri nɡe yɑm wɔ̃kuru. Kpɑ u kɑ bɛsɛn nɑɑsu kpɑrɑ ɑlɑfiɑn swɑɑ sɔɔ.

Luku 2:14

bu Gusunɔ bɛɛrɛ wɛ̃ɛyɔ wɔllɔ. Bɔri yɛndɑ n wɑ̃ɑ hɑnduniɑ sɔɔ be bɑ Gusunɔn nukuru dorɑsiɑmɔn suunu sɔɔ.

Yohɑnu 14:27

Bɔri yɛndɑ nɑ bɛɛ deriɑ, nɛn bɔri yɛndɑ nɑ bɛɛ wɛ̃ɛmɔ. Nɑ ǹ bɛɛ tu wɛ̃ɛmɔ nɡe mɛ hɑnduniɑ yɑ rɑ wɛ̃. I ku wururɑ, i ku mɑɑ nɑndɑ.

Yohɑnu 16:33

Yɑbu yeniwɑ nɑ rɑɑ bɛɛ sɔ̃ɔwɑ kpɑ i n kɑ bɔri yɛndu mɔ nɛ sɔɔ. Hɑnduniɑ ye sɔɔrɑ i ko nɔni swɑ̃ɑru wɑ, ɑdɑmɑ i ku mwiɑ kpɑnɑ, nɑ hɑnduniɑ kɑmiɑ kɔ.

Romu 1:7

Nɑ bɛɛ kpuro tire teni yoruɑmmɛ bɛɛ be i wɑ̃ɑ Romuɔ, bɛɛ be Gusunɔ u kĩ mɑ u bɛɛ sokɑ i kɑ ko wiɡibu. Gusunɔ, bɛsɛn Bɑɑbɑ kɑ Yinni Yesu Kirisi bu bɛɛ durom kɑ ɑlɑfiɑ kɛ̃.

Romu 14:17

Domi Gusunɔn bɑndu tɑ ǹ sɑ̃ɑ dim kɑ nɔrubu mɑ n kun mɔ ɡem kɑ bɔri yɛndu kɑ nuku dobu sɑɑ Hunde Dɛɛron min di.

Romu 15:13

Kpɑ Gusunɔ wi u sun yĩiyɔbu wɛ̃ɛmɔ u bɛɛ nuku dobu kpuro kɑ bɔri yɛndu kpuro yibiɑ bɛɛn nɑɑnɛ dokebun sɔ̃ kpɑ i n yĩiyɔbu mɔ n bɑnde sɑɑ Hunde Dɛɛron dɑm di.

Romu 5:1

Tɛ̃ ye Gusunɔ u sun ɡem wɛ̃ nɑɑnɛ dokebun sɔ̃, sɑ dorɑ kɑ wi, sɑɑ Yesu Kirisi bɛsɛn Yinnin min di.

Romu 8:6

À n wunɛn dɑɑɡiɑ bwisikumɔ, ɡɔɔwɑ yen kɔkɔrɔ. À n mɑɑ Hundeɡiɑ bwisikumɔ, wɑ̃ɑru kɑ ɑlɑfiɑwɑ wunɛɡiɑ.

Korinti II 10:5

kɑ tii suɑbu kpuro bi tɔmbɑ mɔ̀ bu ku kɑ Gusunɔ ɡiɑ. Sɑ tɔmbun bwisikunu kpuro dɔɔrɛ mɔ̀ nu kɑ wɑ nu Kirisi mɛm nɔɔwɑ.

Korinti II 13:11

Tɛ̃ nɛɡibu, i n nuku dobu mɔ. I kookɑri koowo i kɑ ko tɔn yebunu i n dɑm kɛ̃ɛnɑmɔ. I nɔɔ tiɑ koowo, i n wɑ̃ɑ ɑlɑfiɑ sɔɔ. Gusunɔ u ko n wɑ̃ɑ kɑ bɛɛ, wi, wi u sɑ̃ɑ kĩruɡii kɑ ɑlɑfiɑɡii.

Gɑlɑti 5:22

Adɑmɑ Gusunɔn Hunden mɑrumɑ, kĩru, kɑ nuku dobu, kɑ bɔri yɛndu, kɑ tɛmɑnɑbu, kɑ tɔn ɡeeru, kɑ nuku tiɑ, kɑ nɑɑnɛ,

Efesu 3:19

kpɑ tu bɛɛ yeeri, bɑɑ mɛ tɑ tɔnun yɛ̃ru kere, kpɑ Gusunɔn dɑɑ yɑ n yibɑ bɛɛ sɔɔ mɑm mɑm.

Filipi 1:1

Bɛɛ Yesu Kirisiɡibu bɛɛ be i wɑ̃ɑ Filipiɔ, kɑ sere bɛɛn yiɡbɛ tɔnwerobu kɑ bɛɛn yiɡbɛ sɔm kowobu, nɛ Pɔlu kɑ Timɔte, bɛsɛ Yesu Kirisin yobu, sɑ bɛɛ tɔburɑ.

Filipi 1:2

Gusunɔ bɛsɛn Bɑɑbɑ kɑ Yinni Yesu Kirisi bu bɛɛ durom kuɑ kpɑ bu bɛɛ ɑlɑfiɑ kɛ̃.

Filipi 4:19

Gusunɔ nɛn Yinni u koo bɛɛ kpuro wɛ̃ yèn bukɑtɑ i mɔ nɡe mɛ win dukiɑ yiikoɡiɑ nɛ, Yesu Kirisin min di.

Filipi 4:21

I Yesu Kirisiɡibu kpuro tɔbirio. Nɛ kɑ bɛsɛɡii be sɑ wɑ̃ɑ sɑnnu sɑ bɛɛ tɔburɑ.

Filipi 4:9

I n dɑ ko ye i ɡiɑ kɑ ye i mwɑ kɑ ye i nuɑ nɛn min di, kɑ ye i wɑ nɑ kuɑ. Sɑnɑm mɛyɑ Gusunɔ wi u bɔri yɛndu wɛ̃ɛmɔ u ko n wɑ̃ɑ kɑ bɛɛ.

Kolose 3:15

Kpɑ i de Kirisin bɔri yɛndu tɑ n bɛɛn ɡɔ̃rusu kpɑre, kpɑ i n tɑkɑru mɔ̀. Bɑ bɛɛ sokɑwɑ i n kɑ sɑ̃ɑ wɑsi tee, kpɑ i n bɔri yɛndu mɔ.

Tɛsɑlonikɑ II 3:16

Yinni wi u rɑ ɑlɑfiɑ wɛ̃ u bɛɛ ɑlɑfiɑ kɛ̃ sɑɑ bɑɑyere ye n bɛɛ deemɑ kpuro sɔɔ kpɑ u n kɑ bɛɛ kpuro wɑ̃ɑ.

Heberu 13:20

Gusunɔ wi u ɑlɑfiɑ wɛ̃ɛmɔ u bɛsɛn Yinni Yesu seeyɑ ɡɔrin di, mɑ Yesu wi, u kuɑ bɛsɛn yɑ̃ɑ kpɑro boko win yɛm sɔ̃ mɛ mu nɔɔ mwɛɛ te tɑ ku rɑ kpen ɡɑri sire.

Yudu 1:1

Nɛ Yudu, Yesu Kirisin yoo, nɛ wi nɑ sɑ̃ɑ Yɑkɔbun wɔnɔ, nɑ bɛɛ tire teni yoruɑmmɛ, bɛɛ be Gusunɔ Bɑɑbɑ u sokɑ. U bɛɛ kĩ, mɑ u bɛɛ kɔ̃su Yesu Kirisin sɔ̃.

Kɑ̃siru 1:4

Nɛ Yohɑnu, nɑ bɛɛ Yesun yiɡbɛnu nɔɔbɑ yiru tɔburɑ Asin tem sɔɔ. Gusunɔ Yinni wi u wɑ̃ɑ, wi u rɑɑ wɑ̃ɑ, wi u mɑɑ sisi, kɑ hundebɑ nɔɔbɑ yiru be bɑ wɑ̃ɑ Gusunɔn sinɑ kitɑrun wuswɑɑɔ, kɑ mɑɑ Yesu Kirisi wi u sɑ̃ɑ seedɑ dio nɑɑnɛɡii wi bɑ ɡbiɑ bɑ seeyɑ ɡɔrin di, wi u mɑɑ sɑ̃ɑ sinɑ boko, bu bɛɛ durom kuɑ kpɑ bu bɛɛ ɑlɑfiɑ wɛ̃. Yesu u sun kĩ. Kɑ win yɛmɑ u sun yɑkiɑ bɛsɛn torɑnun di.

Kɑ̃siru 2:17

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, wiyɑ kon mɑnnɑ ye yɑ beruɑ wɛ̃ u di. Kon nùn kpee kpikiru wɛ̃ tè sɔɔ bɑ yĩsi kpɑɑru yoruɑ te ɡoo kun yɛ̃ mɑ n kun mɔ wi bɑ tu wɛ̃.