Filipi 4:20 - Bibeli Gusunɔn Gari

²⁰ Su Gusunɔ bɛsɛn Bɑɑbɑ bɛɛrɛ wɛ̃ sere kɑ bɑɑdommɑɔ. Ami.

Filipi 4:20 ပူးပေါင်းရင်းမြစ်များ

Womusu 115:1

Yinni Gusunɔ, n ǹ bɛsɛ sɑ bɛɛrɛ mɔ, wunɑ ɑ bɛɛrɛ mɔ wunɛn tɔn ɡeeru kɑ wunɛn bɔrɔkinirun sɔ̃.

Womusu 72:19

Su nùn siɑrɑ win yĩsi bɛɛrɛɡii ten sɔ̃. Win yiiko yu sɔ̃ɔsirɑ hɑnduniɑ kpuro sɔɔ. Ami! Ami!

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.

Mɑteu 6:9

Yen sɔ̃, wee nɡe mɛ i ko i n dɑ kɑnɑru ko. I n dɑ nɛɛ, bɛsɛn Bɑɑbɑ wi u wɑ̃ɑ wɔllɔ, ɑ de bɑ n yɛ̃ mɑ wunɑ sɑ̃ɑ Dɛɛro.

Romu 11:36

Domi wiyɑ kpuron wiru, win min diyɑ kpuro nɑɑmɔ, mɑ kpuro wɑ̃ɑ win sɔ̃. Wiɡiɑ yiiko sere kɑ bɑɑdommɑɔ. Ami.

Romu 16:27

Yen sɔ̃, bu Gusunɔ wi u sɑ̃ɑ bwisiɡii wi turo, bɛɛrɛ wɛ̃ɛyɔ sɑɑ Yesu Kirisin min di sere kɑ bɑɑdommɑɔ. Ami.

Efesu 3:21

Yen sɔ̃, su nùn bɛɛrɛ wɛ̃ Yesun yiɡbɛru sɔɔ sɑɑ Yesu Kirisin min di sɑɑ bɑɑyere kpuro sere kɑ bɑɑdommɑɔ. Ami.

Filipi 1:11

Kookoo ɡee si su wee sɑɑ Yesu Kirisin min di, siyɑ su ko n mɑɑ yibɑ bɛɛn wɑ̃ɑru sɔɔ, kpɑ su Gusunɔ bɛɛrɛ wɛ̃ kpɑ su de bu nùn siɑrɑ.

Filipi 4:23

Kpɑ Yinni Yesu Kirisin durom mu n kɑ bɛɛn bɑɑwure wɑ̃ɑ.

Timɔte I 1:17

Tɛ̃, Gusunɔ turo wi, sinɑ boko wi u ko n wɑ̃ɑ kɑ bɑɑdommɑɔ, wi u kun ɡbimɔ, wi bɑ ǹ kɑ nɔni wɑɑre, wiɡiɑ bɛɛrɛ kɑ yiiko sere kɑ bɑɑdommɑɔ. Ami.

Kɑ̃siru 1:6

Mɑ u sun mɛnnɑ u kuɑ bɛsɛn sunɔ, u sun kuɑ win Bɑɑbɑ Gusunɔn yɑ̃ku kowobu. Wiyɑ u sinɑndu kɑ yiiko mɔ sere kɑ bɑɑdommɑɔ. Ami.

Kɑ̃siru 11:13

Mii mii mɑ tem yĩirɑ ɡem ɡem, mɑ wuu ɡen bɔnu wɔkuruse yɑ wɔrumɑ. Tɔn be bɑ ɡu tem yĩiru bi sɔɔ, ben ɡeerɑ sɑ̃ɑ tɔnu nɔrɔbun subɑ nɔɔbɑ yiru (7.000). Tɔn be bɑ tie, mɑ bɑ nɑndɑ ɡem ɡem, mɑ bɑ Wɔrukoo bɛɛrɛ wɛ̃.

Kɑ̃siru 14:7

U nɔɔɡiru suɑ u nɛɛ, i Gusunɔ nɑsio kpɑ i nùn bɛɛrɛ wɛ̃, domi sɑɑ yɑ turɑ u kɑ tɔmbu kpuro siri. I nùn sɑ̃ɑwɔ wi u wɔllu kɑ tem tɑkɑ kuɑ kɑ nim wɔ̃ku kɑ bwii.

Kɑ̃siru 5:12

Bɑ nɔɔɡiru suɑ bɑ mɔ̀, Yɑ̃ɑ kinɛ kpɛm te bɑ rɑɑ kɑ yɑ̃kuru kuɑ, tɑ turɑ bu kɑ tu yiiko wɛ̃, kɑ dukiɑ, kɑ yɛ̃ru, kɑ dɑm, kɑ bɛɛrɛ, kɑ ɡirimɑ, kɑ siɑrɑbu.

Kɑ̃siru 7:12

bɑ nɛɛ, ɑmi. Gusunɔ bɛsɛn Yinniwɑ u siɑrɑbu kɑ ɡirimɑ kɑ yɛ̃ru kɑ tɑkɑru kɑ bɛɛrɛ, kɑ dɑm, kɑ yiiko mɔ sere kɑ bɑɑdommɑɔ. Ami.