Filipi 2:16 - Bibeli Gusunɔn Gari

¹⁶ i n kɑ bu wɑ̃ɑrun ɡɑri nɔɔsiɑmɔ. Ì n mɔ̀ mɛ, kon kpĩ n woo kɑnɑ Kirisin tɔ̃ru sɔɔ, yèn sɔ̃ nɛn hɑniɑ kɑ nɛn sɔmburɑ kun kɑm kue.

Filipi 2:16 ပူးပေါင်းရင်းမြစ်များ

Womusu 40:9

Gusunɔ nɛn Yinni, nɑ kĩ n wunɛn kĩru ko. Wunɛn woodɑ yɑ wɑ̃ɑ nɛn ɡɔ̃ruɔ.

Womusu 71:17

Gusunɔ, wunɑ ɑ mɑn keu koosiɑ sɑɑ nɛn birun di. Yen sɔ̃nɑ sere kɑ tɛ̃ nɑ wunɛn sɔm ɡeenun ɡɑri kpɑrɑmɔ.

Esɑi 49:4

Adɑmɑ nɛ, nɑ nɛɛwɑ, kɑmɑ nɑ sɔmburu kuɑ. Nɛn dɑm, kɑmɑ mu kuɑ. Kɑ mɛ, nɑ yɛ̃ mɑ Gusunɔ nɛn Yinni u koo mɑn ɡem wɛ̃. Nɑ ɑre yĩiyɔ win mi.

Mɑteu 10:27

Ye nɑ bɛɛ sɔ̃ɔmɔ yɑm wɔ̃kuru sɔɔ, i ye ɡeruo yɑm bururɑm sɔɔ. Ye i mɑɑ nuɑ ɑsiri sɔɔ, i yɔɔwo ɡidɑmbisɑ wɔllɔ i kɑ ye kpuro kpɑrɑ.

Luku 12:8

Yesu mɑɑ nɛɛ, nɑ bɛɛ sɔ̃ɔmɔ, bɑɑwure wi u mɑn wurɑ tɔmbun wuswɑɑɔ, Tɔnun Bii u koo nùn wurɑ wɔllun ɡɔrɑdobɑn wuswɑɑɔ.

Yohɑnu 6:63

Hundewɑ yɑ rɑ tɔnu ko wɑso, wɑsi kun ɑre ɡɛɛ mɔ. Gɑri yi nɑ bɛɛ sɔ̃ɔwɑ, hundewɑ, wɑ̃ɑrɑ mɑɑ.

Yohɑnu 6:68

Simɔɔ Piɛɛ u nùn wisɑ u nɛɛ, Yinni, weren miyɑ sɑ ko dɑ. Wunɑ ɑ wɑ̃ɑru te tɑ ku rɑ kpen ɡɑri mɔ.

Gɔrobun Kookoosu 13:26

Tɛ̃, mɛro bisibu, bɛɛ Aburɑhɑmun bweserun bibu, kɑ bɛɛ be i Gusunɔ nɑsie, bɛsɛrɑ bɑ fɑɑbɑ yen ɡɑri ɡɔriɑmɑ.

Korinti I 1:8

Wiyɑ u koo bɛɛ yɔ̃re sere kɑ nɔrɔ, kpɑ i kɑ yɔ̃rɑ tɑɑrɛ sɑriru sɔɔ tɔ̃ɔ tè sɔɔ u koo nɑ.

Korinti I 9:26

Yen sɔ̃nɑ nɑ dukɑ mɔ̀ dee dee nɑ ǹ ɡɛririmɔ. Nɑ sɑnnɑmɔ, ɑdɑmɑ n ǹ mɔ nɡe wi u wom soomɔ.

Korinti II 1:14

nɡe mɛ bɛsɛn ɡɑri yi bɛɛ yeerimɑ mɑ Yinni Yesun tɔ̃ru sɔɔ i ko kpĩ i woo kɑnɑ bɛsɛn sɔ̃, nɡe mɛ bɛsɛn tii sɑ ko ko bɛɛn sɔ̃.

Gɑlɑti 2:2

Nɑ dɑ yèn sɔ̃ Gusunɔ u mɑn sɔ̃ɔsi mɑ n weenɛ n dɑ. Nɛ kɑ wiruɡibu tɔnɑwɑ sɑ mɛnnɑ, mɑ nɑ bu Lɑbɑɑri ɡeɑn ɡɑri tubusiɑ yi nɑ rɑ tɔn tukobu wɑɑsu kue, domi nɑ ǹ kĩ nɛn sɔmburu te nɑ rɑɑ kuɑ, ǹ kun mɛ te nɑ mɔ̀ tɛ̃, tu kɑm ko.

Gɑlɑti 4:11

Tɛ̃ bɛrum mɑn mɔ̀ nɛn sɔmburu kpuro tu ku rɑɑ ko kɑm te nɑ kuɑ bɛɛn sɔ̃.

Filipi 1:10

i kɑ kpĩ i ɡɑ̃ɑ ɡeenu tubu. Nɡe mɛyɑ i ko n dɛɛre, kpɑ i kun tɑɑrɛ ɡɑɑ mɔ dɔmɑ te Kirisi koo wurɑmɑ.

Filipi 1:6

Nɑ yeni yɛ̃ kɑm kɑm, Gusunɔ wi u sɔm ɡee te toruɑ bɛɛ sɔɔ u ko n tu mɔ̀ sere u kɑ tu dɑkurɑ Yesu Kirisin tɔ̃ru sɔɔ.

Tɛsɑlonikɑ I 2:19

Dɔmɑ te Yinni Yesu koo wurɑmɑ, mbɑ n ko n sɑ̃ɑ bɛsɛn yĩiyɔbu kɑ bɛsɛn nuku dobu, mbɑ sɑ ko mɑɑ kɑ woo kɑnɑ win wuswɑɑɔ mɑ n kun bɛɛ.

Tɛsɑlonikɑ I 3:5

Yen sɔ̃nɑ, sɑnɑm mɛ nɛn bwɛ̃rɑ yinɑ yu kpunɑ, nɑ Timɔte ɡɔrɑ bɛɛn mi kpɑ n kɑ ɡiɑ mɛ bɛɛn nɑɑnɛ dokebu sɑ̃ɑ. Nɑ bɛrum kuɑ kɔkuro kun dɑ bɛɛ kɔkurɑ i kɑ durum ko, kpɑ bɛsɛn sɔmburu tɑ n kue kɑm.

Heberu 4:12

Domi Gusunɔn ɡɑri yi wɑsi yi mɑɑ dɑm mɔ. Yi nɔɔ do n kere tɑkobi ye bɑ dɛ̃ɛrɑ biru kɑ wuswɑɑ. Yi dɑm mɔ yi kɑ tɔnun ɡɔ̃ru kɑ win hunde sɔku kɑ mɑɑ win ɡbinnu sere yu kpɛ̃ɛru ɡirɑri. Yi tɔnun ɡɔ̃run kĩru kɑ ɡen bwisikunu sirimɔ.

Piɛɛ I 1:23

Domi bɑ ǹ bɛɛ mɑrɑ nɔn mɛɛruse kɑ bwese te tɑ koo ɡbi. Bɑ bɛɛ mɑrɑwɑ kɑ bwese te tɑ ǹ ɡbimɔ te tɑ sɑ̃ɑ Gusunɔn ɡɑri yi yi wɑsi yi yi ku rɑ kpe.

Yohɑnu I 1:1

Wɑ̃ɑru te tɑ ku rɑ kpe tɑ sɔ̃ɔsirɑ. Sɑ tu wɑ. Sɑ ten seedɑ dimɔ, sɑ bɛɛ ten ɡɑri nɔɔsiɑmɔ te tɑ rɑɑ wɑ̃ɑ Bɑɑbɑn mi, mɑ bɑ sun tu sɔ̃ɔsi. Ye wɑ̃ɑ ten ɡɑri kɑ yɑ̃, ye yɑ wɑ̃ɑ toren di, sɑ ye nuɑ, sɑ ye wɑ kɑ nɔni, sɑ ye mɛɛrɑ mɑm mɑm, bɛsɛn nɔmɑ mɑɑ ye bɑbɑ.

Kɑ̃siru 22:17

Hunde Dɛɛro kɑ mɑɑ kurɔ kpɑo bɑ ɡerumɔ, u nɑ. Bɑɑwure wi u ɡɑri yi nɔɔmɔ u de u mɑɑ nɛɛ, u nɑ. Wi nim nɔru ɡɑ mɔ̀ u nɑ. Wi u mɑɑ nim wɑ̃ɑruɡim kĩ, u mɔɔ n kun kɑ kɔsiɑru.