Ɛsidɑrɑsi 9:9 - Bibeli Gusunɔn Gari

⁹ Wee sɑ sɑ̃ɑwɑ yobu. Adɑmɑ wunɛ Gusunɔ, ɑ ǹ sun deri. A derɑ Pɛɛsibɑn sinɑmbu bɑ kɑ sun nɔnu ɡeu mɛɛrɑ mɑ bɑ derɑ sɑ wɑ̃ɑ su kɑ wunɛ Gusunɔ bɛsɛn Yinnin sɑ̃ɑ yeru bɑni. Kpɑ su wɛ̃rɑ yeru wɑ Yerusɑlɛmuɔ kɑ Yudɑn tem kpuro sɔɔ.

Ɛsidɑrɑsi 9:9 ပူးပေါင်းရင်းမြစ်များ

Ɛsidɑrɑsi 2:68

Ye Isirelibɑ bɑ turɑ Yerusɑlɛmuɔ, yerɑ yɛnu yɛ̃robu ɡɑbu bɑ kɑ Yinni Gusunɔ kɛ̃ru nɑɑwɑ bu kɑ win sɑ̃ɑ yeru bɑni mi tɑ rɑɑ wɑ̃ɑ.

Ɛsidɑrɑsi 7:8

Kɑ Ɛsidɑrɑsin tii sɑnnɑ bɑ tunumɑ sinɑ bokon bɑndun wɔ̃ɔ nɔɔbɑ yirusen suru nɔɔbuse sɔɔ.

Ɛsidɑrɑsi 9:10

Tɛ̃, Gusunɔ, mbɑ sɑ yɛ̃ sɑ ko ɡere domi sɑ wunɛn woodɑbɑ deri

Nɛɛmi 2:17

Adɑmɑ ye nɑ wurɑmɑ nɑ bu sɔ̃ɔwɑ nɑ nɛɛ, bɛɛn tii i wɑ nɡe mɛ Yerusɑlɛmu yɑ sɑ̃ɑ. Wee yɑ bɑnsu kuɑ. Mɑ yen ɡbɑ̃rɑrun ɡɑmbobɑ bɑ dɔ̃ɔ mwɑɑkirɑ. Yen sɔ̃, su yen ɡbɑ̃rɑ te seeyɑ kpɑ sɑ kun mɑɑ wɑ̃ɑ sekuru sɔɔ.

Nɛɛmi 9:17

Bɑ swɑɑ tɑɑyɑ bɑ wunɛn sɔm mɑɑmɑɑkiɡii ni duɑri ni ɑ bu kuɑ. Mɑ bɑ nun seesi bɑ tii kpɑro kuɑ bu kɑ wurɑ mi bɑ rɑɑ yoru di. Adɑmɑ kɑ mɛ, ɑ ǹ bu deri. Domi ɑ sɑ̃ɑwɑ Yinni wi u rɑ tɔnu suuru kue. A wɔnwɔndu kɑ durom mɔ. Wunɛn mɔru ku rɑ fuuku se. Wunɛn kĩru tɑ ǹ kpeemɔ sere kɑ bɑɑdommɑɔ.

Womusu 109:12

Goo u ku rɑɑ nùn durom kuɑ. Goo u ku mɑɑ win bii ɡobekubɑn wɔnwɔndu ko.

Womusu 138:7

Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

Esɑi 14:3

Bɛɛ Isirelibɑ, Yinni Gusunɔ u koo de i yoru yɑri, kpɑ i wɛ̃rɑ bɛɛn wɑsirɑru kɑ nɔni swɑ̃ɑrun sɔ̃.

Esɑi 5:2

U ɡbɑɑ te kɔrɔ kuɑ, mɑ u ten kpenu wukurɑ. Mɑ u resɛm dɑ̃ɑ ye yɑ koo bii duronu mɑ duurɑ. Yerɑ u ten kɔ̃sobun diru bɑnɑ ten suunu sɔɔ. Mɑ u resɛm ɡɑmɑ yeru kuɑ mi. Sɑɑ yè sɔɔ u den yĩiyɔ resɛm ɡbɑɑ te, tu nùn bii ɡeenu mɑruɑ, yerɑ u deemɑ kɔ̃sunɑ tɑ nùn mɑruɑ.

Esɑi 5:5

Wee ye u koo win ɡbɑɑ te kuɑ. U koo ten kɑrɑ kɑ yen dɑ̃ɑ wukiriwɑ, kpɑ yɑɑ sɑbenu kɑ ɡbeeku yɛɛ yi du mi, yi di, yi tɑɑku.

Esɑi 61:4

Bɑ koo bɑn ɡurusu seeyɑ, kpɑ bu wuu si bɑ rɑɑ kɔsukɑ yellu sɔmɛ.

Esekiɛli 11:16

Adɑmɑ ɑ bu sɔ̃ɔwɔ ɑ nɛɛ, bɑɑ mɛ nɑ derɑ bɑ yɑrinɛ mi, bɑ wɑ̃ɑ tem tukumɔ, sɔ̃ɔ teeru ko nɑ n kɑ bu wɑ̃ɑ nɡe mɛ nɑ rɑ n wɑ̃ɑ sɑ̃ɑ yerɔ.

Dɑniɛli 9:25

Ǹ n mɛn nɑ, ɑ bwisikuo kpɑ ɑ tubu. Sɑɑ mìn di bɑ woodɑ wɛ̃ bu Yerusɑlɛmu sɔmɛ bu bɑni, sere wiruɡii wi Gusunɔ u ɡɔsɑ u kɑ nɑ, yɑ koo kowɑ sɑɑ nɔɔbɑ yirun nɔn nɔɔbɑ yiru. Yen biru, bɑ koo yen swɛɛ sɔmɛ kɑ yen ɡbɑ̃rɑru sɑɑ nɔɔbɑ yirun non wɑtɑ kɑ yiru sɔɔ. Sɑɑ ye, yɑ ko n sɑ̃ɑwɑ wɑhɑlɑn sɑɑ.

Asee 1:9

I tɑmɑɑ i ko i dĩɑnu wɑwɑ too bɛɛn ɡbeɑn di. Adɑmɑ wee fiikowɑ i wɑ. Fiiko ye i wɑ i kɑ dɑ yɛnuɔ mi, mɑ nɑ ye wom wure nɑ yɑrinɑsiɑ. Mbɑn sɔ̃. Yèn sɔ̃ i nɛn sɑ̃ɑ yeru deri tɑ kuɑ bɑnsu. Mɑ bɑɑwure u sɛnde u kɑ win tiin diru bɑni. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɑkɑri 2:5

Ye Sɑkɑri u mɑɑ mɛɛrɑ, yerɑ u durɔ ɡoo wɑ u wɛ̃ɛ yĩirutii nɛni.