Ɛsidɑrɑsi 9:6 - Bibeli Gusunɔn Gari

⁶ Gusunɔ nɛn Yinni, wee nɑ wɑ̃ɑ sekuru sɔɔ sere nɑ ǹ kpɛ̃ n wuswɑɑ seeyɑ. Bɛsɛn torɑnu nu dɑbiɑ nu sun kerɑ. Bɛsɛn durum kpɛ̃ɑ sere yɑ wɔllu ɡirɑri.

Ɛsidɑrɑsi 9:6 ပူးပေါင်းရင်းမြစ်များ

Torubu 13:13

Sodomuɡibu wee, tɔn kɔ̃sobɑ. Bɑ sɑ̃ɑwɑ durumɡibu mɑm mɑm Gusunɔn wuswɑɑɔ.

Sinɑmbu I 8:47

bɑ̀ n bwisikɑ tem mi bɑ yoru dimɔ mi, mɑ bɑ ɡɔ̃ru ɡɔsiɑ mɑm mɑm, bɑ nun tii wɛ̃ mɑ bɑ tem mɛni mɛɛrimɑ mɛ ɑ ben bɑɑbɑbɑ wɛ̃, kɑ wuu ɡeni, ɡe ɑ ɡɔsɑ kɑ sɑ̃ɑ yee te nɑ nun bɑniɑ mini, bɑ̀ n kɑnɑru mɔ̀, bɑ mɔ̀, bɑ nun torɑri bɑ durum kuɑ,

Bɑndun Gɑri II 28:9

N deemɑ Yinni Gusunɔn sɔmɔ ɡoo u wɑ̃ɑ mi. Win yĩsirɑ Odɛdi. Yerɑ u tɑbu kowo be sennɔ dɑ. U nɛɛ, wee Gusunɔ bɛɛn bɑɑbɑbɑn Yinni u kɑ Yudɑbɑ mɔru kuɑ, mɑ u bɛɛ bu nɔmu bɛriɑ, mɑ i bu ɡo kɑ wɔnwɔndu sɑriru sere ben wuri yi nùn ɡirɑri.

Ɛsidɑrɑsi 9:13

Bɛsɛn dɑɑ kɔ̃sɑ kɑ bɛsɛn torɑ bɑkɑnun sɔ̃nɑ yeni kpuro yɑ sun deemɑ. Adɑmɑ ɑ ǹ sun sɛɛyɑsie nɡe mɛ bɛsɛn torɑ ni, nu nɛ. Mɑ ɑ mɑɑ derɑ bɛsɛn ɡɑbɑ yɑkiɑrɑmɑ yorun di.

Ɛsidɑrɑsi 9:15

Gusunɔ bɛsɛ Isirelibɑn Yinni, wunɑ ɑ sɑ̃ɑ ɡemɡii. Bɛsɛ sɑ sɑ̃ɑwɑ be bɑ tiɑrɑ Isirelibɑ sɔɔ. Bɛsɛ wee wunɛn wuswɑɑɔ sɑ torɑ. Sɑ ǹ mɑɑ kpɛ̃ sɑ n kɑ wɑ̃ɑ mɛ wunɛn wuswɑɑɔ.

Nɛɛmi 1:6

A mɑn mɛɛrimɑ. A swɑɑ dɑkio ye nɑ nun kɑnɑmɔ nɛ wunɛn sɔm kowo. Sɔ̃ɔ sɔɔ kɑ wɔ̃kuru nɑ nun kɑnɑmɔ bɛsɛ Isirelibɑn sɔ̃, bɛsɛ wunɛn sɔm kowobu. Nɑ nun kɑnɑmɔ ɑ sun bɛsɛn durum wɔko. Geemɑ, nɛ kɑ nɛn yɛnuɡibu sɑ torɑwɑ,

Yoobu 40:4

wee nɑ ǹ sɑ̃ɑ ɡɑ̃ɑnu. Mbɑ kon kpĩ n nun wisi. Kon nɔɔ nɛnɛwɑ n mɑri.

Yoobu 42:6

Yen sɔ̃nɑ nɑ tii tɑɑrɛ wɛ̃ mɑ nɑ ɡɔ̃ru ɡɔsiɑ nɑ tii tuɑ kɑ torom wisi nuku sɑnkirɑnun sɔ̃.

Womusu 38:4

Wunɛn mɔrun sɑɑbu, nɛn wɑsin ɡɑm sɑri mi n bwɑ̃ɑ do. Nɛn durum sɑɑbu nɑ ǹ mɑɑ dɑm ɡɑm mɔ.

Womusu 38:5

Domi nɛn torɑnu kpɛ̃ɑ sere nu mɑn ɡunum kerɑ. Nu sɑ̃ɑ nɡe sɔmu bɑkɑnu ni nu mɑn bunum kere.

Yɑribu 32:31

Yerɑ u ɡɔsirɑ u dɑ Yinni Gusunɔn mi, u nɛɛ, kuku, tɔn be, bɑ durum bɑkɑ kuɑ. Bɑ tii bwɑ̃ɑroku kuɑ kɑ wurɑ.

Esɑi 1:18

I nɑ su wesiɑnɑ kpɑ su nɔɔsinɑ. Ì n wurɑ i mɑn mɛm nɔɔwɑ, bɑɑ bɛɛn ɡɔ̃ru ɡɑ̀ n tĩri nɡe weke biru, kon ɡu dɛɛrɑsiɑ ɡu bururɑ nɡe wɛ̃su. Bɑɑ ɡɑ̀ n mɑɑ sɔ̃rin nɑ nɡe wɛ̃ɛ wunɔmɡii, ɡɑ koo bururɑ nɡe wɛ̃ɛ kpiki, kpɑ i tem mɛn dĩɑ ɡeenu di.

Esɑi 59:12

Domi bɛsɛn torɑnu kpɛ̃ɑ wunɛn wuswɑɑɔ, mɑ bɛsɛn durum yɑ bɛsɛn dɑɑ sɔ̃ɔsimɔ. Sɑ bɛsɛn torɑnu yɛ̃ ni nu sun wɑ̃ɑsi.

Yeremi 3:3

Yen sɔ̃nɑ ɡurɑ kun tɑ̃rɑmɔ bu sere nɛɛ, yɑ koo nɛ. Adɑmɑ kɑ mɛ, i bũnu ɡɑsirimɔ i dɔɔwɑ. Sekurɑ kun bɛɛ mɔ̀.

Yeremi 31:19

Ye ben lɑɑkɑri yɑ wurɑmɑ, mɑ bɑ tuubɑ kuɑ. Ye bɑ ben torɑnu ɡiɑ, mɑ bɑ tukɑ kɑ sekuru ye bɑ kuɑ sɑɑ ben ɑluwɑɑsirun din sɔ̃.

Yeremi 51:9

Sɔɔ be bɑ wɑ̃ɑ mi, bɑ nɛɛ, sɑ Bɑbiloni tim kɑ̃, ɑdɑmɑ yɑ ǹ bɛkure. Su ye deri su ɡɔsirɑ bɛsɛn temɔ, domi yen sɛɛyɑsiɑ bi, bu kpɑ̃ sere bu nɔɔrɑ hɑnduniɑ kpuro sɔɔ.

Yeremi 6:15

N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Swĩi 3:42

Su nɛɛ, Yinni, sɑ durum kuɑ, sɑ nun seesi. A ǹ sun suuru kue.

Esekiɛli 16:63

Kpɑ ɑ yɑɑyɑ ye ɑ kuɑ ɡɑsɔ, kpɑ sekuru tu nun mwɑ sere ɑ kpɑnɑ ɑ ɡɑri ɡere. Adɑmɑ nɛ kon nun wunɛn torɑnu kpuro suuru kuɑ. Nɛ, Yinni Gusunɔwɑ nɑ yeni ɡeruɑ.

Sɑ̃ɑrun Woodɑ 26:40

Isireli be bɑ tiɑrɑ, bɑ koo ben torɑnu tuubɑ ko kɑ ben bɑɑbɑbɑɡinu ni bɑ kuɑ nɛ, Yinni Gusunɔn wuswɑɑɔ kɑ sere seesi bi bɑ mɑn seesi.

Luku 15:21

Bii wi, u nɛɛ, bɑɑbɑ, nɑ nun torɑri, nɑ mɑɑ Gusunɔ torɑri. Yen sɔ̃, ɑ ku mɑɑ mɑn soku wunɛn bii.

Luku 18:13

Gbere mwɑɔ wi, u yɔ̃rɑ n dɛsire, u ǹ kɑ̃kɑ u win nɔni sue wɔllɔ, mɑ u tii bɔkuɑ u nɛɛ, Gusunɔ, nɑ sɑ̃ɑwɑ toro, ɑ nɛn wɔnwɔndu wɑɑwo.

Romu 6:21

Are yirɑ̀ i rɑɑ wɑ yè sɔɔ sekurɑ bɛɛ mɔ̀ tɛ̃. Yen wii ɡoberu mɑɑ ɡɔɔwɑ.

Kɑ̃siru 18:5

Domi yen durum yɑ wɔllu ɡirɑri, mɑ Gusunɔ u yen kom kɔ̃sum yɑɑyɑ.