Ɛsidɑrɑsi 8:21 - Bibeli Gusunɔn Gari

²¹ Dɑɑ te bɑ mɔ̀ Ahɑfɑn bɔku miyɑ nɑ nɛɛ, su tii kɑwɑ su nɔɔ bɔke su Gusunɔ bɛsɛn Yinni kɑnɑ bɛsɛn sɑnum mu dorɑ su kɑ turi bɑɑni bɛsɛ kɑ bɛsɛn bibu kɑ sere ɑrumɑni ye sɑ mɔ.

Ɛsidɑrɑsi 8:21 ပူးပေါင်းရင်းမြစ်များ

Bɑndun Gɑri II 20:3

Yerɑ Yosɑfɑti u nɑndɑ. Mɑ u Gusunɔ kɑsu. U derɑ bɑ nɔɔ bɔkuɑ Yudɑn tem kpuro sɔɔ.

Bɑndun Gɑri II 20:4

Mɑ Yudɑbɑ kpuro bɑ mɛnnɑ bu kɑ Yinni Gusunɔ kɑnɑ. Tɔmbu kpurowɑ bɑ nɑ sɑɑ Yudɑn wusu kpuron di bu kɑ Yinni Gusunɔ kɑsu.

Ɛsidɑrɑsi 8:15

Nɛ Ɛsidɑrɑsi, nɑ tɔn be kpuro mɛnnɑ dɑɑ te tɑ kokumɔ Ahɑfɑ ɡiɑ. Miyɑ sɑ bɛsɛn sɑnsɑni ɡirɑ sɔ̃ɔ itɑ. Mɑ nɑ tɔn be kɑ yɑ̃ku kowo be mɛɛrɑ mɛɛrɑ kɑ lɑɑkɑri. Adɑmɑ nɑ ǹ ɡoo wɑ be sɔɔ wi u sɑ̃ɑ Lefi.

Ɛsidɑrɑsi 8:31

Wɔ̃ɔ ɡen suru ɡbiikoon sɔ̃ɔ wɔkurɑ yiruse sɔɔrɑ sɑ seewɑ sɑ Yerusɑlɛmun swɑɑ wɔri, Gusunɔ bɛsɛn Yinni u kɑ sun wɑ̃ɑ. Mɑ u sun ɡbɑrɑ bɛsɛn yibɛrɛbɑn yinɑ kɑ ben sɑnnɔsun di ɡbɑburɔ.

Nɛɛmi 9:1

Suru nɔɔbɑ yiruse, yen sɔ̃ɔ yɛndɑ nnɛse sɔɔrɑ Isirelibɑ kpuro bɑ mɛnnɑ bu kɑ nɔɔ bɔke. Mɑ bɑ sɑɑki deewɑ bɑ tii tuɑ wisi wirɔ nuku sɑnkirɑrun sɔ̃.

Ɛsitɛɛ 4:16

u doo u Yuubɑ kpuro mɛnnɑ be bɑ wɑ̃ɑ Susi mi, kpɑ bu nɔɔ bɔke win sɔ̃, sɔ̃ɔ sɔɔ itɑ kɑ wɔ̃kuru itɑ, bu ku dĩɑnu di, bu ku mɑɑ nim nɔ. Wi kɑ mɑɑ win sɔm kowobu bɑ koo mɑɑ ko mɛsum. Yen biru, kpɑ u dɑ sinɑ bokon mi, bɑɑ mɛ woodɑ yɑ mɛ yinɑ. Ù n koo ɡbin nɑ, kpɑ u ɡbi.

Womusu 137:1

Sɑ sɔ̃wɑ Bɑbilonin dɑɑrun ɡoorɔ mɑ sɑ sumɔ sɑ kɑ Siɔni yɑɑyɑmɔ.

Womusu 5:8

Adɑmɑ nɛ, wunɛn durom bɑkɑm sɔ̃nɑ kon kpĩ n dɑ wunɛn sɑ̃ɑ yerɔ. Wunɛn durom bɑkɑm sɔ̃nɑ kon kpĩ n yiirɑ mi ɑ wɑ̃ɑ. Miyɑ kon kpĩ n nun bɛɛrɛ wɛ̃. Miyɑ kon kpĩ n nun sɑ̃.

Womusu 5:9

Yinni Gusunɔ, ɑ sɑ̃ɑwɑ bɔrɔkini. Yinni Gusunɔ, ɑ mɑn swɑɑ sɔ̃ɔsio ye ɑ kĩ n swĩi. Yinni Gusunɔ, ɑ nɛn yibɛrɛbɑ sɔ̃ɔsio mɑ wunɑ ɑ mɑn kpɑre.

Womusu 8:2

Gusunɔ bɛsɛn Yinni, wunɛn yĩsirɑ kpɑ̃ hɑnduniɑ kpuro sɔɔ, nɑ nun tɔmɑmɔ wunɛn kpɑ̃ɑrun sɔ̃ te tɑ wɔllu ɡunum kere.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Esɑi 30:21

Ì n sĩɑ i turɑ swɑɑ kɛɛnɑnɔ, bɛɛn swɑɑ koo ɡɑri yi nɔ, yi yi nɛɛ, swɑɑ wee, i sĩiyɔ ye sɔɔ.

Esɑi 35:8

Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 49:10

Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

Esɑi 58:3

Adɑmɑ bɑ rɑ nɛɛ, mbɑn sɔ̃nɑ bɑ koo mɑɑ nɔɔ bɔke, domi nɑ ǹ bu mɛɛrɑ. Mbɑn sɔ̃nɑ bɑ tii wɑhɑlɑ mɔ̀, domi nɑ bu ɑtɑfiiru sɑ̃ɑ. Kpɑ n bu wisi n nɛɛ, bɑɑ ì n nɔɔ bɔkumɔ, bɛɛn tiin kĩrɑ i rɑ n mɔ̀, kpɑ i n bɛɛn sɔm kowobu dɑm dɔremɔ.

Esɑi 58:5

Nɔɔ bɔku te nɑ kĩ, teyɑ mi? I winu sikɑmɔ nɡe yɑkɑsu, mɑ i sɑɑkibɑ sebuɑ i tii torom wisimɔ. Adɑmɑ i tii kɑwewɑ mi kɑ ɡem? Nɔɔ bɔku ten bweserɑ kun mɑn wɛ̃remɔ.

Yeremi 10:23

Yinni Gusunɔ, nɑ yɛ̃ mɑ tɔnu kun kpɛ̃ u win tii kpɑrɑ nɡe mɛ n weenɛ. Goo sɑri wi u koo kpĩ u win tii swɑɑ ɡeɑ sure.

Yeremi 42:3

A Gusunɔ wunɛn Yinni kɑnɔ u sun sɔ̃ɔsi mi sɑ ko dɑ kɑ ye sɑ ko ko.

Dɑniɛli 9:3

Mɑ u nɔɔ bɔkuɑ u sɑɑki deewɑ u tii torom wisi nuku sɑnkirɑnun sɔ̃. Mɑ u kɑnɑru koosi Yinni Gusunɔn mi ɡiɑ,

Yoɛli 1:14

I tɔ̃ru ɡɑru wunɔ tè sɔɔ i ko i nɔɔ bɔke. I tɔmbu kpuro mɛnnɔ sere kɑ durɔ tɔkɔnɔ Gusunɔ bɛsɛn Yinnin sɑ̃ɑ yerɔ, kpɑ i nùn kɑnɑ.

Sɑ̃ɑrun Woodɑ 16:29

Yeni yɑ ko n sɑ̃ɑwɑ woodɑ sere kɑ bɑɑdommɑɔ. Suru nɔɔbɑ yirusen sɔ̃ɔ wɔkuruse, i nɔɔ bɔkuo kpɑ i bɛɛn sɔmɑ deri sere kɑ sɔbɔ be bɑ wɑ̃ɑ bɛɛn suunu sɔɔ.

Sɑ̃ɑrun Woodɑ 16:31

Tɔ̃ɔ te, tɑ koo kowɑ tɔ̃ɔ wɛ̃rɑruɡiru kpɑ i n dɑ nɔɔ bɔke. Kpɑ yɑ n sɑ̃ɑ woodɑ sere kɑ bɑɑdommɑɔ.

Sɑ̃ɑrun Woodɑ 23:29

Wi u kun nɔɔ bɔkue yen tɔ̃ɔ te, bɑ koo nùn wunɑwɑ win tɔmbun suunu sɔɔn di.

Yonɑsi 3:5

Mɑ Ninifuɡibu bɑ Gusunɔ nɑɑnɛ kuɑ. Bɑ nɔɔ bɔkuru kpɑrɑ, bɑ sɑɑkibɑ sebuɑ nuku sɑnkirɑnun sɔ̃ sɑɑ dɑmɡibun di n kɑ dɑ bwɛ̃ɛbwɛ̃ɛbɔ.

Yonɑsi 3:7

Mɑ u kpɑrɑ Ninifuɔ u nɛɛ, sinɑ boko kɑ win sinɑ ɑsɑkpɔbu bɑ woodɑ yɑrɑ bɑ nɛɛ, sɑɑ tɔnu sere kɑ yɑɑ sɑbenɔ, bu ku ɡɑ̃ɑnu di, bu ku mɑɑ nim nɔ.

Gbɑburu 14:3

Mbɑn sɔ̃nɑ Yinni Gusunɔ u kɑ sun nɑ tem mini bu sun ɡo kɑ tɑkobi kpɑ bɛsɛn kurɔbu kɑ bɛsɛn bibu bu ko yibɛrɛbɑɡibu. N burɑm bo su wurɑ Eɡibitiɔ.

Gbɑburu 14:31

Adɑmɑ ben bii be bɑ nɛɛ, bɑ koo ko yibɛrɛbɑn yobu mi, beyɑ kon de bu du tem mɛ sɔɔ, kpɑ bɑ n wɑ̃ɑ mi, mɛ be, bɑ ɡɔburu wɑ mi,

Gɔrobun Kookoosu 2:39

Domi nɔɔ mwɛɛ te, tɑ sɑ̃ɑwɑ bɛɛ kɑ bɛɛn bibuɡiru kɑ be kpuroɡiru be bɑ wɑ̃ɑ n tomɑ, be Gusunɔ bɛsɛn Yinni u koo soku win mi.

Kpɑrobu 20:26

Yerɑ Isirelibɑ kpuro bɑ mɛnnɑ Betɛliɔ bɑ sinɑ Yinni Gusunɔn sɑ̃ɑ yeru mi, bɑ weeweenu mɔ̀. Yen dɔmɑ te, bɑ nɔɔ bɔkuɑwɑ sere n kɑ kuɑ yokɑ. Mɑ bɑ Yinni Gusunɔ yɑ̃ku dɔ̃ɔ mwɑɑrɑruɡinu kuɑ kɑ siɑrɑbun yɑ̃kunu.

Sɑmuɛli I 7:6

Mɑ bɑ mɛnnɑ Misipɑ mi, bɑ nɔɔ bɔkuɑ bɑ ɡeruɑ bɑ nɛɛ, sɑ Yinni Gusunɔ torɑ. Mɑ bɑ nim tɑkɑ bɑ mu yɛ̃kɑ win sɑ̃ɑ yerɔ bu kɑ sɔ̃ɔsi mɑ bɑ tii wɛ̃. Yen tɔ̃ɔ te, be kpuro bɑ wurɑ mɑ Sɑmuɛli sɑ̃ɑ ben kpɑro.