Ɛsidɑrɑsi 7:27 - Bibeli Gusunɔn Gari

²⁷ Ɛsidɑrɑsi u nɛɛ, i Gusunɔ bɛsɛn bɑɑbɑbɑn Yinni siɑro. U derɑ sinɑ boko u win sɑ̃ɑ yee te tɑ wɑ̃ɑ Yerusɑlɛmuɔ bɛɛrɛ wɛ̃.

Ɛsidɑrɑsi 7:27 ပူးပေါင်းရင်းမြစ်များ

Bɑndun Gɑri II 31:8

Esekiɑsi kɑ win sinɑ bwɑ̃ɑbu bɑ nɑ bɑ subu ni wɑ, yerɑ bɑ Yinni Gusunɔ kɑ win tɔmbu siɑrɑ.

Ɛsidɑrɑsi 6:22

Yen biru, bɑ pɛ̃ɛ ye bɑ ǹ seeyɑtiɑ doken tɔ̃ɔ bɑkɑru kuɑ sɔ̃ɔ nɔɔbɑ yiru kɑ nuku dobu. Yinni Gusunɔ u bu nuku dobu yibiɑ yèn sɔ̃ u derɑ sinɑ boko u kɑ bu nɔnu ɡeu mɛɛrɑ, u bu dɑm kɑ̃ bɑ kɑ sɑ̃ɑ yee te bɑnɑ.

Nɛɛmi 2:12

Nɑ ǹ ɡoo sɔ̃ɔwɑ ye Gusunɔ nɛn Yinni u mɑn sɔ̃ɔwɑ n ko Yerusɑlɛmun sɔ̃. Yen biru, nɑ seewɑ wɔ̃kuru kɑ tɔmbu ɡɑbu. Nɑ ǹ yɑɑ sɑberu ɡɑru sue mɑ n kun mɔ kɛtɛku ɡe nɑ sɔni.

Nɛɛmi 2:8

Mɛyɑ nɑ mɑɑ kĩ ɑ mɑn tireru ɡɑru wɛ̃ Asɑfun sɔ̃ wi u sɑ̃ɑ sinɑ bokon dɑ̃ɑ kɔ̃so kpɑ u mɑn dɑ̃ɑ kɛ̃ n kɑ dii te tɑ wɑ̃ɑ sɑ̃ɑ yerun bɔkuɔn ɡɑmbobɑ ko kɑ wuu ɡen ɡbɑ̃rɑrun ɡɑmbobɑ kɑ sere diru mi nɛn tii ko nɑ n wɑ̃ɑ. Yerɑ sinɑ boko u mɑn tire ni kpuro wɛ̃. Domi Gusunɔ u wɑ̃ɑ kɑ nɛ.

Nɛɛmi 7:5

Yerɑ Yinni Gusunɔ u doke nɛn ɡɔ̃ruɔ n bukurobu mɛnnɑ kɑ siri kowobu kɑ wuun tɔmbu n kɑ bu ɡɑri ɡɑri. Mɑ nɑ tireru ɡɑru wɑ tè sɔɔ bɑ tɔmbun yĩsɑ yoruɑ nɡe mɛ ben bɑɑwuren bweserun tɔ̃kɑ sɑ̃ɑ. Berɑ be bɑ ɡbiɑ bɑ wurɑmɑ Bɑbilonin di. Ye nɑ wɑ bɑ yoruɑ wee.

Yɑribu 8:9

Mɑ Yinni Gusunɔ u kuɑ nɡe mɛ Mɔwisi u bikiɑ. Yerɑ sure ni, nu ɡbisukɑ diɑɔ kɑ yɛnu yɑɑriɔ kɑ ɡbeɑɔ.

Mɔnnu 21:1

Sinɑ bokon ɡɔ̃ru ɡɑ sɑ̃ɑwɑ nɡe dɑɑ torɑ Yinni Gusunɔn nɔmɑ sɔɔ. U rɑ ɡu ɡɔsiewɑ mi u kĩ.

Esɑi 60:13

Libɑnin bɛɛrɛ yɑ koo kpe, domi bɑ koo kɑ nun yen dɑ̃ɑ ɡeɑ nɑɑwɑ ye bɑ mɔ̀ sipɛrɛ kɑ oromu kɑ buyi, kpɑ bu kɑ nɛn sɑ̃ɑ yeru burɑru kuɑ, kpɑ n nɛn wɑ̃ɑ yeru bɛɛrɛ wɛ̃.

Luku 7:5

domi u bɛsɛn bweseru kĩ. Wiyɑ mɑɑ sun bɛsɛn mɛnnɔ yeru bɑniɑ.

Korinti II 8:16

Su Gusunɔ siɑrɑ wi u derɑ Titu u bɛɛn kĩru mɔ nɡe mɛ bɛsɛn tii sɑ mɔ.

Filipi 4:10

Nɛn nukurɑ do ɡem ɡem Yinni sɔɔ ye nɑ kɑ wɑ mɑ i kpɑm nɛn bwisikunu mɔ̀. Nɑ ǹ ɡerumɔ mɑ i ku rɑ rɑɑ nɛn bwisikunu ko, ɑdɑmɑ ɑyerɑ i rɑɑ bie.

Heberu 10:16

“Yinni Gusunɔ u nɛɛ, ɑrukɑwɑni kpɑɑ ye wee ye kon kɑ bu bɔke ɑmɛn biru. Kon nɛn woodɑ doke ben bwisikunu sɔɔ. Kon ye yorusi ben ɡɔ̃rusɔ.”

Heberu 8:10

U kpɑm nɛɛ, ɑrukɑwɑni kpɑɑ ye wee, ye kon kɑ Isirelibɑ bɔke ɑmɛn biru. Kon nɛn woodɑ doke ben bwisikunu sɔɔ. Kon ye yorusi ben ɡɔ̃rusɔ. Kon ko ben Yinni kpɑ bu ko nɛn tɔmbu.

Yɑkɔbu 1:17

Kɛ̃ɛ ɡeeru bɑɑtere kɑ kɛ̃ɛ burɑnu kpuro sɑɑ wɔllun diyɑ nu rɑ nɛ. Nu mɑɑ weewɑ Gusunɔn min di wi u sɔ̃ɔ kɑ suru tɑkɑ kuɑ. Wiyɑ wi u ku rɑ kɔsi, u ǹ mɑɑ tiro mɔ.

Kɑ̃siru 17:17

Domi Gusunɔ u derɑ bɑ win ɡɔ̃ru kĩru kuɑ. U derɑ bɑ nɔɔ tiɑ kuɑ bɑ ben sinɑndun yiiko ɡbeeku yɑɑ ye wɛ̃, sere win ɡɑri yi kɑ koorɑ.