Ɛsidɑrɑsi 7:1 - Bibeli Gusunɔn Gari

^1-6 Sɑnɑm mɛ Aɑtɑsɛsi Pɛɛsin sinɑ boko u bɑndu sɔ̃, yerɑ Ɛsidɑrɑsi, Serɑyɑn bii u tunumɑ Yerusɑlɛmuɔ. U sɑ̃ɑwɑ Aroni yɑ̃ku kowo tɔnweron bibun bweseru. Aroni wiyɑ u Eleɑsɑɑ mɑrɑ. Mɑ Eleɑsɑɑ u Finɛɛsi mɑrɑ. Mɑ Finɛɛsi u Abisuɑ mɑrɑ. Mɑ Abisuɑ u Buki mɑrɑ. Mɑ Buki u Usi mɑrɑ. Mɑ Usi u Serɑyɑ mɑrɑ. Mɑ Serɑyɑ u Mɛrɑyɔtu mɑrɑ. Mɑ Mɛrɑyɔtu u Asɑriɑ mɑrɑ. Mɑ Asɑriɑ u Amɑriɑ mɑrɑ. Mɑ Amɑriɑ u Akitubu mɑrɑ. Mɑ Akitubu u Sɑdɔku mɑrɑ. Mɑ Sɑdɔku u Sɑlumu mɑrɑ. Mɑ Sɑlumu u Hilikiyɑ mɑrɑ. Mɑ Hilikiyɑ u Asɑriɑ mɑrɑ. Mɑ Asɑriɑ u Serɑyɑ, Ɛsidɑrɑsin tundo mɑrɑ. Ɛsidɑrɑsi wi, u sɑ̃ɑwɑ tire yɛ̃ro. U mɑɑ woodɑn yɛ̃ru mɔ ɡem ɡem ye Yinni Gusunɔ u Mɔwisi wɛ̃. Gusunɔ wi, Ɛsidɑrɑsin Yinni u kɑ nùn wɑ̃ɑ. Yen sɔ̃nɑ sinɑ boko u nùn wɛ̃ kpuro ye u bikiɑ.

Ɛsidɑrɑsi 7:1 ပူးပေါင်းရင်းမြစ်များ

Sinɑmbu II 22:4

ɑ doo yɑ̃ku kowo tɔnwero Hilikiyɑn mi, ɑ nùn sɔ̃ ɑ nɛɛ, u ɡobi yi dooru koowo yi bɑ kɑ nɑ Yinni Gusunɔn sɑ̃ɑ yerɔ yi tɔmbɑ kɔ̃sobu wɛ̃.

Sinɑmbu II 22:8

Sɑfɑni u dɑ u Hilikiyɑ ɡɑri yi sɔ̃ɔwɑ. Mɑ Hilikiyɑ u Sɑfɑni sɔ̃ɔwɑ u nɛɛ, nɑ Yinni Gusunɔn woodɑn tireru wɑ sɑ̃ɑ yerɔ. Mɑ u nùn tu wɛ̃ u ɡɑrɑ.

Sinɑmbu II 25:18

Kɔ̃sobun wiruɡii wi, u yɑ̃ku kowo tɔnwero Serɑyɑ mwɑ, kɑ win yiruse Sofoni, kɑ sere mɑɑ tɔmbu itɑ be bɑ sɑ̃ɑ yerun kɔnnɔ kɔ̃su.

Bɑndun Gɑri I 9:11

kɑ Asɑriɑ. Win sikɑdobɑrɑ Hilikiyɑ kɑ Mɛsulɑmu kɑ Sɑdɔku kɑ Mɛrɑyɔtu kɑ sere Akitubu wi u sɑ̃ɑ Yinni Gusunɔn sɑ̃ɑ yerun wiruɡii.

Bɑndun Gɑri II 34:15

Yerɑ Hilikiyɑ u Sɑfɑni, tire yoro sɔ̃ɔwɑ u nɛɛ, nɑ woodɑn tireru wɑ Yinni Gusunɔn sɑ̃ɑ yerɔ. Mɑ Hilikiyɑ u tu suɑmɑ u Sɑfɑni wɛ̃.

Bɑndun Gɑri II 34:9

Tɔn be kpuro bɑ dɑ yɑ̃ku kowo tɔnwero Hilikiyɑn mi. Mɑ bɑ nùn ɡobi wɛ̃ yi Lefibɑ bɑ rɑɑ mwɛɛrɑ Yinni Gusunɔn sɑ̃ɑ yerun sɔ̃ sɑɑ Mɑnɑsen tem di kɑ Efɑrɑimun tem di kɑ Yudɑbɑn min di kɑ Isirelibɑ kpuron min di kɑ Bɛnyɑmɛɛn tem di kɑ sere Yerusɑlɛmuɡibun min di.

Ɛsidɑrɑsi 4:7

Aɑtɑsɛsi Pɛɛsin sinɑ bokon wɑɑti sɔɔ, Bisilɑmu kɑ Miteredɑti kɑ Tɑbɛɛli kɑ sere ben sɔm kowosibu bɑ Aɑtɑsɛsi wi tireru yoruɑ. Bɑ tu yoruɑwɑ kɑ Arɑmun bɑrum kɑ mɛn yorɑ.

Ɛsidɑrɑsi 6:14

Gusunɔn sɔmɔbu Asee kɑ Sɑkɑri, Idon bii bɑ Isirelibɑn wiruɡibu dɑm kɑ̃ bɑ kɑ sɑ̃ɑ yee te bɑnɑ bɑ kpɑ mɑm mɑm. Bɑ tu bɑnɑwɑ nɡe mɛ Gusunɔ Isirelibɑn Yinni u ɡeruɑ kɑ nɡe mɛ Pɛɛsin sinɑm beni, Sirusi kɑ Dɑrusi kɑ Aɑtɑsɛsi bɑ yen woodɑ yi.

Ɛsidɑrɑsi 7:10

Domi Ɛsidɑrɑsi u tii Gusunɔ wɛ̃. Mɑ u win woodɑbɑ keu kuɑ, u rɑ ye mɛm nɔɔwɛ kpɑ u ye Isirelibɑ sɔ̃ɔsi.

Ɛsidɑrɑsi 7:12

U nɛɛ, nɛnɑ Aɑtɑsɛsi, sinɑmbun sinɑ boko. Wunɛ Ɛsidɑrɑsiwɑ nɑ tire teni yoruɑmmɛ, wunɛ wi ɑ sɑ̃ɑ yɑ̃ku kowo kɑ mɑɑ Wɔrukoon woodɑ yɛ̃ro.

Ɛsidɑrɑsi 7:21

Nɛ Aɑtɑsɛsi, nɑ nɛn ɡobi bero be bɑ wɑ̃ɑ Efɑrɑtin sɔ̃ɔ duu yeru ɡiɑ woodɑ wɛ̃ɛmɔ bu kɑ nun wɛ̃ ye kɑɑ bu bikiɑ.

Nɛɛmi 11:11

kɑ Serɑyɑ, Hilikiyɑn bii, Mɛsulɑmun debubu, Sɑdɔku kɑ Mɛrɑyɔtu kɑ Akitubu wi u rɑɑ sɑ̃ɑ yɑ̃ku kowo tɔnweron sikɑdobu, kɑ sere tɔmbu wɛnɛ kɑ yɛndɑ yiru (822) be bɑ rɑ n sɔmburu mɔ̀ Yinni Gusunɔn sɑ̃ɑ yerɔ, kɑ Adɑyɑ Yerohɑmun bii, Pelɑtiɑn debubu, Amusi kɑ Sɑkɑri kɑ Pɑsuri kɑ Mɑɑkiyɑn sikɑdobu, kɑ sere tɔmbu ɡoobu kɑ weeru kɑ yiru (242), be kpuro yɛnu yɛ̃robu, kɑ Amɑsɑi, Asɑrɛlin bii, Akusɑin debubu, Mɛsilɛmɔtu kɑ Imɛrin sikɑdobu, kɑ tɑbu durɔ wɔruɡɔbɑ wunɑɑ teeru kɑ nɔɔbɑ itɑ (128). Sɑbudiɛli Gedolimun biiwɑ u sɑ̃ɑ ben wiruɡii.

Nɛɛmi 2:1

Ye Aɑtɑsɛsi u kuɑ wɔ̃ɔ yɛndu bɑndu sɔɔ, wɔ̃ɔn suru ɡbiikoon tɔ̃ru ɡɑru, u sɔ̃ u dimɔ, mɑ nɑ tɑm suɑ nɑ nùn wɛ̃. Adɑmɑ sɑɑ ye sɔɔ, nɑ nuki sɑnkire too. Nɑ ǹ nuki sɑnkirɑre nɡe mɛ.

Nɛɛmi 8:1

Suru nɔɔbɑ yirusen tɔ̃ɔ ɡbiikii te sɔɔ, yerɑ Isirelibɑ kpuro bɑ nɔɔ tiɑ kuɑ bɑ mɛnnɑ Yerusɑlɛmuɔ ɡbɑ̃rɑrun kɔnnɔwɔ ɡe bɑ sokumɔ Nim kɔnnɔ. Mɑ bɑ Ɛsidɑrɑsi wi u sɑ̃ɑ woodɑ yɛ̃ro kɑnɑ u kɑ tireru nɑ mi bɑ woodɑ yoruɑ ye Yinni Gusunɔ u Mɔwisi wɛ̃ be, Isirelibɑn sɔ̃. Mɑ Ɛsidɑrɑsi u kɑ tire te nɑ tɔn ben wuswɑɑɔ tɔn kurɔbu kɑ tɔn durɔbu kɑ bibu be bɑ koo kpĩ bu tubu ye bɑ ɡerumɔ ɡesi.