Ɛsidɑrɑsi 4:9 - Bibeli Gusunɔn Gari

^9-11 Wee ye tire te, tɑ ɡeruɑ. Tɑ nɛɛ, Aɑtɑsɛsi, sinɑ boko, bɛsɛ wunɛn sɔm kowobu, bɛsɛ be sɑ wɑ̃ɑ dɑɑ ɡuru ɡee, nɛ, Rehumu, berɑ minin kpɑro kɑ Simusɑi nɛn tire yoro kɑ sere bɛsɛn sɔm kowosibu be bɑ wɑ̃ɑ Diniɔ kɑ Aɑfɑsɑtɑkiɔ kɑ Tɑɑpɛliɔ kɑ Afɑrɑsiɔ kɑ Erɛkiɔ kɑ Bɑbiloniɔ kɑ Susiɔ kɑ Dehɑɔ kɑ Elɑmuɔ kɑ sere bwese ni nu tie ni Asinɑpɑri wi u sɑ̃ɑ tɔn boko u swĩi Sɑmɑriɔ kɑ sere wuu si su wɑ̃ɑ Efɑrɑtin ɡuru ɡee, sɔ̃ɔ duu yeru ɡiɑ, bɛsɛrɑ sɑ nun yoruɑmmɛ. Sɑ nɛɛ,

Ɛsidɑrɑsi 4:9 ပူးပေါင်းရင်းမြစ်များ

Torubu 10:22

Ben yĩsɑ wee, Elɑmu kɑ Asuri kɑ Aɑpɑsɑdi kɑ Ludi kɑ Arɑmu.

Sinɑmbu II 17:24

Yen biru, Asirin sinɑ boko u derɑ tɔmbɑ nɑ sɑɑ Bɑbilonin di kɑ Kutɑn di kɑ Afɑn di kɑ Hɑmɑtin di kɑ sere mɑɑ Sefɑɑfɑimun di. Mɑ u derɑ bɑ Isirelibɑ kɔsire kuɑ. Bɑ Sɑmɑri mwɑ, mɑ bɑ sinɑ Isirelibɑn wuu mɑrosɔ.

Ɛsidɑrɑsi 4:8

Rehumu, berɑ min kpɑro kɑ win tire yoro Simusɑi bɑ sinɑ boko Aɑtɑsɛsi tire te yoruɑ te tɑ kɑ Yerusɑlɛmu yɑ̃.

Ɛsidɑrɑsi 5:3

Sɑɑ ye sɔɔrɑ Tɑtinɑi, berɑ ye yɑ wɑ̃ɑ Efɑrɑtin ɡuru ɡeen kpɑro kɑ Setɑɑ Bosinɑi kɑ ben sɔm kowosibu bɑ nɑ bɑ bu deemɑ bɑ nɛɛ, wɑrɑ u bɛɛ woodɑ wɛ̃ i kɑ dii te bɑnimɔ. Wɑrɑ u bɛɛ woodɑ wɛ̃ i kɑ ɡbɑ̃rɑ te seeyɑmɔ.

Ɛsidɑrɑsi 5:6

Be bɑ sinɑ boko Dɑrusi tireru yoruɑ Yuubɑn sɔ̃ ben yĩsɑ wee, Tɑtinɑi berɑ min wiruɡii kɑ Setɑɑ Bosinɑi kɑ wiruɡii be bɑ wɑ̃ɑ Efɑrɑtin ɡuru ɡee, sɔ̃ɔ duu yeru ɡiɑ.

Ɛsidɑrɑsi 6:6

Yen sɔ̃nɑ Dɑrusi u tireru yoruɑ u nɛɛ, bɛɛ Tɑtinɑi, Efɑrɑtin sɔ̃ɔ duu yeru ɡiɑn kpɑro kɑ Setɑɑ Bosinɑi kɑ berɑ min wiruɡibu ɡɑbu, i tii wunɔ Yudɑbɑn ɡɑrin di.

Nɛɛmi 4:2

Mɑ bɑ nɔɔ tiɑ kuɑ bu kɑ Yerusɑlɛmu wɔri kpɑ bu yen tɔmbu burisinɑ.

Ɛsitɛɛ 1:2

Win bɑndun wɔ̃ɔ itɑse sɔɔ, sɔ̃ɔ teeru u sɔ̃ win sinɑ ɡɔnɑ sɔɔ ben wuu mɑroɔ ɡe bɑ mɔ̀ Susi. Yerɑ u win sinɑ ɑsɑkpɔbu tɔ̃ɔ bɑkɑ dim sokɑ kɑ win sɔm kowobu kɑ Mɛdibɑ kɑ Pɛɛsin tɑbu sinɑmbu kɑ sere beri yi kpuron wiruɡibu. Be kpurowɑ bɑ mɛnnɑ mi.

Ɛsitɛɛ 2:3

Yen sɔ̃, ɑ tɔmbu ɡɔsio wunɛn tem beri berikɑ kpuro sɔɔ bu wɔndiɑ kurɔ burɑbu kɑsumɑ be bɑ ǹ durɔ yɛ̃. Kpɑ bu kɑ bu nɑ Susiɔ wunɛn kurɔbun wɑ̃ɑ yerɔ. Miyɑ Heɡe wi u rɑ wunɛn kurɔbu kɔ̃su u koo bu nɔɔri kpɑ u bu tim wɛ̃ bu kɑ ben wɑsi sɔmɛ.

Yeremi 25:25

kɑ Simirin sinɑmbu kɑ Elɑmun sinɑmbu kɑ sere Mɛdibɑn sinɑmbu,

Yeremi 49:34

Wee ye Yinni Gusunɔ u win sɔmɔ Yeremi sɔ̃ɔwɑ Elɑmun sɔ̃. Sɑɑ ye sɔɔ, Sedesiɑsi, Yudɑbɑn sinɑ bokon bɑndun torewɑ mi.

Esekiɛli 32:24

Mɛyɑ mɑɑ Elɑmun sinɑ boko kɑ win tɑbu kowobu bɑ kpĩ. Mɑ win tɑbu kowobun sikinu wiɡiru sikerenɛ. Be kpurowɑ bɑ ɡo tɑbu sɔɔ be, be tɔmbɑ rɑɑ nɑsie. Bɑ ǹ Gusunɔ yɛ̃. Wee bɑ wɑ̃ɑ sikɑɔ sere tem sɔɔwɔ. Bɑ sekuru sɔɔwɑ ɡɔribun wɑ̃ɑ yeru mi.

Dɑniɛli 8:2

Sɑnɑm mɛ nɑ kɑ̃si te mɛɛrɑ n mɑn sɑ̃ɑre nɑ wɑ̃ɑ wuu bɔkɔ ɡe bɑ mɔ̀ Susiɔ Elɑmun temɔ. Mɑ n sɑ̃ɑre nɑ wɑ̃ɑ dɑɑ te bɑ mɔ̀ Ulɑin bɔkuɔ.

Gɔrobun Kookoosu 2:9

Sɑ nɑ sɑɑ Pɑɑtin di kɑ Mɛdi kɑ Elɑmu, sɑɑ Mɛsopotɑmi kɑ Yudeɑ kɑ Kɑpɑdosin di kɑ Pontu kɑ Asi,