Ɛsidɑrɑsi 3:1 - Bibeli Gusunɔn Gari

¹ Sɑnɑm mɛ wɔ̃ɔn suru nɔɔbɑ yiruse yɑ tunumɑ, yerɑ Isireli be bɑ wɑ̃ɑ ben wusɔ bɑ nɔɔ tiɑ kuɑ bɑ mɛnnɑ Yerusɑlɛmuɔ.

Ɛsidɑrɑsi 3:1 ပူးပေါင်းရင်းမြစ်များ

Nɛɛmi 7:72

Yɑ̃ku kowobu kɑ Lefibɑ kɑ ɡbɑ̃rɑ kɔnnɔ kɔ̃sobu kɑ wom kowobu kɑ Nɛtinibɑ kɑ sere Isireli be bɑ tie ben bɑɑwure u wurɑwɑ win wuuɔ. Wɔ̃ɔn suru nɔɔbɑ yirusen tɔ̃ɔ ɡbiikiru sɔɔ, Isirelibɑ kpuro bɑ wɑ̃ɑ ben wusɔ.

Nɛɛmi 8:1

Suru nɔɔbɑ yirusen tɔ̃ɔ ɡbiikii te sɔɔ, yerɑ Isirelibɑ kpuro bɑ nɔɔ tiɑ kuɑ bɑ mɛnnɑ Yerusɑlɛmuɔ ɡbɑ̃rɑrun kɔnnɔwɔ ɡe bɑ sokumɔ Nim kɔnnɔ. Mɑ bɑ Ɛsidɑrɑsi wi u sɑ̃ɑ woodɑ yɛ̃ro kɑnɑ u kɑ tireru nɑ mi bɑ woodɑ yoruɑ ye Yinni Gusunɔ u Mɔwisi wɛ̃ be, Isirelibɑn sɔ̃. Mɑ Ɛsidɑrɑsi u kɑ tire te nɑ tɔn ben wuswɑɑɔ tɔn kurɔbu kɑ tɔn durɔbu kɑ bibu be bɑ koo kpĩ bu tubu ye bɑ ɡerumɔ ɡesi.

Nɛɛmi 8:14

Yerɑ bɑ wɑ woodɑ yen ɡɑɑ sɔɔ ye Yinni Gusunɔ u Mɔwisi wɛ̃ mi, yɑ nɛɛ, Isirelibɑ bɑ ko n dɑ n wɑ̃ɑwɑ kunu sɔɔ bɑ̀ n Kunun tɔ̃ɔ bɑkɑru mɔ̀ suru nɔɔbɑ yiruse sɔɔ.

Sɑ̃ɑrun Woodɑ 16:29

Yeni yɑ ko n sɑ̃ɑwɑ woodɑ sere kɑ bɑɑdommɑɔ. Suru nɔɔbɑ yirusen sɔ̃ɔ wɔkuruse, i nɔɔ bɔkuo kpɑ i bɛɛn sɔmɑ deri sere kɑ sɔbɔ be bɑ wɑ̃ɑ bɛɛn suunu sɔɔ.

Sofoni 3:9

Sɑɑ ye sɔɔ, Yinni Gusunɔ u koo tɔmbun yɑri dɛɛrɑsiɑ kpɑ bu win yĩsiru soku bu nùn sɑ̃ sɑnnu.

Gɔrobun Kookoosu 2:46

Tɔ̃ɔ bɑɑtere bɑ rɑ mɛnnɛ sɑ̃ɑ yerɔ. Bɑ rɑ n mɑɑ Yinnin dĩɑ domɑruɡinu kɑ mɑɑ yɑɑ dibu dimɔ sɑnnu yɛnu kɑ yɛnu kɑ nuku dobu, murɑfiti sɑriru sɔɔ.

Gɔrobun Kookoosu 4:32

Nɑɑnɛ dokeo be kpuro bɑ wɑ̃ɑ nɔɔ tiɑ sɔɔ mɑm mɑm. Goo sɑri wi u ɡeruɑ ɡɑ̃ɑ ni u mɔ wiɡinɑ, bɑ ye kpuro mɛnnɑwɑ bɑ mɔ sɑnnu.

Korinti I 1:10

Nɑ bɛɛ yiiremɔ nɛɡibu, kɑ bɛsɛn Yinni Yesu Kirisin yĩsiru, i de i n ɡɑri tee ɡerunɑmɔ, kpɑ kɑrɑnɑbu bu ku rɑɑ du bɛɛn suunu sɔɔ. I de i n bwisiku teenu mɔ.

Sɔ̃ɔsiru 16:16

Wɔ̃ɔ bɑɑɡere, nɔn itɑwɑ bɛɛn tɔn durɔbu kpuro bɑ ko n dɑ de Gusunɔ bɛsɛn Yinnin sɑ̃ɑ yerɔ te u ɡɔsɑ. Sɑɑ yerɑ, pɛ̃ɛ ye bɑ ǹ seeyɑtiɑ doken tɔ̃ɔ bɑkɑrun sɑɑ kɑ ɡɛ̃ɛbun tɔ̃ɔ bɑkɑrun sɑɑ kɑ kunun tɔ̃ɔ bɑkɑrun sɑɑ. Adɑmɑ bu ku dɑ mi kɑ nɔm dirɑ.

Kpɑrobu 20:1

Isireli be bɑ wɑ̃ɑ Dɑnuɔ sɔ̃ɔ yɛ̃sɑn nɔm ɡeu ɡiɑ sere n kɑ ɡirɑri Beri Sebɑɔ sɔ̃ɔ yɛ̃sɑn nɔm dwɑrɔ kɑ mɑɑ be bɑ wɑ̃ɑ Gɑlɑdin temɔ sɔ̃ɔ yɑri yeru ɡiɑ, bɑ mɛnnɑ bɑ nɔɔ tiɑ kuɑ nɡe tɔn turo Yinni Gusunɔn sɑ̃ɑ yerɔ Misipɑɔ.