Ɛsidɑrɑsi 2:1 - Bibeli Gusunɔn Gari

¹ Isireli be Nɛbukɑnɛsɑɑ Bɑbilonin sinɑ boko u yoru mwɛɛrɑ u kɑ dɑ Bɑbiloniɔ ben dɑbirɑ wurɑmɑ Yerusɑlɛmuɔ Yudɑɔ mɑ ben bɑɑwure u dɑ u sinɑ win wuuɔ.

Ɛsidɑrɑsi 2:1 ပူးပေါင်းရင်းမြစ်များ

Sinɑmbu II 25:11

Mɑ u Isireli be bɑ tii wɛ̃ kɑ be bɑ tie ɡurɑ u kɑ doonɑ.

Bɑndun Gɑri I 9:1

Bɑ Isirelibɑ kpuron yĩsɑ yoruɑ ben ɡɑri ɡɑrin tireru sɔɔ nɡe mɛ bɑ kɑ swĩinɛ, bwese kɛrɑ kɑ bwese kɛrɑ. N deemɑ bɑ Yudɑbɑ kpuro yoru mwɑ bɑ kɑ dɑ Bɑbiloniɔ kɔ̃sɑ ye bɑ kuɑn sɔ̃.

Bɑndun Gɑri I 9:2

Be bɑ ɡbiɑ bɑ sinɑ ben tem wusu sɔɔ, berɑ Isirelibɑ kɑ yɑ̃ku kowobu kɑ Lefibɑ kɑ sere Nɛtinibɑ.

Ɛsidɑrɑsi 1:11

Dendi yɑ̃ɑ ni kpuro ni bɑ kuɑ kɑ wurɑ kɑ sii ɡeesu, yen ɡeerɑ kuɑwɑ nɔrɔbun subɑ nɔɔbu kɑ nɛɛru (5.400). Sesibɑsɑɑ u kɑ ye kpuro dɑ sɑnɑm mɛ be, Isireli be bɑ yoru mwɛɛrɑ bɑ wurɔ Yerusɑlɛmuɔ.

Ɛsidɑrɑsi 2:2

Tɔn be bɑ bu kpɑre bɑ kɑ wurɑmɑ Yerusɑlɛmuɔ mi, berɑ Sorobɑbɛli kɑ Yosue kɑ Nɛɛmi kɑ Serɑyɑ kɑ Relɑyɑ kɑ Mɑɑdose kɑ Bilisɑni kɑ Misipɑɑ kɑ Biɡifɑi kɑ Rehumu kɑ Bɑɑnɑ. Isireli be kpuron ɡeeru wee bwese kɛrɑ kɑ bwese kɛrɑ.

Ɛsidɑrɑsi 2:70

Yɑ̃ku kowobu kɑ Lefibɑ kɑ Isireli be bɑ tie kɑ wom kowobu kɑ be bɑ rɑ kɔnnɔsu kɔ̃su kɑ Nɛtinibɑ, be kpuro bɑ sinɑwɑ ben wusɔ mi bɑ rɑɑ wɑ̃ɑ, Isirelibɑ kpuro ɡesi.

Ɛsidɑrɑsi 5:8

Wee sɑ nun nɔɔsiɑmɔ mɑ sɑ dɑ Yudɑbɑn temɔ sere Yinni Gusunɔn sɑ̃ɑ yerɔ. Bɑ tu bɑnɑwɑ kɑ kpee bɑkɑnu mɑ bɑ ten ɡɑni dɑ̃ɑ wukirimɔ tɛ̃. Sɔmbu te, tɑ dɔɔ ɡem ɡem.

Ɛsidɑrɑsi 6:2

Yerɑ bɑ tireru ɡɑru wɑ Mɛdin wuu mɑro bɔkɔwɔ ɡe bɑ mɔ̀ Eki Bɑtɑni.

Ɛsidɑrɑsi 8:35

Be bɑ rɑɑ yoru mwɛɛrɑ bɑ wurɑmɑ Isireliɔ bɑ Gusunɔ Isireli ben Yinni yɑ̃ku dɔ̃ɔ mwɑɑrɑruɡinu kuɑ Isirelibɑ kpuron sɔ̃ kɑ nɑɑ kinɛnu wɔkurɑ yiru kɑ yɑ̃ɑ kinɛnu wɛnɛ kɑ wɔkurɑ nɔɔbu kɑ tiɑ kɑ yɑ̃ɑ kpɛmminu wɑtɑ kɑ wɔkurɑ nɔɔbu kɑ yiru kɑ boo kinɛnu wɔkurɑ yiru ben torɑnun sɔ̃.

Nɛɛmi 12:1

Yɑ̃ku kowobu kɑ Lefi be bɑ Sorobɑbɛli Sɑlɑtiɛlin bii kɑ Yosue swĩimɑ bɑ kɑ nɑ Yerusɑlɛmuɔ, berɑ Serɑyɑ kɑ Yeremi kɑ Ɛsidɑrɑsi

Ɛsitɛɛ 1:1

Gɑri yini yi koorɑwɑ sinɑ boko wi bɑ mɔ̀ Asuresin wɑɑti sɔɔ. U bɑndu diiwɑ tem mɛ bɑ mɔ̀ Ɛndiɔ n kɑ ɡirɑri Etiopiɔ. Tem mɛ kpuro mu sɑ̃ɑwɑ beri wunɑɑ teeru kɑ nɔɔbɑ yiru.

Ɛsitɛɛ 1:11

Mɑ u bu ɡɔrɑ bu dɑ bu win kurɔ Fɑsiti sokumɑ kpɑ u nɑ u n win sinɑ yɑ̃nu doke. Domi u kĩ win sinɑ ɑsɑkpɔbu kɑ sere tɔn be bɑ wɑ̃ɑ mi kpuro bu wɑ mɑ win kurɔ u sɑ̃ɑ kurɔ burɔ. Kɑ ɡeemɑ kurɔ wi, kurɔ burɔn tiiwɑ.

Ɛsitɛɛ 1:8

Adɑmɑ bɑ ǹ ɡoo tilɑsi kue u kɑ mu nɔ. Domi sinɑ boko u win sɔm kowobu sɔ̃ɔwɑ u nɛɛ, bu bɑɑwure derio u ko nɡe mɛ u kĩ.

Ɛsitɛɛ 8:9

Wɔ̃ɔn suru itɑse wi bɑ mɔ̀ Sifɑ̃ɑ, win sɔ̃ɔ yɛndɑ itɑse sɔɔ, yerɑ bɑ sinɑ bokon tire yorobu sokusiɑmɑ, mɑ Mɑɑdose u bu woodɑ wɛ̃ bu Yuubɑ tirenu kuɑ kɑ sinɑ bokon sinɑ ɑsɑkpɔbu kɑ win tem wiruɡibu kɑ sere wiruɡii be bɑ wɑ̃ɑ berɑ wunɑɑ teeru kɑ nɔɔbɑ yiru ye sɔɔ, sɑɑ Ɛndin di n kɑ ɡirɑri Etiopiɔ. Mɑ bɑ tire ni kuɑ kɑ Yuubɑn bɑrum kɑ sere mɑɑ bɑrum mɛ mu wɑ̃ɑ tem mɛ kpuro sɔɔ.

Esɑi 48:20

I yɑrio Bɑbilonin di i yen tɔmbu duki suurio. I nɑsɑrɑn womusu koowo, i kpɑrɑ hɑnduniɑn ɡoonu nnɛ sɔɔ i nɛɛ, wi, Yinni Gusunɔ u bɛɛ Yɑkɔbun bweseru yɑkiɑ, bɛɛ be i sɑ̃ɑ win sɔm kowobu.

Yeremi 50:19

Adɑmɑ kon de Isirelibɑ bu wurɑmɑ ben wɑ̃ɑ yerɔ, kpɑ bu ben dĩɑnu yewe ɡuu te bɑ mɔ̀ Kɑɑmɛliɔ kɑ Bɑsɑniɔ kɑ ɡuu te bɑ mɔ̀ Efɑrɑimuɔ, kɑ sere mɑɑ Gɑlɑdin temɔ. Bɑ ǹ mɑɑ ɡɑ̃ɑnun yɑ̃ɑru mɔ̀.

Swĩi 1:3

Bɑ Yudɑbɑ ɡurɑ bɑ kɑ doonɑ tem tukumɔ. Mɛyɑ, bɑ bu dɑm dɔremɔ bɑ yoru diisiɑmɔ. Bɑ ku rɑ n wɛ̃rɑbu mɔ. Ben yibɛrɛbɑ bɑ bu wɔri subɑru sɔɔ bɑ deemɑ bɑ wɑ̃ɑ nɔni swɑ̃ɑru ɡɑru sɔɔ.

Swĩi 1:5

Yen yibɛrɛbɑ bɑ ye tɑbu di, mɑ bɑ wɑ̃ɑ bɔri yɛndu sɔɔ. Yinni Gusunɔwɑ u ye nuku sɑnkirɑ ni kpɛ̃ɛ yen torɑ dɑbinun sɔ̃. Wee yibɛrɛbɑ bɑ yen bibu kpɑrɑ bɑ kɑ dɑ bɑ yoru diisiɑmɔ.

Swĩi 4:22

Bɛɛ Yerusɑlɛmuɡibu, bɛɛn sɛɛyɑsiɑbu kpɑ. Bɑ ǹ mɑɑ bɛɛ yoru mwɑɑmɔ bu kɑ doonɑ. Adɑmɑ bɛɛ Edɔmubɑ, Yinni Gusunɔ u koo bɛɛ mɔru kɔsiɑ, kpɑ u bɛɛn torɑnu terɑsiɑ.

Sofoni 2:7

Domi sɑɑ ye sɔɔ, Gusunɔ, Yudɑbɑn Yinni u koo ben be bɑ tie kpɑrɑ kpɑ u kɑ ben yobu wurɑmɑ. Nim wɔ̃kun ɡoo te, tɑ koo ko beɡiru. Miyɑ bɑ ko n dɑ yɑɑ sɑbenu kpɑre, kpɑ yokɑ bu kpunɑ Asikɑloniɡibun diɑ mi.

Gɔrobun Kookoosu 23:34

Ye tem yɛ̃ro u tire te ɡɑrɑ u kpɑ, u Pɔlu bikiɑ berɑ mìn di u nɑ. Pɔlu nɛɛ, Silisin di.