Ɛsitɛɛ 9:1 - Bibeli Gusunɔn Gari

¹ Suru wɔkurɑ yirusen sɔ̃ɔ wɔkurɑ itɑse ye, yɑ turɑ. Tɔ̃ɔ te sɔɔrɑ sinɑ bokon woodɑ ye u rɑɑ yi Yuubɑn sɔ̃ yɑ koo sɔmburu tore. Tɔ̃ɔ terɑ Yuubɑn yibɛrɛbɑ bɑ yĩiyɔ bu Yuubɑ kɑmiɑ. Adɑmɑ n ǹ koore. Yuubɑrɑ bɑ nɑsɑrɑ suɑ.

Ɛsitɛɛ 9:1 ပူးပေါင်းရင်းမြစ်များ

Sɑmuɛli II 22:41

Wunɑ ɑ rɑ de nɛn yibɛrɛbɑ bu mɑn biru kisi. Wunɑ ɑ rɑ de n be bɑ mɑn tusɑ kpeerɑsiɑ.

Ɛsitɛɛ 3:13

Mɑ bɑ tɔmbu ɡɔrɑ ɡɔrɑ kɑ tire ni, tem mɛn beri berikɑ kpuro sɔɔ bu kɑ Yuubɑ kpuro kpeerɑsiɑ sɔ̃ɔ teeru, ɑluwɑɑsibɑ kɑ durɔ tɔkɔnu kɑ bibu kɑ tɔn kurɔbu. Kpɑ bu ben ɑrumɑni kpuro kɑm koosiɑ. Bɑ koo ye kowɑ suru wɔkurɑ yirusen sɔ̃ɔ wɔkurɑ itɑse sɔɔ, suru wi bɑ mɔ̀ Adɑri.

Ɛsitɛɛ 3:7

Asuresin bɑndun wɔ̃ɔ wɔkurɑ yirusen suru ɡbiikoo wi bɑ mɔ̀ Nisɑ̃ɑ sɔɔrɑ bɑ ɡɑ̃ɑnu kɔ̃ ni bɑ sokumɔ purimu bu kɑ suru kɑ win tɔ̃ru wɑ tè sɔɔ bɑ koo Yuubɑ ɡo. Mɑ yɑ suru wɔkurɑ yiruse wi bɑ mɔ̀ Adɑri ɡɔsɑ.

Ɛsitɛɛ 8:12

Bɑɑwurewɑ u koo woodɑ ye mɛm nɔɔwɑ Asuresin tem kpuro sɔɔ, suru wɔkurɑ yirusen sɔ̃ɔ wɔkurɑ itɑse sɔɔ. Suru wiyɑ bɑ mɔ̀ Adɑri. Tɔ̃ɔ terɑ bɑ rɑɑ yi bu kɑ Yuubɑ ɡo.

Ɛsitɛɛ 8:6

Domi nɑ ǹ kpɛ̃ nɑ n sɔ̃ kpɑ nɑ n wɑɑmɔ bɑ nɛn bweseru nɔni sɔ̃ɔmɔ bɑ ɡoomɔ.

Ɛsitɛɛ 9:17

Yeni yɑ koorɑwɑ suru wi bɑ mɔ̀ Adɑrin sɔ̃ɔ wɔkurɑ itɑse sɔɔ. Yen sɔ̃ɔ wɔkurɑ nnɛse sɔɔrɑ bɑ tɔn ɡoberu deri. Mɑ bɑ tɔ̃ɔ bɑkɑru di kɑ nuku dobu.

Womusu 18:40

Yinni, wunɑ ɑ rɑ mɑn dɑm kɛ̃ n kɑ tɑbu ko. Wunɑ ɑ rɑ mɑn nɑsɑrɑ wɛ̃ nɛn yibɛrɛbɑn wɔllɔ.

Womusu 30:11

Yinni Gusunɔ, ɑ mɑn swɑɑ dɑkio, kpɑ ɑ mɑn durom kuɑ. Yinni, ɑ mɑn somiɔ.

Gɔrobun Kookoosu 12:11

Sɑnɑm mɛ sɔɔrɑ Piɛɛ u tubɑ ye n nùn deemɑ. Mɑ u tii sɔ̃ɔwɑ u nɛɛ, tɛ̃ nɑ ɡiɑ mɑ ɡeemɑ. Yinni Gusunɔwɑ u win ɡɔrɑdo ɡɔrimɑ u kɑ mɑn yɑkiɑ Herodun nɔmɑn di, kɑ mɑɑ ye kpuron di ye Yuubɑ bɑ kĩ bu mɑn kuɑ.

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Kɑ̃siru 11:18

Hɑnduniɑɡibu bɑ mɔru bɛsirɑ. Mɑ wunɛn mɔru yɑ tunumɑ. Sɑɑ yɑ turɑ bu kɑ ɡɔribu siri. Sɑɑ mɑɑ turɑ bu kɑ wunɛn sɔmɔbu ɑre wɛ̃, kɑ be bɑ nun nɑɑnɛ doke kɑ be bɑ wunɛn yĩsiru nɑsie, bɑkɑ kɑ buu. Sɑɑ mɑɑ turɑ bu kɑ bu kɑm koosiɑ be bɑ hɑnduniɑ kɑm mɔ̀.