Ɛsitɛɛ 7:8 - Bibeli Gusunɔn Gari

⁸ Mɑ u tii yɔ̃su u wɔrumɑ mi Ɛsitɛɛ u sɔ̃. Sɑɑ yerɑ sinɑ boko u wurɑmɑ mɑ u duɑ mi bɑ tɔ̃ɔ bɑkɑru dimɔ. Yerɑ u Hɑmɑni bikiɑ u nɛɛ, ɑ kĩ ɑ mɑɑ Ɛsitɛɛ ɡɑbɑwɑ nɛn wuswɑɑɔ sinɑ kpɑɑru mini? U kɑ ɡɑri yi ɡere u kpe, yerɑ win sɔm kowobu bɑ Hɑmɑnin wuswɑɑ bɔkuɑ.

Ɛsitɛɛ 7:8 ပူးပေါင်းရင်းမြစ်များ

Ɛsitɛɛ 1:5

Yen biru, u tɔmbu kpuro be bɑ mɛnnɛ Susi mi, tɔ̃ɔ bɑkɑ dim sokɑ, ɡobiɡibu kɑ sɑ̃ɑrobu. Mɑ bɑ tɔ̃ɔ bɑkɑ te di sere sɔ̃ɔ nɔɔbɑ yiru sinɑ kpɑɑrun yɑɑrɑɔ.

Ɛsitɛɛ 1:6

Mɑ bɑ beku dɑmɡinu sɔre sɔre tɑɑbu sii ɡɑnduɡinu sɔɔ kɑ wɛ̃ɛ wunɔmɡii yi bɑ ɡbinisi ɡberebɑ sɔɔ be bɑ kuɑ kɑ kpee ɡobiɡinu. Mɑ bɑ kitɑ wurɑɡinu kɑ sii ɡeesuɡinu yi yi mi. Mɑ bɑ dii ten tem sɔmɑ kuɑ kɑ kpee ɡobiɡinu, ɡɑm kpee swɑ̃ɑnu, ɡɑm kpee kpikinu, ɡɑm kpee sɔ̃ɔ tirosu, ɡɑm mɑɑ kpee wɔ̃kunu.

Ɛsitɛɛ 6:12

Yen biru, Mɑɑdose u ɡɔsirɑ u wurɑ sinɑ kpɑɑ kɔnnɔ mi. Mɑ Hɑmɑni u mɑɑ doonɑ fuuku win yɛnuɔ, u tuke sekurun sɔ̃.

Ɛsitɛɛ 7:10

Mɑ bɑ Hɑmɑni suɑ bɑ kɑ dɑ bɑ bwɛ̃ dɑ̃ɑ ten wɔllɔ, te u rɑɑ sɔɔru kuɑ Mɑɑdosen sɔ̃. Sɑɑ yerɑ sinɑ bokon mɔru yɑ sure.

Yoobu 9:24

Tem mù n wɔri tɔn kɔ̃son nɔmuɔ, Yinni Gusunɔ u rɑ mɛn kpɑrobu wɔ̃koru kpɛ̃ɛwɑ. Mɑ n kun wi, wɑrɑ u koo ye ko.

Esɑi 22:17

Wee wi, Yinni Gusunɔ u koo nùn bɔke nɡe kureru kpɑ u nùn kɑsɑ kɔ̃ kɑ dɑm,

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Amɔsu 3:12

Wee ye nɑ mɑɑ ɡeruɑ. Nɑ nɛɛ, nɡe mɛ yɑ̃ɑ kpɑro u rɑ win sɑbenun sukum wɔre ɡbee sunɔn nɔɔn di, nɡe mɛyɑ kon bɛɛ Isirelibɑ wɔrɑ bɛɛ be i nɑ i sɔ̃ Sɑmɑriɔ kpin yee burɑnu sɔɔ.

Mɑɑku 14:65

Yerɑ ben ɡɑbɑ yɑnde nùn yɑ̃ɑtɑm siem wɔri, bɑ win nɔni wɔ̃kuɑ, mɑ bɑ nùn nɔm kusɑ soomɔ, bɑ nɛɛ u tubuo wi u nùn soomɔ. Mɑ tɑbu kowobu bɑ nùn mwɑ bɑ soomɔ.