Ɛsitɛɛ 2:5 - Bibeli Gusunɔn Gari

⁵ N deemɑ Yuu ɡoo wɑ̃ɑ Susi wuu bɔkɔ ɡe sɔɔ. Win yĩsirɑ Mɑɑdose. U sɑ̃ɑwɑ Yɑirin bii, Bɛnyɑmɛɛn bweseru sɔɔ. Win sikɑdobɑrɑ Simɛi kɑ Kisi.

Ɛsitɛɛ 2:5 ပူးပေါင်းရင်းမြစ်များ

Sɑmuɛli II 16:5

Ye sinɑ boko Dɑfidi u tunumɑ Bɑhurimuɔ, yerɑ Sɔɔlun dusi ɡoo wi bɑ mɔ̀ Simɛi, Gerɑn bii, u yɑrimɑ wuu ɡen min di, u kpenu suɑ u Dɑfidi kɑ win sinɑ ɑsɑkpɔbu kɑsukumɔ, bɑɑ mɛ Dɑfidin tɑbu durɔbu kɑ win tɔmbu bɑ wɑ̃ɑ win nɔm ɡeuɔ kɑ win nɔm dwɑrɔ. Mɑ u nùn wɔmmɔ,

Sinɑmbu II 24:12

Yerɑ Yoyɑkini Yudɑbɑn sinɑ boko u yɑrɑ u Nɛbukɑnɛsɑɑ wi sennɔ dɑ kɑ win mɛro, kɑ win bwɑ̃ɑbu kɑ win sinɑ ɑsɑkpɔbu kɑ win yɛnun sɔm kowobun wiruɡibu. Mɑ Nɛbukɑnɛsɑɑ u nùn mwɑ u pirisɔm doke. U yeni kuɑwɑ win bɑndun wɔ̃ɔ nɔɔbɑ itɑse sɔɔ.

Sinɑmbu II 24:15

U sinɑ boko Yoyɑkini kɑ win mɛro kɑ win kurɔbu kɑ win yɛnun sɔm kowobun wiruɡibu kɑ tem min dɑmɡibu kpuro ɡurɑ u kɑ dɑ Bɑbiloniɔ.

Ɛsitɛɛ 1:2

Win bɑndun wɔ̃ɔ itɑse sɔɔ, sɔ̃ɔ teeru u sɔ̃ win sinɑ ɡɔnɑ sɔɔ ben wuu mɑroɔ ɡe bɑ mɔ̀ Susi. Yerɑ u win sinɑ ɑsɑkpɔbu tɔ̃ɔ bɑkɑ dim sokɑ kɑ win sɔm kowobu kɑ Mɛdibɑ kɑ Pɛɛsin tɑbu sinɑmbu kɑ sere beri yi kpuron wiruɡibu. Be kpurowɑ bɑ mɛnnɑ mi.

Ɛsitɛɛ 10:3

Domi Mɑɑdose Yuu wi, u kuɑ yiruse Asuresin bɑndu sɔɔ. Mɑ win bweseru kpuro tɑ nùn kĩɑ. U sɔmburu kuɑ ten ɑrufɑɑnin sɔ̃. Mɑ u kɑ tu yinɑ u derɑ tɑ wɑ̃ɑ ɑlɑfiɑ sɔɔ.

Ɛsitɛɛ 2:3

Yen sɔ̃, ɑ tɔmbu ɡɔsio wunɛn tem beri berikɑ kpuro sɔɔ bu wɔndiɑ kurɔ burɑbu kɑsumɑ be bɑ ǹ durɔ yɛ̃. Kpɑ bu kɑ bu nɑ Susiɔ wunɛn kurɔbun wɑ̃ɑ yerɔ. Miyɑ Heɡe wi u rɑ wunɛn kurɔbu kɔ̃su u koo bu nɔɔri kpɑ u bu tim wɛ̃ bu kɑ ben wɑsi sɔmɛ.

Ɛsitɛɛ 2:4

Sɑɑ ye sɔɔ, wɔndiɑ wi u koo wunɛ sinɑ boko wɛ̃re, wiyɑ u koo Fɑsiti kɔsire ko. Mɑ ɡɑri yi, yi kɑ sinɑ boko nɑɑwɑ. Mɑ u yi wurɑ.

Ɛsitɛɛ 5:1

Nɔɔ bɔku ten sɔ̃ɔ itɑse, yerɑ Ɛsitɛɛ u win sinɑ yɑ̃nu sebuɑ. Mɑ u dɑ sinɑ kpɑɑrɔ. Ye u duɑ ten sɔɔwɔ, u deemɑ sinɑ boko u sɔ̃ win sinɑ kitɑrɔ u kɔnnɔ mɛɛrɑ.

Sɑmuɛli I 9:1

Durɔ ɡoo u wɑ̃ɑ Bɛnyɑmɛɛn bweseru sɔɔ, win yĩsirɑ Kisi. Win bɑɑbɑbɑrɑ Abiɛli kɑ Serori kɑ Bekorɑti kɑ Afiɑ. Be kpuro bɑ sɑ̃ɑwɑ Bɛnyɑmɛɛn bweseru. Kisi wi, u sɑ̃ɑwɑ tɔn boko, u mɑɑ ɡobi mɔ.