Ɛsitɛɛ 1:6 - Bibeli Gusunɔn Gari

⁶ Mɑ bɑ beku dɑmɡinu sɔre sɔre tɑɑbu sii ɡɑnduɡinu sɔɔ kɑ wɛ̃ɛ wunɔmɡii yi bɑ ɡbinisi ɡberebɑ sɔɔ be bɑ kuɑ kɑ kpee ɡobiɡinu. Mɑ bɑ kitɑ wurɑɡinu kɑ sii ɡeesuɡinu yi yi mi. Mɑ bɑ dii ten tem sɔmɑ kuɑ kɑ kpee ɡobiɡinu, ɡɑm kpee swɑ̃ɑnu, ɡɑm kpee kpikinu, ɡɑm kpee sɔ̃ɔ tirosu, ɡɑm mɑɑ kpee wɔ̃kunu.

Ɛsitɛɛ 1:6 ပူးပေါင်းရင်းမြစ်များ

Ɛsitɛɛ 7:8

Mɑ u tii yɔ̃su u wɔrumɑ mi Ɛsitɛɛ u sɔ̃. Sɑɑ yerɑ sinɑ boko u wurɑmɑ mɑ u duɑ mi bɑ tɔ̃ɔ bɑkɑru dimɔ. Yerɑ u Hɑmɑni bikiɑ u nɛɛ, ɑ kĩ ɑ mɑɑ Ɛsitɛɛ ɡɑbɑwɑ nɛn wuswɑɑɔ sinɑ kpɑɑru mini? U kɑ ɡɑri yi ɡere u kpe, yerɑ win sɔm kowobu bɑ Hɑmɑnin wuswɑɑ bɔkuɑ.

Ɛsitɛɛ 8:15

Sɑɑ ye sɔɔrɑ Mɑɑdose u yɑrɑ sinɑ kpɑɑrun di u dɑ wuu sɔɔ u sinɑ yɑ̃nu sebuɑ ni nu nɔni ɡɑɑdurɑɡii kɑ nɔni kpiki mɔ kɑ yɑbe bɑkɑru nɔni swɛ̃ɛɡiru kɑ mɑɑ sinɑ furɔ wurɑɡuu. Mɑ wɔkinu yibɑ Susi ye sɔɔ tɑki kɑ nuku dobun kuukin sɔ̃.

Yɑribu 26:1

Yinni Gusunɔ u Mɔwisi sɔ̃ɔwɑ u nɛɛ, ɑ bekunu wɔkuru wesio kɑ wɛ̃ɛ dɑmɡii kɑ wɛ̃ɛ yi bɑ wɔ̃kuɑ kɑ burɑ kɑ mɑɑ ɡɑɑdurɑ, kɑ mɑɑ wɛ̃ɛ wunɔmɡii, kpɑ ɑ bekɑ ye burɑru dokeɑ tɑ n sɑ̃ɑ wɔllun kɔ̃sobun weenɑsibu. Kpɑ ɑ kɑ mɑn kuu bekuruɡiru kuɑ.

Esekiɛli 23:41

Mɑ bɑ dɑ bɑ sinɑ kitɑ burɑnu sɔɔ. Tɑbulu yɑ yii ben wuswɑɑɔ yèn wɔllɔ bɑ nɛn turɑre ye bɑ rɑ dɔ̃ɔ doke kɑ ɡum nubu duroruɡim sɔndi.

Amɔsu 2:8

I rɑ n kpĩ kpĩ bɛɛn bũnun nuunɔ yɑ̃nu wɔllɔ ni i tɔrubɑ mwɑ, kpɑ i n tɑm nɔrumɔ mɛ i yokumɑ.

Amɔsu 3:12

Wee ye nɑ mɑɑ ɡeruɑ. Nɑ nɛɛ, nɡe mɛ yɑ̃ɑ kpɑro u rɑ win sɑbenun sukum wɔre ɡbee sunɔn nɔɔn di, nɡe mɛyɑ kon bɛɛ Isirelibɑ wɔrɑ bɛɛ be i nɑ i sɔ̃ Sɑmɑriɔ kpin yee burɑnu sɔɔ.

Amɔsu 6:4

Mɑ i kpĩ sɑu kpin yee burɑnu sɔɔ, nì bɑ burɑru kuɑ kɑ suunu donnu. I tii yɑ̃ɑ kpɛmminu kɑ nɑɑ kpɛmi yi yi ɡum mɔ ɡɔsiɑmmɛ ɡɔ̃sun di i temmɔ.

Sɑmuɛli I 28:23

Adɑmɑ Sɔɔlu u yinɑ u nɛɛ, nɑ ǹ dimɔ. Yerɑ win bwɑ̃ɑbu kɑ kurɔ wi, bɑ nùn suuru kɑnɑ. Mɑ u ben ɡere wurɑ u seewɑ tem di u sinɑ kpin yerɔ.