Ɛsitɛɛ 1:18 - Bibeli Gusunɔn Gari

¹⁸ Mɛyɑ mɑɑ bɛsɛ wiruɡibu, bɛsɛn kurɔbu bɑ koo nɔ ye sinɑ bokon kurɔ u kuɑ. Kpɑ bu se bu sun ɡɑri wisi kɑ ɡɛndu. Kpɑ ɡɛn te, tu bɛsɛn mɔru seeyɑ.

Ɛsitɛɛ 1:18 ပူးပေါင်းရင်းမြစ်များ

Sinɑmbu I 11:3

Sinɑ bibu nɑtɑ kɑ wunɔbuwɑ (700) Sɑlomɔɔ u suɑ kurɔbu kɑ sere mɑɑ ɡoobɑ wunɔbu (300) be bɑ ǹ sɑ̃ɑ sinɑ bibu. Kurɔ berɑ bɑ win ɡɔ̃ru sĩiyɑ Yinni Gusunɔn min di.

Ɛsitɛɛ 1:17

Domi tɔn kurɔbu kpuro bɑ̀ n nuɑ ye Fɑsiti u kuɑ, bɑ koo sewɑ bu ben durɔbu ɡɛm. Bɑ ǹ mɑɑ bu mɛm nɔɔwɑmmɛ. Kpɑ bu kɑ tii yinɑ bu nɛɛ, ye sinɑ boko u rɑɑ win kurɔ Fɑsiti sokusiɑ u nɑ ro?

Ɛsitɛɛ 1:19

Ǹ n mɛn nɑ, sinɑ boko, ɑ̀ n wurɑn nɑ, ɑ de bu woodɑ yɑrɑ ye yɑ Fɑsiti yinɑrimɔ u mɑɑ nɑ wunɛn wuswɑɑɔ kpɑ ɑ kurɔ ɡoo kɔsire ko wi u nùn kere. Woodɑ ye, yɑ ko n wɑ̃ɑwɑ bɛsɛ Pɛɛsibɑ kɑ Mɛdibɑn woodɑbɑ sɔɔ ye bɑ ǹ kpɛ̃ bu ɡo.

Kpɑrobu 5:29

Win bwɑ̃ɑ bwisiɡibɑ nùn sɔ̃ɔwɑ bɑ nɛɛ, bɑ ɑrumɑni ɡurɑ bɑ bɔnu mɔ̀wɑ, kpɑ tɑbu kowo bɑɑwure u wɔndiɑ turo ǹ kun mɛ yiru suɑ. Siserɑ u beku ɡobiɡinu suɑmɔ win tiin sɔ̃, kɑ yɑbe ni bɑ sɔmɑ dokeɑ. N deemɑ mɛyɑ win mɛro u mɑɑ tii sɔ̃ɔmɔ.