Esɑi 9:12 - Bibeli Gusunɔn Gari

¹² Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Esɑi 9:12 ပူးပေါင်းရင်းမြစ်များ

Sinɑmbu II 16:6

Sɑɑ ye sɔɔrɑ Resini u Elɑti mwɑ Yudɑbɑn nɔmɑn di, mɑ u bu ɡirɑ min di. U derɑ Edɔmubɑ bɑ nɑ Elɑti mi, sere kɑ ɡisɔn ɡisɔ.

Bɑndun Gɑri II 28:18

Filisitibɑ bɑ wɔrɑɑ nɑ wuu si su wɑ̃ɑ Sefɑlɑn wɔwɑɔ kɑ si su wɑ̃ɑ Yudɑn tem sɔ̃ɔ yɛ̃sɑn nɔm dwɑru ɡiɑ. Mɑ bɑ Bɛti Semɛsi kɑ Ayɑloni mwɑ kɑ Gederɔtu kɑ Soko kɑ yen bɑru kpɑɑnu kɑ Tinnɑ kɑ yen bɑru kpɑɑnu kɑ Gimuso kɑ yen bɑru kpɑɑnu. Mɑ bɑ sinɑ wuu si sɔɔ.

Womusu 79:7

Domi bɑ Isirelibɑ ɡo, mɑ ben tem mu kuɑ bɑnsu.

Esɑi 10:4

Bɑ koo ɡɑbu yoru mwɛɛri kpɑ bu ɡɑbu ɡo. Adɑmɑ kɑ mɛ, Yinni Gusunɔn mɔru kun suremɔ. U koo mɑɑ bu nɔmu doke u sɛɛyɑsiɑ.

Esɑi 11:14

Bɑ koo mɛnnɑ bu Filisitibɑ wɔriwɑ sɔ̃ɔ duu yeru ɡiɑ, kpɑ bu Filisiti be ko ben yobu. Mɛyɑ bɑ koo mɑɑ mɛnnɑ bu sɔ̃ɔ yɑri yeruɡibu wɔri. Bɑ koo Edɔmu kɑ Mɔɑbubɑ dɑm dɔre, kpɑ bu Amɔnibɑ tɑɑre.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Esɑi 5:25

Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.

Esɑi 9:17

Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

Yeremi 10:25

A wunɛn mɔru sureo bwese ni nu ǹ nun mɛm nɔɔwɑmmɛn mi, ni, ni nu ǹ nun sɑ̃ɑmɔ. Domi nu wunɛn tɔmbu Yɑkɔbun bweseru kpeerɑsiɑmɔ, nu ben tem bɑnsu koosiɑmɔ.

Yeremi 15:7

Kon nɛn tɔn be sɑrɑwɑ nɡe dobi wusun ɡbɑ̃rɑ kɔnnɔsɔ. Kon de bu ben bibu biɑ, kpɑ n bu kɑm koosiɑ. Domi bɑ yinɑ bu ben swɛɛ kɔ̃si deri.

Yeremi 35:11

Adɑmɑ sɑnɑm mɛ Nɛbukɑnɛsɑɑ, Bɑbilonin sinɑ boko u tem mɛ wɔrimɑ, yerɑ sɑ nɛɛ, su se su dɑ Yerusɑlɛmuɔ, kpɑ su Bɑbilonin tɑbu kowobu kɑ Siriɡibu dukɑ suuri. Yen sɔ̃nɑ sɑ wɑ̃ɑ Yerusɑlɛmu mini ɡisɔ.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Esekiɛli 16:27

Yerɑ nɑ nun nɛn dɑm sɔ̃ɔsi nɑ nun nɔmɑ dɛmiɛ. Mɑ nɑ nun doke nɛn yibɛrɛbɑn nɔmu sɔɔ. Yibɛrɛ berɑ, Filisitibɑ be bɑ biti soorɑ wunɛn dɑɑ kɔ̃sɑn sɔ̃.

Esekiɛli 6:14

Kon bu nɛn nɔmu dɛmiɛ kpɑ n de tem mɛ, mu ko bɑnsu sɑɑ sɔ̃ɔ yɛ̃sɑn nɔm dwɑrun di n kɑ ɡirɑri Dibilɑɔ sɔ̃ɔ yɛ̃sɑn nɔm ɡeu ɡiɑ. Mi bɑ wɑ̃ɑ kpuro kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ.

Osee 7:10

Ben tii suɑbu sɔ̃ɔsirɑmɔ. Domi bɑ ǹ ɡɔsirɑmɛ nɛ Gusunɔ ben Yinnin mi. Kɑ yen de kpuro, bɑ ǹ mɑn kɑsu.

Amɔsu 4:10

Nɑ mɑɑ bɛɛ kɛ̃si kɛ̃si bɑrɑru sure nɡe mɛ nɑ kuɑ Eɡibitiɔ. Nɑ derɑ bɑ bɛɛn ɑluwɑɑsibɑ ɡo tɑbu sɔɔ. Mɑ bɑ ben dumi mwɛɛrɑ. Nɑ derɑ i bɛɛn tɔn be bɑ ɡun nuburu nuɑ bɛɛn sɑnsɑniɔ. Adɑmɑ kɑ mɛ, i ǹ ɡɔsirɑmɛ nɛn mi.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 4:8

Yerɑ bɛɛn wusu ɡɑsun tɔmbu bɑ dɑ wuu ɡɑɡun mi bu kɑ nim wɑ bu nɔ. Adɑmɑ ben nim nɔru ɡɑ ǹ kpɑ. Kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 4:9

Nɑ derɑ bɛɛn dĩɑnu kusenu kuɑ, mɑ twee yi nɑ yi bɛɛn ɡbeɑn dĩɑnu kɑ bɛɛn dɑ̃ɑ ɡbɑɑnun wurusu kpuro di. Adɑmɑ kɑ mɛ, i ǹ ɡɔsirɑmɛ nɛ Gusunɔ bɛɛn Yinnin mi.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Sofoni 3:2

I ku rɑ ɡooɡii nɔ. I ku rɑ mɑɑ sɛɛyɑsiɑbu wure. I ku rɑ Gusunɔ bɛɛn Yinni nɑɑnɛ ko. I ku rɑ mɑɑ nùn susi.

Sɔ̃ɔsiru 31:17

Yen tɔ̃ɔ te, kon kɑ bu mɔru ko kpɑ n bu biru kisi n bu deri. Bɑ koo kɑm kowɑ. Wɑhɑlɑ kɑ nɔni swɑ̃ɑ dɑbinu koo bu deemɑ. Sɑɑ ye sɔɔrɑ bɑ koo tii sɔ̃ bu nɛɛ, nɛ, Gusunɔ ben Yinni nɑ ǹ wɑ̃ɑ ben suunu sɔɔ, yen sɔ̃nɑ wɑhɑlɑ yeni yɑ bu deemɑmɔ.