Esɑi 8:6 - Bibeli Gusunɔn Gari

⁶ Yudɑbɑ bɑ nùn yinɑ, wi, wi u sɑ̃ɑ nɡe Siloen nim mɛ mu kokumɔ kpurɛ kpurɛ. Mɑ bɑ kɑ Resini kɑ Pekɑ nɔɔ tiɑ kuɑ.

Esɑi 8:6 ပူးပေါင်းရင်းမြစ်များ

Sinɑmbu I 7:16

Mɑ u yen bɑɑyere furɔ kuɑ kɑ sii ɡɑndu. Furɔ ɡen bɑɑɡeren ɡunum mu sɑ̃ɑwɑ ɡɔm soonu nɔɔbu.

Nɛɛmi 3:15

Sɑluni, Kolohose Hoseen bii, Misipɑn tem yɛ̃ro u kɔnnɔ ɡèn mi ɡiɑ bwiɑ wɑ̃ɑ sɔnwɑ u ɡen kɑdiribɑ kuɑ kɑ ɡen kɔkɔrɔbɑ kɑ ɡen sɛ̃retii. Yen biru u Siloen yɛrun ɡɑnɑ bɑnɑ u kɑ nɑ sere sinɑ bokon sɑɑdiɛ̃n ɡɑnɑn bɔkuɔ kɑ yɔɔtiɑ ye bɑ kuɑ bɑ rɑ kɑ de sinɑ boko Dɑfidin wuu ɡiɑ.

Womusu 46:4

Sɑ ǹ nɑnde sɑnɑm mɛ nim wɔ̃kun nim kurenu nu wɔki nu yɑkɑ mɔ̀ sɑnɑm mɛ nu ɡuunu yĩirimɔ.

Esɑi 1:20

Adɑmɑ ì n yinɑ, mɑ i mɑn seesi, bɑ koo bɛɛ ɡowɑ tɑbu sɔɔ kɑ tɑkobi. Nɛ, Yinni Gusunɔwɑ nɑ yeni ɡeruɑ.

Esɑi 28:2

Wee tɛ̃, Yinni Gusunɔ u ɡoo sɔɔru kuɑ wi u dɑm mɔ u kɑ ye wɔri. Win dɑm mu sɑ̃ɑwɑ nɡe ɡuru kpenu, ǹ kun mɛ nɡe woo bɔkɔ ɡe ɡɑ rɑ ɑsɔrɔ ko, ǹ kun mɛ nɡe ɡuru bɑkɑ. U koo wuu ɡe surɑwɑ temɔ.

Esɑi 30:12

Mɑ Esɑi u Yudɑbɑ sɔ̃ɔwɑ u nɛɛ, ɑmɛniwɑ Gusunɔ bɛɛn Yinni Dɛɛro u bɛɛ sɔ̃ɔmɔ. U nɛɛ, yèn sɔ̃ i ɡɑri yi yinɑmɔ mɑ i tii yɔ̃su dɑɑ bɔɔbɔyɑ sɔɔ, kɑ weesu sɔɔ, mɑ i tɑ̃sɑ ye sɔɔ,

Esɑi 5:24

Yen sɔ̃nɑ Yinni Gusunɔ u koo de bu dɔ̃ɔ mwɑɑrɑ nɡe mɛ dɔ̃ɔ u rɑ doo ɡɑ̃ɑnu kɑ yɑkɑ ɡbebusu mwɛ, kpɑ ben ɡbini yi kɔ̃si, kpɑ ben wɛ̃su su kɑ woo doonɑ nɡe tuɑ, yèn sɔ̃ bɑ ǹ Gusunɔ wɔllu kɑ tem Yinnin woodɑbɑ ɡɑrisi ɡɑ̃ɑnu. Mɑ bɑ win ɡɑri ɑtɑfiiru kuɑ, wi, wi u sɑ̃ɑ ben Yinni dɛɛro.

Esɑi 7:4

Kpɑ ɑ nùn sɔ̃ ɑ nɛɛ, u tii nɛnuɔ kɑ lɑɑkɑri. U ku bɛrum ko, u ku de win tororu tu kɑrɑ. Domi Sirin sinɑ boko kɑ Remɑliɑn biin mɔru ye, yɑ sɑ̃ɑwɑ nɡe dɑ̃ɑ nɔɔ si su wiisu mɔ̀.

Esɑi 7:6

bu dɑ bu Yudɑbɑ wɔri bu ben wuu tɑrusi, kpɑ bu nɑndɑ bu bu tii nɔmu sɔndiɑ. Yen biru kpɑ bu Tɑbɛɛlin bii ko sunɔ wuu ɡe sɔɔ.

Esɑi 8:5

Yinni Gusunɔ u kpɑm mɑn sɔ̃ɔwɑ u nɛɛ,

Yeremi 18:14

Nim mu rɑ kokubu kpe Libɑnin ɡuunu wɔllun di? Dɑɑ te tɑ kokumɔ, tɑ rɑ nim ɡem kpe?

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Yeremi 2:18

Ì n dɑ i tii Asiriɡibu ǹ kun mɛ Eɡibitiɡibu wɛ̃, i ben dɑɑrun nim nɔrumɔ, mbɑ i ko wɑ.

Luku 13:4

Nɡe tɔmbu wɔkurɑ nɔɔbu kɑ itɑ ye, be Siloen dii wɔrukirɑ wɔri tɑ ɡo, i tɑmɑɑ bɑ Yerusɑlɛmun tɔn be bɑ tie kpuro tɑɑrɛ kerewɑ?

Yohɑnu 9:7

Mɑ u nùn sɔ̃ɔwɑ u nɛɛ, u doo u wubu yɛru ɡe bɑ mɔ̀ Siloeɔ. Yĩsi ten tubusiɑnɑ, ɡɔrɑ. Mɑ durɔ wi, u win swɑɑ suɑ u dɑ u wubɑ, mɑ u wurɑmɑ kɑ nɔni sɑnnu.