Esɑi 7:2 - Bibeli Gusunɔn Gari

² N deemɑ ye bɑ nɑ bɑ sinɑ boko Akɑsi sɔ̃ɔwɑ bɑ nɛɛ, wee Siriɡibɑ nɑ bɑ ben sɑnsɑni ɡirɑ Isirelibɑn temɔ, yerɑ Akɑsi kɑ win tɔmbun toronu kɑrɑ bɑ diirimɔ nɡe dɑ̃ɑ ni woo ɡɑ sweemɔ.

Esɑi 7:2 ပူးပေါင်းရင်းမြစ်များ

Sɑmuɛli II 7:16

Win bweseru tɑ ǹ ɡbimɔ. Win bɑndu tɑ ko n mɑɑ wɑ̃ɑwɑ win bibun bweseru sɔɔ, kpɑ n ten dɑm sire sere kɑ bɑɑdommɑɔ.

Sinɑmbu I 11:32

Adɑmɑ u koo nùn kɛri tiɑ deriɑ win bɔ̃ɔ Dɑfidin sɔ̃, kɑ mɑɑ Yerusɑlɛmun sɔ̃. Domi Isirelibɑn wusu kpuro sɔɔ, yerɑ u ɡɔsɑ.

Sinɑmbu I 12:16

Ye Isirelibɑ kpuro bɑ wɑ mɑ sinɑ boko u ǹ ben ɡere swɑɑ dɑki, yerɑ bɑ nùn sɔ̃ɔwɑ bɑ nɛɛ, mbɑ n sun mɔɔsinɛ bɛsɛ kɑ Dɑfidi Isɑin bii. Sɑ ǹ mɑɑ bɔnu ɡɑɑ mɔ kɑ wi. Bɛsɛ Isirelibɑ i de su ɡɔsirɑ bɛsɛn yɛnusɔ. Wunɛ Roboɑmu ɑ wunɛn bweserun wunɑnɔ koowo. Mɑ Isireli be, bɑ ɡɔsirɑ ben yɛnusɔ.

Sinɑmbu I 13:2

Mɑ u yɑ̃ku yee te nɔɔɡiru sue u nɛɛ, yɑ̃ku yeru wunɛ! Yɑ̃ku yeru wunɛ! A nɔɔwɔ ye Yinni Gusunɔ u ɡeruɑ. U nɛɛ, wee bɑ koo bii tɔn durɔ ɡoo mɑ Dɑfidin bweseru sɔɔ, kpɑ bu nùn yĩsiru kɛ̃ Yosiɑsi. Wiyɑ u koo se u kɑ bũu yɑ̃ku kowo be yɑ̃kuru ko mi bɑ rɑ rɑɑ yɑ̃kuru ko. Kpɑ bu tɔmbun kukunu dɔ̃ɔ mɛni wunɛn wɔllɔ.

Bɑndun Gɑri II 25:10

Yerɑ Amɑsiɑ u tɑbu kowo be bɑ nɑ sɑɑ Efɑrɑimubɑn min di mi wunɑ, kpɑ bu kɑ ɡɔsirɑ bu we. Adɑmɑ tɑbu kowo be, bɑ kɑ Yudɑbɑ mɔru kuɑ, mɑ bɑ ɡɔsirɑ ben yɛnusɔ kɑ mɔru bɑkɑ.

Bɑndun Gɑri II 28:12

Efɑrɑimubɑn wiruɡibu ɡɑbu, Asɑriɑ, Yokɑnɑnin bii kɑ Berekiɑ, Mɛsilemɔtun bii kɑ Esekiɑsi, Sɑlumun bii kɑ Amɑsɑ, Adilɑin bii, berɑ bɑ tɑbu kowobu seesi be bɑ wee tɑbu ɡberun di.

Womusu 11:1

Womu ɡe Dɑfidi u wom kowobun wiruɡii kuɑ. Ge wee. Yinni Gusunɔ u sɑ̃ɑwɑ nɛn kɑ̀rì. Yen sɔ̃, i ku mɑɑ nɛɛ, n yɔ̃ɔwɔ nɡe ɡunɔ n dɑ n kuke ɡuunɔ.

Mɔnnu 28:1

Wi u kɔ̃sɑ mɔ̀ u rɑ dukɑ suwɑ bɑɑ ɡoo ù kun nùn ɡire. Adɑmɑ wi u kun ɡɑ̃ɑnu kue, u rɑ n tororu sɔ̃wɑ nɡe ɡbee sunɔ kpɛmbu.

Esɑi 11:13

Efɑrɑimubɑ bɑ ǹ mɑɑ kɑ Yudɑbɑ nisinu mɔ̀. Yudɑbɑ bɑ ǹ mɑɑ kɑ Efɑrɑimubɑ yibɛrɛ tɛɛru mɔ̀.

Esɑi 22:22

Yinni Gusunɔ u koo nùn Dɑfidin yɛnun kɔkɔrɔ wɛ̃. Ù n kɛniɑ, ɡoo kun kɛnumɔ. Ù n mɑɑ kɛnuɑ, ɡoo kun kɛniɑmɔ.

Esɑi 37:27

Wi, Yinni Gusunɔ, u derɑ wuu sin tɔmbɑ bɛrum soorɑ bɑ sekuru wɑ bɑ kuɑ dɑm sɑriruɡibu nɡe yɑkɑsu ɡberɔ, ǹ kun mɛ doo ɡɑ̃ɑru te ɡɛmi di.

Esɑi 37:35

Domi u koo wuu ɡe kɔ̃suwɑ u ɡu fɑɑbɑ ko win tiin sɔ̃ kɑ Dɑfidi win sɔm kowon sɔ̃.

Esɑi 6:13

Bɑɑ bɑ̀ n tem mɛn tɔmbu bɔnu kuɑ subɑ wɔkuru, mɑ ten teerɑ tie mi, u koo tu surɑwɑ nɡe dɑ̃ɑ bɑkɑru. Adɑmɑ nɡe mɛ dɑ̃ɑ kpiriru tɑ rɑ kpɑre, nɡe mɛyɑ bwese kpɑɑrɑ koo se tɑ n sɑ̃ɑ bwese ɡeeru te u ɡɔsɑ.

Esɑi 7:13

Yerɑ Esɑi u nɛɛ, bɛɛ sinɑ boko Dɑfidin bweseru, ye i derɑ tɔmbɑ kɑ bɛɛ wɑsirɑ, yɑ ǹ turɑ? Yerɑ i mɑɑ kĩ Gusunɔ nɛn Yinni u kɑ bɛɛ wɑsirɑ?

Esɑi 7:17

Adɑmɑ Yinni Gusunɔ u koo de tɔ̃ru ɡɑru tu nɑ tè sɔɔ kɑɑ nɔni swɑ̃ɑru wɑ wunɛ kɑ wunɛn bɑɑbɑbɑn yɛnuɡibu, kɑ sere wunɛn tɔmbu, te i ǹ wɑɑre sɑɑ dɔmɑ tèn di Isirelibɑ kɑ bɛɛ Yudɑbɑ i kɑrɑnɑ. U koo de Asiriɡibu bu nɑ bu bɛɛ wɔri.

Esɑi 7:5

Tɛ̃, wee bɑ nùn kɔ̃sɑ bwisikuɑmmɛ, bɑ mɔ̀,

Esɑi 8:12

Bɑ̀ n ɡeruɑ bɑ nɛɛ, bɑ bu nɔɔ tiɑ kuɑwɑ bɑ kɑ bu seesi, n ku ye wurɑ. N ku mɑɑ de ye yɑ bu bɛrum mɔ̀ yu mɑn bɛrum ko, kpɑ n ku nɑndɑ.

Esɑi 9:9

wee diɑn birikibɑ bɑ wɔrukumɔ, ɑdɑmɑ sɑ ko mɑɑ yi seeyɑ kɑ kpee ni bɑ dɑ̃kɑ. Wee sikɑmɔren dɑ̃ɑ ɡberebɑ bɑ bɔɔkirɑ. Sɑ ko bu kɔsi kɑ dɑ̃ɑ ɡeɑ ye bɑ mɔ̀ sɛdurun ɡberebɑ.

Yeremi 21:12

Be, Dɑfidin bweseru, bɑ n dɑ ɡem swĩi bɑɑdommɑ. Kpɑ bu be bɑ dɑm dɔre yɑkiɑ be bɑ bu dɑm dɔremɔn nɔmɑn di. Bɑ̀ kun kue mɛ, nɛn mɔru yɑ koo bu yɑbure ben kom kɔ̃sum sɔ̃. Bɑ ǹ mɑɑ kpɛ̃ bu ye ɡo.

Osee 12:1

Isirelibɑ bɑ rɑ n mɑn weesu kuɑmmɛwɑ, kpɑ bɑ n mɑn nɔni wɔ̃kumɔ. Adɑmɑ Yudɑbɑ bɑ kɑ nɛ, Yinni Gusunɔ Dɛɛro sĩimɔ dee dee.

Mɑteu 2:3

Ye sinɑ boko Herodu u ɡɑri yi nuɑ, win bwɛ̃rɑ kun kpunɛ, kɑ Yerusɑlɛmuɡibun tii kpuro.