Esɑi 7:18 - Bibeli Gusunɔn Gari

¹⁸ Yen tɔ̃ɔ te, Yinni Gusunɔ u koo kɔbɑ so. Kpɑ Eɡibitiɡibu kpuro kɑ sere be bɑ wɑ̃ɑ ben dɑru kɛrin ɡoo ɡookɑɔ bu nɑ nɡe sɔnsun wuuru, kpɑ Asiriɡibu bu mɑɑ kurɑmɑ nɡe tĩi wuuru.

Esɑi 7:18 ပူးပေါင်းရင်းမြစ်များ

Womusu 105:31

U derɑ ɡbɑbu swɛ̃ɛ kɑ ɡɑɑnikunu nu nɑ ben tem kpuro sɔɔ.

Womusu 118:12

Nu mɑn mɔnsimɑ nɡe tĩi. Adɑmɑ nɑ nu yɑrinɑsiɑ kɑ Yinni Gusunɔn dɑm mɑ nu ɡbisukɑ nɡe sɑ̃ki yi yi dɔ̃ɔ mwɑɑrɑ.

Yɑribu 8:21

Yerɑ Eɡibiti sunɔ u Mɔwisi kɑ Aroni sokusiɑ u nɛɛ, i doo i bɛɛn Yinni yɑ̃ku te kuɑ tem mɛ sɔɔ, i ku yɑri.

Yɑribu 8:24

Eɡibiti sunɔ u nɛɛ, kon de i dɑ i Gusunɔ bɛɛn Yinni yɑ̃kuru kuɑ ɡbɑburɔ, ɑdɑmɑ i ku tondɑ. Yen sɔ̃, i kɑnɑru koowo nɛn sɔ̃.

Esɑi 13:5

Be wee bɑ wee sɑnnu sɑɑ mi n tomɑn di bu kɑ tem mɛ kɑm koosiɑ, win mɔrun sɑɑbu.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Esɑi 5:26

U ɡidi bɔrɑ yɔ̃rɑsiɑ u kɑ bwese tukunu soku ni nu tomɑ. Mɑ u nu sokɑ kɑ wiɑ. Ni wee nu wee kɑ wɑsi kɑsɑnu.

Esɑi 7:17

Adɑmɑ Yinni Gusunɔ u koo de tɔ̃ru ɡɑru tu nɑ tè sɔɔ kɑɑ nɔni swɑ̃ɑru wɑ wunɛ kɑ wunɛn bɑɑbɑbɑn yɛnuɡibu, kɑ sere wunɛn tɔmbu, te i ǹ wɑɑre sɑɑ dɔmɑ tèn di Isirelibɑ kɑ bɛɛ Yudɑbɑ i kɑrɑnɑ. U koo de Asiriɡibu bu nɑ bu bɛɛ wɔri.

Sɑkɑri 10:8

Kon wiɑ ko bu kɑ mɛnnɑmɑ. Domi nɛnɑ nɑ bu yɑkiɑmɔ. Bɑ koo dɑbiɑ nɡe yellu.

Sɔ̃ɔsiru 1:44

Sɑɑ yerɑ Amɔre be bɑ wɑ̃ɑ berɑ mi, bɑ yɑrimɑ bɑ bɛɛ kɑmiɑ Seiriɔ, mɑ bɑ bɛɛ nɑɑ swĩi nɡe tĩi sere bɑ kɑ ɡirɑri Horimɑɔ.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.

Sɔ̃ɔsiru 7:20

U koo nu susu bɑkɑnu sure sere be bɑ kisirɑ bɑ kuku yenu kɑsu bu kɑ kpeerɑ mɑm mɑm.

Yosue 24:12

Nɑ susu bɑkɑnu ɡɔrɑ bɛɛn wuswɑɑɔ, nu bu ɡirɑ nɡe mɛ nu Amɔrebɑn sinɑmbu yiru ye kuɑ. N ǹ mɔ bɛɛn tɑkobibɑ, ǹ kun mɛ bɛɛn tɛnnu i kɑ bu kɑmiɑ.