Esɑi 66:5 - Bibeli Gusunɔn Gari

⁵ Bɛɛ be i Yinni Gusunɔn ɡɑri nɑsie, i swɑɑ dɑkio i nɔ ye u ɡerumɔ. U nɛɛ, wee, bɛɛn mɛro bisibu be bɑ bɛɛ tusɑ bɑ ɡirɑ ben min di nɛn yĩsirun sɔ̃, bɑ bɛɛ yɑɑkoru mɔ̀ bɑ mɔ̀, Yinni Gusunɔ u win yiiko sɔ̃ɔsio, kpɑ bu bɛɛn nuku dobu wɑ. Adɑmɑ ben tiiwɑ bɑ koo sekuru wɑ.

Esɑi 66:5 ပူးပေါင်းရင်းမြစ်များ

Sinɑmbu I 21:29

ɑ wɑ nɡe mɛ Akɑbu u tii kɑwɑ nɛn wuswɑɑɔ? Yen sɔ̃, nɑ ǹ mɑɑ derimɔ kɔ̃sɑ ye, yu koorɑ win wɑɑti sɔɔ. Win biin wɑɑti sɔɔrɑ kon de yu koorɑ.

Sinɑmbu II 22:10

Mɑ u mɑɑ nɛɛ, tireru ɡɑru wee te yɑ̃ku kowo tɔnwero Hilikiyɑ u mɑn wɛ̃. Mɑ u tu sinɑ boko ɡɑriɑ.

Ɛsidɑrɑsi 9:4

Mɑ be bɑ nɑndɑ Gusunɔ Isirelibɑn Yinnin ɡɑrin sɔ̃ bɑ nɑ bɑ sinɑ nɛn bɔkuɔ Isireli be bɑ rɑɑ yoru mwɛɛrɑn torɑnun sɔ̃. Mɑ nɑ sinɑ kɑ nuku sɑnkirɑnu sere n kɑ kuɑ yokɑn yɑ̃kurun sɑɑ.

Womusu 119:120

Wunɛn nɑnum mu derɑ nɛn wɑsi diirimɔ. Nɑ wunɛn siribu nɑsie.

Womusu 38:20

Wee nɛn yibɛrɛbɑ bɑ bwɑ̃ɑ do, bɑ mɑɑ dɑm mɔ. Be bɑ mɑn tusɑ kɑm sɔɔ, bɑ dɑbi.

Mɔnnu 13:13

Wi u bwisi kɛ̃ru yinɑ u koo yen ɑre wɑ. Wi u mɑɑ tu wurɑ u koo yen ɑre wɑ.

Womu Duro 1:6

I ku mɑn ɡɛm yèn sɔ̃ nɑ tĩri. Sɔ̃ɔwɑ u mɑn kuɑ mɛ. Nɛn sesubu bɑ kɑ mɑn mɔru kuɑ. Bɑ mɑn kuɑ ben reseɛm dɑ̃ɑ ɡbɑɑrun kɔ̃so. Adɑmɑ nɑ ǹ nɛn tiiɡiru kɔ̃su.

Esɑi 26:11

Yinni Gusunɔ, ɑ dɑm mɔ, ɑdɑmɑ wunɛn yibɛrɛbɑ bɑ ǹ mu wɑɑmɔ. A de bu wunɛn hɑniɑ wɑ ye ɑ kɑ wunɛn tɔmbu wɔrɑmɔ, kpɑ bu sekuru wɑ bu dɔ̃ɔ mwɑɑrɑ.

Esɑi 5:19

bɑ n ɡerumɔ bɑ n mɔ̀, Yinni Gusunɔ u wɑsi suo u win sɔmburu ko fuuku, kpɑ su tu wɑ. Isirelibɑn Yinni Dɛɛro u win himbɑ sɔ̃ɔsio ye u yi, kpɑ su ye ɡiɑ.

Esɑi 60:15

Wunɛ wi tɔmbu bɑ rɑɑ tusɑ bɑ deri, bɑ ku rɑ mɑɑ nɛ wunɛn mi, kon nun ko wuu burɔ sere kɑ bɑɑdommɑɔ, kpɑ ɑ n wunɛn tɔmbu nuku dobu wɛ̃ɛmɔ sere kɑ ben bibun bibɔ.

Esɑi 65:13

Yen sɔ̃nɑ nɑ nɛɛ, nɛn sɔm kowobu bɑ koo wɑ bu di kpɑ bu nɔ. Adɑmɑ bɛɛ, ɡɔ̃ɔru kɑ nim nɔru sɔɔrɑ i ko i n wɑ̃ɑ. Nɛn sɔm kowobu bɑ koo nuku dobu ko. Adɑmɑ bɛɛ, i ko n wɑ̃ɑwɑ sekuru sɔɔ.

Esɑi 66:2

Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

Yeremi 36:16

Ye bɑ ɡɑri yi nuɑ, yerɑ bɑ mɛɛrinɑ kɑ nɑndɑbu mɑ bɑ Bɑruku bikiɑ bɑ nɛɛ,

Osee 11:10

Bɛɛ nɛn bibu, i ko nɛ, Yinni Gusunɔ swĩi nɑ̀ n kukurɑ nɡe ɡbee sunɔ kpɑ i duki nɑ sɑɑ sɔ̃ɔ duu yerun di.

Mɑteu 10:22

Bɑɑwure u koo bɛɛ tusi nɛn yĩsirun sɔ̃. Adɑmɑ wi u tɛmɑnɑ sere kɑ nɔrɔ u koo fɑɑbɑ wɑ.

Luku 13:17

Sɑnɑm mɛ u yeni ɡerumɔ, sekurɑ win wɛrɔbu kpuro mwɑ, mɑ tɔn wɔru ɡɑ nuku dobu mɔ̀ sɔm mɑɑmɑɑkiɡinu kpuron sɔ̃ ni u mɔ̀.

Yohɑnu 16:2

Bɑ koo bɛɛ ɡirɑ sɑɑ mɛnnɔ yerun di. Sɑɑ yɑ mɑm sisi ye bɑɑwure wi u bɛɛ ɡoomɔ u ko n tɑmɑɑ u Gusunɔ sɔmburu kuɑmmɛwɑ.

Yohɑnu 9:34

Mɑ bɑ nùn sɔ̃ɔwɑ bɑ nɛɛ, torɑru sɔɔrɑ bɑ nun mɑrɑ mɑm mɑm. Yerɑ ɑ tɑmɑɑ kɑɑ sun keu koosiɑ? Mɑ bɑ nùn ɡirɑ mɛnnɔ yerun di.

Tɛsɑlonikɑ II 1:12

Nɡe mɛyɑ bɛsɛn Yinni Yesun yĩsirɑ koo kɑ bɛɛrɛ wɑ bɛɛn min di, kpɑ bɛɛ i mɑɑ bɛɛrɛ wɑ win min di Gusunɔ kɑ Yinni Yesu Kirisin durom sɑɑbu.

Titu 2:13

kpɑ sɑ n tɔ̃ɔ doo nɔɔruɡii te swɑɑ dɑki kɑ yĩiyɔbu, tè sɔɔ Gusunɔ bɛsɛn Yinni boko kɑ bɛsɛn Fɑɑbɑ kowo Yesu Kirisin yiiko yɑ koo sɔ̃ɔsirɑ.

Heberu 9:28

nɡe mɛyɑ Kirisi u tii wɛ̃ nɔn teeru nɡe ɑbɔru u kɑ tɔn dɑbinun torɑnu sɔbe. U koo mɑɑ kurɑmɑ nɔn mɛɛruse, n ǹ mɔ u kɑ torɑnu sɔbe, ɑdɑmɑ u kɑ bu fɑɑbɑ kowɑ be bɑ nùn mɑrɑ.

Yohɑnu I 3:13

Nɛɡibu, i ku biti soorɑ hɑnduniɑɡibu bɑ̀ n bɛɛ tusɑ.