Esɑi 66:22 - Bibeli Gusunɔn Gari

²² Nɡe mɛ wɔn kpɑɑru kɑ tem kpɑm mɛ kon ko mu ko n wɑ̃ɑ nɛn wuswɑɑɔ kɑ bɑɑdommɑɔ, nɡe mɛyɑ bɛɛn bweseru kɑ bɛɛn yĩsirɑ ko n mɑɑ wɑ̃ɑ sere kɑ bɑɑdommɑɔ.

Esɑi 66:22 ပူးပေါင်းရင်းမြစ်များ

Esɑi 65:17

Domi Yinni Gusunɔ u nɛɛ, wee kon tem kpɑm kɑ wɔn kpɑɑru ko. Bɑ ǹ mɑɑ yɑɑyɑmɔ ye yɑ rɑɑ koorɑ yellu. Tɔmbɑ kun mɑɑ ye bwisikumɔ.

Kɑ̃siru 21:1

Yen biruwɑ nɑ wɔn kpɑɑru kɑ tem kpɑm wɑ. Wɔn ɡururu kɑ tem ɡurum bɑɑ doonɑ, nim wɔ̃ku ɡɑ ǹ mɑɑ wɑ̃ɑ.

Piɛɛ II 3:13

Adɑmɑ Gusunɔ u wɔn kpɑɑru kɑ tem kpɑm nɔɔ mwɛɛru kuɑ mi ɡem ko n wɑ̃ɑ. Yerɑ sɑ mɑrɑ.

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.

Esɑi 48:19

Bɛɛn bweseru tɑ koo dɑbiɑwɑ nɡe yɑni sɛɛri. Bɛɛn yĩsiru tɑ ǹ mɑɑ ɡbimɔ win wuswɑɑɔ.

Esɑi 51:16

Nɑ kon wɔn kpɑɑru tɛriɑ kpɑ n tem kpɑm swĩi, kpɑ n bɛɛ Siɔniɡibu sɔ̃ n nɛɛ, i sɑ̃ɑwɑ nɛn tɔmbu. Nɑ nɛn ɡɑri doke bɛɛn nɔɔwɔ, mɑ nɑ bɛɛ nɛn nɔmɑn sɑɑru wukiri.

Esɑi 53:10

Adɑmɑ Gusunɔn kĩrɑ wɑhɑlɑ ye, yɑ kɑ nùn wɔri. Mɑ u duɑ nuku sɑnkirɑru sɔɔ. U tii kuɑ yɑ̃kuru tɔmbun durum sɔ̃. Yen sɔ̃, u koo bii dɑbinu wɑ, kpɑ win wɑ̃ɑrun tɔ̃ru tu dɛnyɑ. Kpɑ Yinni Gusunɔn himbɑ yu koorɑ sɑɑ win min di.

Esɑi 56:5

kon bu ɑyeru wɛ̃ nɛn yɛnuɔ, kpɑ bu yĩsiru yɑri n kere bɑ̀ n dɑɑ bibu mɑrɑ. Kon bu yĩsiru kɛ̃ te tɑ ko n wɑ̃ɑ sere kɑ bɑɑdommɑɔ, tɑ ǹ ɡbimɔ.

Esɑi 61:8

Wi, Yinni Gusunɔ, ɡemɑ u rɑ kɑ̃. U dɑm dɔrebu kɑ kom kɔ̃sum tusɑ. U koo win tɔmbu ben ɑre wɛ̃ dee dee, kpɑ u kɑ bu ɑrukɑwɑni bɔke ye yɑ ko n wɑ̃ɑ sere kɑ bɑɑdommɑɔ.

Esɑi 61:9

Bwesenu kpuro nu koo be kɑ ben bibun bweserun ɡɑri nɔ, kpɑ be bɑ bu wɑ kpuro bu ɡiɑ mɑ wiyɑ u bu domɑru kuɑ.

Esɑi 65:23

Bɑ ǹ koo sɔmburu ko kɑm. Ben bibɑ kun mɑɑ ɡbimɔ, domi be kɑ ben bibu, bɑ sɑ̃ɑwɑ bwese te nɛ, Yinni Gusunɔ nɑ domɑru kuɑ.

Sofoni 3:20

Yen tɔ̃ɔ te, u koo de i wurɑmɑ. Sɑɑ ye sɔɔ, u koo bɛɛ mɛnnɑ. Tɔmbu bɑ koo bɛɛ bɛɛrɛ wɛ̃ kpɑ i yĩsiru yɑri hɑnduniɑn bwesenu kpuron suunu sɔɔ sɑnɑm mɛ u koo kɑ bɛɛn yobu wurɑmɑ i bu wɑ. Wi, Yinni Gusunɔwɑ u yeni ɡeruɑ.

Esɑi 59:21

U mɑɑ nɛɛ, win ɑrukɑwɑni wee, ye u kɑ bu bɔkumɔ. Win Hunde u ko n wɑ̃ɑwɑ be sɔɔ, kpɑ u win ɡɑri doke ben nɔsɔ. Yin ɡɛɛ kun doonɔ ben nɔsun di, sere n kɑ dɑ ben bibun bibun nɔsɔ, sɑɑ tɛ̃n di sere kɑ bɑɑdommɑɔ. Wi, Yinni Gusunɔwɑ u yeni ɡeruɑ.

Yeremi 33:20

nɛnɑ nɑ kɑ sɔ̃ɔ sɔɔ kɑ wɔ̃kuru ɑrukɑwɑni bɔkuɑ. Ì n ko i kpĩ i yen ɡɑɑ yɔ̃rɑsiɑ yu ku mɑɑ sɔmburu ko yen sɑɑ sɔɔ, kpɑ yu nɛn ɑrukɑwɑni ye kusiɑ,

Yeremi 33:21

sɑɑ yerɑ nɛn tii, kon mɑɑ nɛn ɑrukɑwɑni kusiɑ ye nɑ kɑ Dɑfidi nɛn sɔm kowo bɔkuɑ, kpɑ u kɔsire biɑ win bweseru sɔɔ wi u koo bɑndu di. Kon mɑɑ nɛn ɑrukɑwɑni kusiɑ ye nɑ kɑ yɑ̃ku kowobu Lefin bweseru bɔkuɑ be bɑ rɑ sɔmburu ko nɛn sɑ̃ɑ yerɔ.