Esɑi 66:12 - Bibeli Gusunɔn Gari

¹² Amɛniwɑ nɛ, Yinni Gusunɔ nɑ ɡeruɑ. Nɑ nɛɛ, kon de bɔri yɛndu tu kokumɑ Yerusɑlɛmuɔ nɡe dɑɑrun nim, kpɑ bwese tukunu nu kɑ dukiɑ nɑ mi, yɑ n kpɑ̃, nɡe dɑɑ tèn nim mu yibɑ mu bɔ̃ɔ sɑrɑmɔ. Kon bɛɛ nɔɔri nɡe mɛ bii mɛro u rɑ win bii bɔm kɛ̃ kpɑ u nùn suɑ u tɑɑru swĩi u sɔ̃su.

Esɑi 66:12 ပူးပေါင်းရင်းမြစ်များ

Esɑi 14:2

Bwese dɑbinu nu koo kɑ Isirelibɑ wurɑmɑ ben temɔ, kpɑ bu bwese ni ko yobu tem mɛ Yinni Gusunɔ u bu wɛ̃ sɔɔ. Be bɑ rɑɑ Isirelibɑ yoru mwɛɛrɑ bɑ koo mɑɑ ben tii yoru mwɛɛri. Mɛyɑ be bɑ rɑɑ bu dɑm dɔre, bɑ koo mɑɑ ben tii dɑm dɔre.

Esɑi 26:3

Yinni Gusunɔ u rɑ sikɑ sɑriruɡii bɔri yɛndu wɛ̃, yèn sɔ̃ yɛ̃ro u nùn nɑɑnɛ sɑ̃ɑ.

Esɑi 33:21

Miyɑ Yinni Gusunɔ u koo sun win ɡirimɑ sɔ̃ɔsi. U koo de sɑ n wɑ̃ɑ dɑɑ bɑkɑnun bɔkuɔ. Adɑmɑ yibɛrɛbɑn ɡoo nimkusu ku ǹ kpɛ̃ su sĩ mi, bɑɑ si su kpɑ̃ɑru bo.

Esɑi 45:14

Yinni Gusunɔ u Isirelibɑ sɔ̃ɔwɑ u nɛɛ, Eɡibitiɡibu kɑ Etiopiɡibun dukiɑ yɑ koo ko bɛɛɡiɑ, kpɑ Sebɑɡii be bɑ ɡunu bu nɑ bɛɛn mi, bu ko bɛɛn yobu. Bwese ni kpuro nu ko n bɛɛ swĩiwɑ bɑ n nu yɔni bɔkuɑ. Nu koo yiirɑ bɛɛn wuswɑɑɔ kpɑ nu wurɑ nu nɛɛ, bɛɛ tɔnɑn miyɑ nɛ, Gusunɔ nɑ wɑ̃ɑ. Goo mɑɑ sɑri nɡe nɛ.

Esɑi 48:18

Ì n dɑɑ win woodɑbɑ mɛm nɔɔwɑ, ɑlɑfiɑ yɑ ko n bɛɛ wɑ̃ɑsiwɑ, nɡe dɑɑ bɑkɑrun nim mɛ mu rɑ n tɛrie.

Esɑi 54:13

Nɛnɑ kon wunɛn bibu kpuro keu sɔ̃ɔsi, kpɑ ben dukiɑ yɑ n kpɑ̃.

Esɑi 54:3

Domi kɑɑ kɔwɑrɑ bɑɑmɑ. Wunɛn bibun bweseru tɑ koo bwese ni nu tien tem mwɛɛri, kpɑ tu dɑ tu sinɑ wuu sìn mi ɡoo kun mɑɑ wɑ̃ɑ.

Esɑi 59:19

kpɑ bu win yĩsiru nɑsiɑ kpɑ win yiiko yu sɔ̃ɔsirɑ sɑɑ sɔ̃ɔ yɑri yerun di n kɑ dɑ sɔ̃ɔ duu yerɔ. Sɑnɑm mɛ yibɛrɛbɑ bɑ koo nɑ nɡe dɑɑ bɑkɑrun nim, Yinni Gusunɔn Hunde u koo bu ɡirɑ bu doonɑ.

Esɑi 60:16

Bwese tukunu kɑ nin sinɑmbu bɑ koo nun nɔɔri nɡe mɛ bii mɛro u rɑ win bii bɔm kɛ̃, kpɑ ɑ ɡiɑ mɑ nɛnɑ nɑ sɑ̃ɑ Gusunɔ Yɑkɔbun Yinni dɑmɡii wi u nun yɑkiɑ mɑ u nun fɑɑbɑ mɔ̀.

Esɑi 61:6

Adɑmɑ bɑ koo bɛɛn tii sokuwɑ Yinni Gusunɔn yɑ̃ku kowobu kɑ win sɔm kowobu. I ko bwese tukunun ɑrumɑni ɡurɑ, kpɑ i n kɑ woo kɑnɑmɔ.

Esɑi 66:11

Kpɑ bɛɛn nukuru tu yɛmiɑ yen yiikon sɔ̃, nɡe bii wi u bɔm nɔrumɔ u debumɔ win mɛron mi.

Esɑi 9:6

U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

Esɑi 9:7

Yinni Gusunɔ u Isireli be bɑ sɑ̃ɑ Yɑkɔbun bweseru siri. Mɑ siri bi, bu bu di.

Yeremi 33:6

Wee, sɑɑ ɡɑɑ sisi yè sɔɔ kon ɡu nɔɔri nɡe bɑrɔ. Kon ɡu bɛkiɑ n bwɑ̃ɑ dorɑsiɑ, kpɑ n de ɡen tɔmbu bɑ n wɑ̃ɑ bɔri yɛndu sɔɔ.

Asee 2:9

Tɛ̃, dii ten ɡirimɑ yɑ koo yelluɡiɑ kerɑ. Miyɑ kon tɔmbu bɔri yɛndu wɛ̃. Nɛ, Gusunɔ wɔllu kɑ tem Yinniwɑ nɑ yeni ɡeruɑ.