Esɑi 61:3 - Bibeli Gusunɔn Gari

³ Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Esɑi 61:3 ပူးပေါင်းရင်းမြစ်များ

Ɛsitɛɛ 8:15

Sɑɑ ye sɔɔrɑ Mɑɑdose u yɑrɑ sinɑ kpɑɑrun di u dɑ wuu sɔɔ u sinɑ yɑ̃nu sebuɑ ni nu nɔni ɡɑɑdurɑɡii kɑ nɔni kpiki mɔ kɑ yɑbe bɑkɑru nɔni swɛ̃ɛɡiru kɑ mɑɑ sinɑ furɔ wurɑɡuu. Mɑ wɔkinu yibɑ Susi ye sɔɔ tɑki kɑ nuku dobun kuukin sɔ̃.

Ɛsitɛɛ 9:22

Kpɑ bu kɛ̃nu mɔrisiɑnɑ. Kpɑ bu sɑ̃ɑrobu kɛ̃nu kɛ̃. Domi tɔ̃ɔ te sɔɔrɑ Yuubɑ bɑ ben yibɛrɛbɑ kɑmiɑ bɑ dɛrɑ. Suru wi sɔɔrɑ ben nuku sɑnkirɑnu nu ɡɔsiɑ nuku dobu. Mɑ ben nɔni swɑ̃ɑru tɑ kuɑ bɔri yɛndu.

Womusu 104:15

Kpɑ bu tɑm wɑ bɑ n kɑ nuku dobu mɔ̀. Kpɑ bu ɡum wɑ ben wɑsi yi n kɑ wɑ̃. Kpɑ bu dĩɑnu wɑ ben wɑsi yi n kɑ dɑm mɔ.

Womusu 149:4

Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

Womusu 23:5

Yinni, bɑɑ yibɛrɛbɑ bɑ̀ n mɑn sikerenɛ, ɑ rɑ mɑn dɑm koosie kɑ bɛɛrɛ, ɑ turɑre ɡumɡiɑ wisi nɛn wirɔ, ɑ dĩɑ bwese bwesekɑ yi nɛn wuswɑɑɔ, ɑ nɛn nɔrɑ yibiɑ pɛrɛrɛ.

Womusu 30:11

Yinni Gusunɔ, ɑ mɑn swɑɑ dɑkio, kpɑ ɑ mɑn durom kuɑ. Yinni, ɑ mɑn somiɔ.

Womusu 30:12

Wee tɛ̃, nɛn nuku sɑnkirɑru tɑ kuɑ nuku dobu. A nɛn sɑɑki ye nɑ wukiri nuku sɑnkirɑrun sɔ̃ wunɑ. Mɑ ɑ mɑn tɔ̃ɔ bɑkɑ yɑ̃nu sebusiɑ n kɑ nuku dobu ko.

Womusu 45:7

Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.

Wɑɑsu kowo 9:8

A de ɑ n dɑ n tɔ̃ɔ bɑkɑ yɑ̃nu sebuɑ bɑɑdommɑ kpɑ ɑ ku duɑri ɑ tii turɑre yɛ̃kɑ.

Esɑi 12:1

Sɔ̃ɔ teeru, be bɑ yɑkiɑrɑ bɑ koo nɛɛ, Yinni Gusunɔ, sɑ nun siɑrɑ, domi ɑ rɑɑ kɑ sun mɔru kuɑ, mɑ wunɛn mɔru yɑ sure. A sun nukuru yɛmiɑsiɑ.

Esɑi 26:2

I ɡɑmbobɑ kɛniɔ kpɑ bwese te tɑ ɡem swĩi tɑ nùn mɛm nɔɔwɑmmɛ tu du min di.

Esɑi 44:23

Wɔllu, ɑ yɛ̃ɛrio ye Yinni Gusunɔ u kuɑn sɔ̃. Gɔribun wɑ̃ɑ yeru, ɑ ɡɔ̃ru doro. Bɛɛ ɡuunu i kuuki koowo kɑ nuku dobu. Bɛɛ mɑɑ dɑ̃ɑ sɔ̃su, i nuku dobu koowo. Domi Yinni Gusunɔ u win yiiko sɔ̃ɔsi Isireliɔ. U be, Yɑkɔbun bweseru yɑkiɑ.

Esɑi 46:13

Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.

Esɑi 52:1

Yerusɑlɛmu, wunɛ wi Yinni Gusunɔ u tii ɡɔsiɑ, ɑ dom yɑndo kpɑ wunɛn dɑm mu wurɑmɑ, kpɑ ɑ wunɛn burɑ yɑ̃nu doke. Domi be bɑ ǹ Yinni Gusunɔ sɑ̃ɑmɔ, ben ɡoo kun mɑɑ duɔ wunɛ sɔɔ.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Esekiɛli 34:29

Kon bu ɡbeɑ wɛ̃ ye yɑ koo yĩsiru yɑri. Bɑ ǹ mɑɑ ɡɔ̃ɔrun wɑhɑlɑ mɔ̀ ben tem sɔɔ. Tɔn tukobu bɑ ǹ mɑɑ bu sekuru dokemɔ.

Esekiɛli 47:7

Ye u kɑ nùn turɑ mi, yerɑ u wɑ dɑ̃nu nu dɑbi dɑɑ ten ɡoo ɡookɑɔ.

Sɑkɑri 3:5

U mɑɑ woodɑ wɛ̃ u nɛɛ, bu nùn dɑwɑni ye yɑ dɛɛre bɔkusio. Mɑ bɑ nùn ye bɔkusiɑ. Mɑ bɑ nùn yɑ̃nu sebusiɑ. Sɑɑ ye sɔɔ, ɡɔrɑdo wi, u yɔ̃ mi.

Mɑteu 15:13

U bu wisɑ u nɛɛ, dɑ̃ru bɑɑtere te nɛn Bɑɑbɑ wɔrukoo kun duure bɑ koo tu wukɑwɑ.

Mɑteu 5:16

Nɡe mɛyɑ i de bɛɛn yɑm bururɑm mu bururɑ tɔmbun wuswɑɑɔ kpɑ bɑ n kɑ bɛɛn sɔm ɡeenu wɑɑmɔ, kpɑ bu wɑ bu bɛɛn Bɑɑbɑ wɔrukoo bɛɛrɛ wɛ̃.

Luku 15:22

Adɑmɑ tundo wi, u win yobu sɔ̃ɔwɑ u nɛɛ, i kumbooro tɑmɑ fuuku ɡe ɡɑ burɑm bo, kpɑ i nùn sebusiɑ. I nùn tɑɑbu wɛ̃ɛyɔ u doke, kɑ mɑɑ bɑrɑnu.

Yohɑnu 15:8

Ì n bii dɑbinu mɑrɑ yɑ koo nɛn Bɑɑbɑ bɛɛrɛ wɛ̃. Nɡe mɛyɑ i ko mɑɑ sɔ̃ɔsi mɑ nɛn bwɑ̃ɑbɑ i sɑ̃ɑ.

Yohɑnu 16:20

Kɑ ɡeemɑ nɑ bɛɛ sɔ̃ɔmɔ, i ko swĩ, i ko kpɑsɑ wɔri ko, ɑdɑmɑ hɑnduniɑɡibu bɑ koo yɛ̃ɛri. Bɛɛn nukurɑ koo sɑnkirɑ, ɑdɑmɑ bɛɛn nuku sɑnkirɑnu koo ɡɔsirɑ nuku dobu.

Korinti I 3:9

Domi bɛsɛ Gusunɔwɑ sɑ sɔmburu kuɑmmɛ sɑnnu. Bɛɛ mɑɑ i sɑ̃ɑwɑ win ɡberu. I mɑɑ sɑ̃ɑ win ɡɑni beki.

Korinti I 6:20

Domi bɑ bɛɛ dwɑwɑ ɡeeru nɔru sɑri. Yen sɔ̃, i Gusunɔ bɛɛrɛ wɛ̃ɛyɔ kɑ bɛɛn wɑsi.

Filipi 1:11

Kookoo ɡee si su wee sɑɑ Yesu Kirisin min di, siyɑ su ko n mɑɑ yibɑ bɛɛn wɑ̃ɑru sɔɔ, kpɑ su Gusunɔ bɛɛrɛ wɛ̃ kpɑ su de bu nùn siɑrɑ.

Tɛsɑlonikɑ II 1:10

sɑnɑm mɛ u koo nɑ kpɑ win bɛɛrɛ yu sɔ̃ɔsirɑ wiɡibu sɔɔ, kpɑ nɑɑnɛ dokeobu kpuro bɑ n nùn kɑ̃sɑ tɔ̃ɔ te sɔɔ. Bɛɛn tii i ko n mɑɑ wɑ̃ɑ mi, domi i bɛsɛn seedɑ nɑɑnɛ doke ye sɑ di.

Heberu 1:9

A ɡeɑ kĩ mɑ ɑ kɔ̃sɑ tusɑ. Yen sɔ̃nɑ Gusunɔ wi u sɑ̃ɑ wunɛn Yinni u nun ɡɔsɑ. U mɑɑ nun nuku dobu wɛ̃ ye u kɑ nun ɑye bɛɛrɛɡiru wɛ̃ te tɑ wunɛn kpɑɑsibuɡinu kpɑ̃ɑru kere.”

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.

Piɛɛ I 4:14

Doo nɔɔrobɑ bɛɛ, bɑ̀ n bɛɛ wɔmmɔ Kirisin yĩsirun sɔ̃, domi Gusunɔn Hunde yiikoɡii u wɑ̃ɑ kɑ bɛɛ.