Esɑi 61:2 - Bibeli Gusunɔn Gari

² N kpɑrɑ sɑɑ ye Yinni Gusunɔ u koo tɔmbu durom kuɑ, n ɡere sɑɑ ye u koo win yibɛrɛbɑ mɔru kɔsie, kpɑ n mɑɑ be bɑ ɡɔɔ sɔ̃ kpuro nukuru yɛmiɑsiɑ.

Esɑi 61:2 ပူးပေါင်းရင်းမြစ်များ

Esɑi 1:24

Yen sɔ̃, i swɑɑ dɑkio i nɔ ye nɛ Gusunɔ, wɔllu kɑ tem Yinni nɑ ɡerumɔ, nɛ wi nɑ sɑ̃ɑ bɛɛ Isirelibɑn dɑm. Nɑ nɛɛ, kon bɛɛ nɛn yibɛrɛbɑ mɔru kɔsie kpɑ nɛn mɔru yu wɑ yu sure.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 2:12

Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

Esɑi 25:8

U koo de ɡɔɔ u kpe sere kɑ bɑɑdommɑɔ, kpɑ u ben nɔni yĩresu wokɑ kpɑ u ben sekuru wunɑ tem mɛ kpuro sɔɔ. Wi, Yinni Gusunɔwɑ, u yeni ɡeruɑ.

Esɑi 34:2

Domi wee, Yinni Gusunɔn mɔru yɑ koo tɔmbu kpuro wɔri kɑ ben tɑbu kowobu sɔɔ kpuro. U koo de bu ɡoonɑ kpɑ bu kɑm ko.

Esɑi 34:8

Domi sɑɑ yɑ tunumɑ Yinni Gusunɔ u kɑ win yibɛrɛbɑ mɔru kɔsiɑ. Kpɑ u bu sɛɛyɑsiɑ Siɔnin sɔ̃.

Esɑi 35:4

Bɛɛ bèn ɡɔ̃ru ɡɑ ǹ kpĩ, i ku nɑndɑ. I tii dɑm kɛ̃ɔ. Domi Gusunɔ bɛɛn Yinni u sisi u bɛɛ mɔru bɑrɑ, kpɑ u bɛɛn yibɛrɛbɑ kɔsie ye bɑ bɛɛ kuɑ. Win tiiwɑ u koo nɑ u bɛɛ fɑɑbɑ ko.

Esɑi 40:1

Yinni Gusunɔ u nɛɛ, i nɛn tɔmbu nukuru yɛmiɑsio.

Esɑi 49:8

Sɑɑ yɑ̀ n turɑ n kɑ nun fɑɑbɑ ko, kon nun durom kuɑ kpɑ n nun somi. Kon nun kɔ̃su kpɑ n kɑ tɔmbu kpuro ɑrukɑwɑni bɔke sɑɑ wunɛn min di. Kon de ɑ wunɛn tem sɔmɛ kpɑ ɑ kpɑm wunɛn tɔmbu ben tem wesiɑ mɛ mu bɑnsu sɑ̃ɑ tɛ̃.

Esɑi 51:12

Gusunɔ u nɛɛ, nɛnɑ mi, nɛ wi nɑ bɛɛ nukuru yɛmiɑsiɑmɔ. Tɔnu u sɑ̃ɑwɑ nɡe yɑkɑsu. Mbɑn sɔ̃nɑ i ko i win bɛrum ko, wi, wi u rɑ ɡbi.

Esɑi 57:18

Nɑ ben dɑɑ yɛ̃. Kɑ mɛ, kon bu bɛkiɑ, n bu kpɑrɑ kpɑ n bu nukuru yɛmiɑsiɑ. Be bɑ ɡɔɔ wooru sɔ̃ bɑ sumɔ,

Esɑi 58:5

Nɔɔ bɔku te nɑ kĩ, teyɑ mi? I winu sikɑmɔ nɡe yɑkɑsu, mɑ i sɑɑkibɑ sebuɑ i tii torom wisimɔ. Adɑmɑ i tii kɑwewɑ mi kɑ ɡem? Nɔɔ bɔku ten bweserɑ kun mɑn wɛ̃remɔ.

Esɑi 60:10

Tɔn tukobɑ koo wunɛn ɡɑni seeyɑ, kpɑ ben sinɑmbu bu ko wunɛn yobu bu nun sɑ̃. Yellu, nɑ rɑɑ nun sɛɛyɑsiɑ kɑ mɔru, ɑdɑmɑ tɛ̃, nɛn durom sɔ̃, nɑ wunɛn wɔnwɔndu wɑ.

Esɑi 66:14

Sɑnɑm mɛ i ko i ye kpuro wɑ, bɛɛn ɡɔ̃ru ɡɑ koo dorɑ, kpɑ bɛɛn dɑm mu wurɑmɑ nɡe tom buruku yɑkɑsu. Nɛ, Yinni Gusunɔ, kon nɛn dɑm sɔ̃ɔsi nɛn sɔm kowobun sɔ̃, kpɑ nɛn yibɛrɛbɑ bu nɛn mɔru wɑ.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Yeremi 46:10

Adɑmɑ tɔ̃ɔ teni, tɑ ko n sɑ̃ɑwɑ Gusunɔ, wɔllu kɑ tem Yinniɡiru. Tɑ ko n sɑ̃ɑwɑ tè sɔɔ u win yibɛrɛbɑ mɔru kɔsiemɔ. Tɑkobi yɑ koo tɔmbu di, kpɑ yu yɛm debu. Tɔn dɑbi te yɑ koo ɡo, Gusunɔ wɔllu kɑ tem Yinnin sɔ̃, tɑ ko n kpĩ nɡe yɑ̃ku yɑɑ Efɑrɑtin dɑɑrun ɡoorɔ, sɔ̃ɔ yɛ̃sɑn nɔm ɡeu ɡiɑ.

Misee 3:8

Adɑmɑ nɛ Misee, kon nɑ n dɑm yibɑwɑ. Domi Yinni Gusunɔ u mɑn win Hunde wɛ̃. Nɑ ɡem kɑ wɔruɡɔru sebuɑ. Mɑ nɑ Isirelibɑ, be Yɑkɔbun bweseru ben mɛm nɔɔbu sɑriru sɔ̃ɔmɔ.

Mɑteu 5:4

Doo nɔɔruɡibɑ be bɑ nukuru sɑnkire. Gusunɔ u koo bu nukuru yɛmiɑsiɑ.

Luku 4:19

kpɑ n mɑɑ kɑ kpɑrɑ mɑ sɑɑ yɑ wee yè sɔɔ Yinni u koo tɔmbu durom kuɑ.”

Luku 6:21

Doo nɔɔruɡibɑ bɛɛ be ɡɔ̃ɔrɑ mɔ̀ tɛ̃, domi i ko rɑ debu. Doo nɔɔruɡibɑ bɛɛ be i sumɔ tɛ̃, domi i ko rɑ yɛ̃ɛ.

Korinti II 6:2

Domi Gusunɔ u nɛɛ, “Nɑ nun swɑɑ dɑki sɑnɑm mɛ nɑ tɔmbu durom kuɑmmɛ. Nɑ nun somi fɑɑbɑn tɔ̃ru.” Wee, tɛ̃rɑ n weenɛ i Gusunɔn durom mwɑ, ɡisɔrɑ fɑɑbɑn tɔ̃ru.

Tɛsɑlonikɑ I 2:16

Bɑ mɑm yinɑmɔ su tɔn tukobu wɑɑsu kuɑ bu kɑ fɑɑbɑ wɑ. Nɡe mɛyɑ ben durum yɑ sosimɔ yɑ bɑndɑmɔ. Adɑmɑ Gusunɔn mɔru yɑ den sɑkɛ fuke ben wirɔ.