Esɑi 57:3 - Bibeli Gusunɔn Gari

³ I susimɑ bɛɛ, bwese te i ǹ kɑ nɛ, Gusunɔ turo yɔ̃, bɛɛ be i sɑ̃ɑ nɡe sɔron bibu.

Esɑi 57:3 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Esɑi 1:21

Gusunɔ u nɛɛ, Yerusɑlɛmu, wunɛ wi nɑ rɑɑ nɑɑnɛ sɑ̃ɑ, wee ɑ kuɑ nɡe kurɔ sɑkɑrɑ kowo, wi u win durɔ deri. Domi yellu ɡemɡibɑ rɑɑ yibɑ wunɛ sɔɔ. Adɑmɑ ɡisɔ, tɔn ɡowobu tɔnɑwɑ bɑ nun wɑ̃ɑsi.

Esɑi 1:4

Mɑ Esɑi u nɛɛ, bɛɛ Isirelibɑ, bɔ̃rurobɑ i sɑ̃ɑ, domi i durum mɔ̀wɑ. Torɑnu nu yibɑ bɛɛn suunu sɔɔ. Nuku kɔ̃surun wɑ̃ɑrɑ i wɑ̃ɑ. Bɛɛ kpuro i sɑnkirewɑ, domi i Yinni Gusunɔ deri. I nùn ɡɛmɑ, wi, wi u sɑ̃ɑ bɛɛn Yinni Dɛɛro, mɑ i nùn biru kisi.

Esɑi 45:20

Yinni Gusunɔ u nɛɛ, yen sɔ̃, i mɛnnɑmɑ. I susimɑ bɛɛ be i kpikiru suɑ tɑbun di. Be bɑ bwɑ̃ɑroku dɑ̃ɑɡinu sɔɔwɑ, mɑ bɑ bũu sokumɔ wi u ǹ kpɛ̃ u bu fɑɑbɑ ko, bɑ ǹ yɛ̃ru mɔ.

Esɑi 48:16

Mɑ Esɑi u nɛɛ, i susimɑ nɛn bɔkuɔ kpɑ i nɔ. Sɑɑ yellun di, nɑ bɛɛ ye sɔ̃ɔwɑwɑ kpɑsɑsɑ. Sɑɑ yen toren diyɑ nɑ wɑ̃ɑ mi. Wee, tɛ̃ Yinni Gusunɔ u mɑn ɡɔrimɑ kɑ win Hunde.

Esɑi 57:7

Guunu wɔllɔwɑ i rɑ bɛɛn sɑ̃ɑnu ko. Miyɑ i rɑ mɑɑ yɔ i yɑ̃kunu ko.

Esɑi 58:2

Tɔ̃ɔ bɑɑtere bɑ rɑ n mɑn sokuwɑ bɑ n kĩ bu ɡiɑ ye nɑ kĩ bu ko. Bɑ mɔ̀ nɡe tɔn be bɑ ɡem swĩi, be bɑ ǹ nɛn woodɑbɑ deri. Bɑ rɑ mɑn kɑnɛ n bu siriɑ dee dee, kpɑ bɑ n kĩ bɑ n kɑ mɑn wɑ̃ɑ.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Osee 1:2

Gɑri yi Yinni Gusunɔ u ɡbiɑ u Osee sɔ̃ɔwɑ yi wee. U nɛɛ, Osee, ɑ doo ɑ kurɔ suɑ wi u rɑ sɑkɑrɑru ko. Bɛɛn bibu bɑ koo mɑɑ win yirɑ swĩi. Domi Isirelibɑ bɑ bũnu ɡɑsirimɔ bɑ sɑ̃ɑmɔ nɡe kurɔ sɑkɑrɑ wi u durɔbu ɡɑsirimɔ. Mɑ bɑ nɛ, Yinni Gusunɔ deri.

Osee 2:4

Nɛn bibu, i bɛɛn mɛro tɑɑrɛ wɛ̃ɛyɔ, domi u ǹ mɑɑ sɑ̃ɑ nɛn kurɔ, mɛyɑ nɑ ǹ mɑɑ sɑ̃ɑ win durɔ. I nùn sɔ̃ɔwɔ u de u win durɔ dɑmɑ nɔni yi wunɑ, kpɑ u sɑkɑrɑ kookoosu wunɑ win ɡɔ̃run di.

Osee 2:6

Nɑ ǹ mɑɑ bɛɛ win bibun wɔnwɔndu mɔ̀, domi bɛɛn mɛro u sɑ̃ɑwɑ sɑkɑrɑ kowo.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Mɑteu 12:34

Wɑɑ ɡɔsɔrun bweseru bɛɛ! Amɔnɑ i ko kɑ ɡɑri ɡee ɡere bɛɛ be i sɑ̃ɑ tɔn kɔ̃sobu. Domi ye yɑ yibɑ ɡɔ̃ruɔ yɑ yɑrimɔ, yeyɑ nɔɔ ɡɑ ɡerumɔ.

Mɑteu 16:4

Tɛ̃n tɔn kɔ̃sobu be bɑ ǹ kɑ Gusunɔ turo yɔ̃ bɑ yĩrenu bikiɑmɔ. Adɑmɑ yĩreru ɡɑru mɑɑ sɑri te bɑ koo bu sɔ̃ɔsi mɑ n kun mɔ Gusunɔn sɔmɔ Yonɑsiɡiru. Mɑ u bu deri u doonɑ.

Mɑteu 23:33

Wɑɑ ɡɔsɔ wuuru bɛɛ! Amɔnɑ i ko kɑ dɔ̃ɔ wi u ku rɑ ɡbin tɑɑrɛ suuri.

Mɑteu 3:7

Ye Yohɑnu u wɑ mɑ Fɑlisibɑ kɑ Sɑdusibɑ dɑbinu bɑ nɑ win mi u kɑ bu bɑtɛmu ko, u bu sɔ̃ɔwɑ u nɛɛ, bɛɛ wɑɑ ɡɔsɔnu wɑrɑ u mɑɑ bɛɛ sɔ̃ɔwɑ i Gusunɔn mɔru dukɑ suuri ye yɑ wee.

Luku 3:7

Tɔn wɔrusu su dɑɑmɔ win mi u kɑ bu bɑtɛmu ko. Mɑ u bu sɔ̃ɔwɑ u nɛɛ, bɛɛ wɑɑ ɡɔsɔnun bweseru, wɑrɑ bɛɛ kirɔ kuɑ i kɑ mɔru ye yɑ sisi suuri.

Yɑkɔbu 4:4

Bɛɛ be i ǹ kɑ tɔn turo yɔ̃, i ǹ yɛ̃ mɑ hɑnduniɑn bɔrɔ Gusunɔn yibɛrɛwɑ? Ǹ n mɛn nɑ wi u kĩ u ko hɑnduniɑn bɔrɔ, u tii kuɑ Gusunɔn yibɛrɛ.

Yohɑnu I 3:10

Tɛ̃, sɑ ko kpĩ su tubu wi u sɑ̃ɑ Gusunɔn bii kɑ wi u sɑ̃ɑ Setɑmɡii. Bɑɑwure wi u kun ɡeɑ mɔ̀, kɑ mɑɑ wi u kun win beruse kĩ, u ǹ sɑ̃ɑ Gusunɔɡii.