Esɑi 57:18 - Bibeli Gusunɔn Gari

¹⁸ Nɑ ben dɑɑ yɛ̃. Kɑ mɛ, kon bu bɛkiɑ, n bu kpɑrɑ kpɑ n bu nukuru yɛmiɑsiɑ. Be bɑ ɡɔɔ wooru sɔ̃ bɑ sumɔ,

Esɑi 57:18 ပူးပေါင်းရင်းမြစ်များ

Womusu 23:2

Wunɑ ɑ rɑ kɑ mɑn de mi yɑkɑ bekusu wɑ̃ɑ. Wunɑ ɑ rɑ kɑ mɑn de mi nim mu mɑɑri. Kpɑ ɑ mɑn wɛ̃rɑsiɑ mi.

Womusu 51:12

Gusunɔ, ɑ mɑn ɡɔ̃ru wɛ̃ɛyɔ ɡe ɡɑ dɛɛre, kpɑ ɑ mɑn hunde kpɑɑ wɛ̃ ye yɑ koo yɔ̃rɑ sim sim.

Womusu 94:19

Bwisiku dɑbinu nù n wɑ̃ɑ nɛn ɡɔ̃ruɔ, ɑ rɑ mɑn nukuru yɛmiɑsie. Kpɑ nɑ n nuku dobu mɔ.

Wɑɑsu kowo 9:4

Be bɑ wɑsi, bɑ yĩiyɔbu mɔ. Bɔ̃ɔ wɑsu ɡɑ ɡbee sunɔn ɡoru kere.

Esɑi 1:18

I nɑ su wesiɑnɑ kpɑ su nɔɔsinɑ. Ì n wurɑ i mɑn mɛm nɔɔwɑ, bɑɑ bɛɛn ɡɔ̃ru ɡɑ̀ n tĩri nɡe weke biru, kon ɡu dɛɛrɑsiɑ ɡu bururɑ nɡe wɛ̃su. Bɑɑ ɡɑ̀ n mɑɑ sɔ̃rin nɑ nɡe wɛ̃ɛ wunɔmɡii, ɡɑ koo bururɑ nɡe wɛ̃ɛ kpiki, kpɑ i tem mɛn dĩɑ ɡeenu di.

Esɑi 12:1

Sɔ̃ɔ teeru, be bɑ yɑkiɑrɑ bɑ koo nɛɛ, Yinni Gusunɔ, sɑ nun siɑrɑ, domi ɑ rɑɑ kɑ sun mɔru kuɑ, mɑ wunɛn mɔru yɑ sure. A sun nukuru yɛmiɑsiɑ.

Esɑi 19:22

U bu mɛɛrɑ kuɑ, ɑdɑmɑ u koo bu bɛkiɑ. Bɑ koo ɡɔsirɑ win mi, kpɑ u ben kɑnɑru nɔ u bu fɑɑbɑ ko.

Esɑi 30:18

Yinni Gusunɔ u tɔ̃ru mɑrɑ tè sɔɔ u koo bɛɛ durom kuɑ kpɑ u bɛɛ wɔnwɔndu sɔ̃ɔsi. Domi u sɑ̃ɑwɑ ɡemɡii. Doo nɔɔruɡibɑ be bɑ nùn nɑɑnɛ sɑ̃ɑ.

Esɑi 30:26

Kpɑ Yinni Gusunɔ u win tɔmbun bosu nɔɔri, kpɑ u bu bɛkiɑ mi u bu mɛɛrɑ kuɑ. Dɔmɑ terɑ, surun yɑm bururɑm mu koo ko nɡe sɔ̃ɔɡim, kpɑ sɔ̃ɔɡim mu dorɑ mu sosi nɔn nɔɔbɑ yiru n kere yellu.

Esɑi 49:10

Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

Esɑi 51:12

Gusunɔ u nɛɛ, nɛnɑ mi, nɛ wi nɑ bɛɛ nukuru yɛmiɑsiɑmɔ. Tɔnu u sɑ̃ɑwɑ nɡe yɑkɑsu. Mbɑn sɔ̃nɑ i ko i win bɛrum ko, wi, wi u rɑ ɡbi.

Esɑi 52:12

Ì n yɑriɔ, i ǹ ko i yɑri kɑ sɛndɑru nɡe be bɑ kpikiru suɔ. Domi Gusunɔ Isirelibɑn Yinni u ko n bɛɛ kɔ̃su biruɔ kɑ wuswɑɑɔ.

Esɑi 53:5

Bɛsɛn durum sɔ̃nɑ bɑ nùn sɔkɑ bɑ yɑbɑ. Bɛsɛn torɑnun sɔ̃nɑ bɑ win wɑsi kɔsiki. Wɑhɑlɑ ye yɑ nùn wɔri mi, yɑ kɑ sun ɑlɑfiɑ nɑɑwɑ. Sɑ bɛkurɑwɑ win mɛɛrɑ yen sɑɑbu.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 58:11

Nɛ, Yinni Gusunɔ, kon bɛɛ kpɑrɑ sere kɑ bɑɑdommɑɔ, kpɑ n de i n debɑ bɑɑ mi dĩɑnu ku rɑ kpi. Kon de bɛɛn wɑsi yi dɑm wɑ, kpɑ i n sɑ̃ɑ nɡe ɡbee te tɑ kɑkoru mɔ, ǹ kun mɛ nɡe bwii yìn nim ku rɑ kpe.

Yeremi 13:17

Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.

Yeremi 3:22

Bɛɛ, bii mɛm nɔɔ sɑribɑ, i wurɑmɑ nɛn mi. Kon bɛɛ bɛɛn mɛm nɔɔbu sɑriru suuru kuɑ. Mɑ Isirelibɑ bɑ nɛɛ, Gusunɔ, wunɑ ɑ sɑ̃ɑ bɛsɛn Yinni. Bɛsɛ wee, wunɛn miyɑ sɑ wee.

Yeremi 30:17

Adɑmɑ bɛɛ, be bɑ rɑɑ mɔ̀ i kɑm kuɑ, mɑ ɡoo kun bɛɛn lɑɑkɑri mɔ̀, kon bɛɛn mɛɛrɑn bosu bɛkiɑ. Nɛ, Yinni Gusunɔwɑ nɑ yeni ɡeruɑ.

Yeremi 31:3

Bɛɛ Isirelibɑ, nɑ bɛɛ nɛn tii sɔ̃ɔsi sɑɑ yellun di. Nɑ bɛɛ kĩwɑ sere kɑ bɑɑdommɑɔ. Yen sɔ̃nɑ nɑ bɛɛ nɛn durom derie.

Yeremi 33:6

Wee, sɑɑ ɡɑɑ sisi yè sɔɔ kon ɡu nɔɔri nɡe bɑrɔ. Kon ɡu bɛkiɑ n bwɑ̃ɑ dorɑsiɑ, kpɑ n de ɡen tɔmbu bɑ n wɑ̃ɑ bɔri yɛndu sɔɔ.

Sɑkɑri 1:13

Mɑ Yinni Gusunɔ u ɡɔrɑdo wi wisɑ kɑ ɡɑri dori yi yi nùn ɡɔ̃ru yɛmiɑ.

Luku 15:20

U seewɑ mɑ u doonɑ win bɑɑn mi ɡiɑ. Sɑɑ yèn di u tomɑ, win bɑɑ nùn wɑ mɑ wɔnwɔndɑ nùn mwɑ. U dukɑ dɑ u nùn ɡɑbɑ kɑ nuku dobu, u nùn tɔburɑ kɑ kĩru.

Romu 5:20

Woodɑ yɑ duɑ kpɑ torɑru tu kɑ sosi, ɑdɑmɑ mi torɑrɑ sosi, miyɑ Gusunɔn durom mu mɑɑ sosi mu bɑndɑ.

Kɑ̃siru 7:17

Domi Yɑ̃ɑ kinɛ kpɛm te tɑ wɑ̃ɑ sinɑ kitɑrun suunu sɔɔ, terɑ tɑ koo bu kpɑrɑ, tu kɑ dɑ wɑ̃ɑrun bwiɑɔ. Gusunɔ u koo mɑɑ bu ben nɔni yĩresu kpuro wokɑ.