Esɑi 57:11 - Bibeli Gusunɔn Gari

¹¹ Ǹ n mɛn nɑ, wɑrɑn bɛrumɑ i mɔ, i kɑ mɑn nɔni wɔ̃kumɔ. Wɑrɑn bɛrumɑ i mɔ, i ǹ kɑ mɑn yɑɑye, i ǹ mɑɑ mɑn ɡɑrisi. Yèn sɔ̃ nɑ nɔɔ mɑɑri sɑɑ tɛɛbun di, yen sɔ̃nɑ i ǹ mɑn nɑsie.

Esɑi 57:11 ပူးပေါင်းရင်းမြစ်များ

Mɔnnu 29:25

À n tɔnun ɡeren bɛrum mɔ, kɑɑ n wɑ̃ɑwɑ kɑri bɑkɑ sɔɔ, ɑdɑmɑ ɑ̀ n Gusunɔ nɑɑnɛ sɑ̃ɑ, u koo nun kɔ̃suwɑ.

Womusu 50:21

Yenibɑ kpurowɑ ɑ kuɑ, mɑ nɑ mɑɑri. Domi ɑ tɑmɑɑ nɑ sɑ̃ɑwɑ nɡe wunɛ. Adɑmɑ kon nun tɑɑrɛ wɛ̃ kpɑ n kpuro terɑsiɑ wunɛn wuswɑɑɔ.

Yeremi 3:21

Wee, nɔɔ ɡɑɡu ɡɑ nɔɔrɑ ɡuuru wɔllɔ. Ase Isirelibɑrɑ bɑ kuuki mɔ̀ bɑ bũnu kɑnɑmɔ, domi ben sɑnu sɑnusu kpuro su sɑnkirɑ, bɑ nɛ, Gusunɔ ben Yinni duɑri.

Yeremi 2:32

Wɔndiɑ u rɑ win burɑ yɑ̃nu duɑri ro? Kurɔ kpɑo u rɑ win sɔnditiɑ duɑri? Amɔnɑ bɛɛ nɛn tɔmbu i kɑ mɑn duɑri n kɑ tɛ mɛ, nɑ ǹ mɑm yen tɔ̃nun ɡeeru yɛ̃.

Kɑ̃siru 22:15

Adɑmɑ kom kɔ̃sum kowobɑ kun duɔ wuu ɡe sɔɔ, kɑ dobo dobo kowobu kɑ sɑkɑrɑ kowobu kɑ tɔn ɡowobu kɑ bũu sɑ̃ɔbu kɑ bɑɑwure wi u weesu kĩ u mɔ̀.

Kɑ̃siru 21:8

Adɑmɑ bɛrurobu kɑ nɑɑnɛ doke sɑriruɡibu kɑ kom kɔ̃sumɡibu kɑ tɔn ɡowobu kɑ sɑkɑrɑ kowobu kɑ dobo doboɡibu kɑ bũu sɑ̃ɔbu kɑ wee kowobu kpuro, bɑ koo ben bɔnu wɑ dɔ̃ɔ bwerɔ wi u mwɑɑmɔ kɑ sɔ̃ɔ bisu. Yerɑ yɑ sɑ̃ɑ ɡɔɔ yiruse.

Timɔte I 4:2

Sɔ̃ɔsi te, tɑ weewɑ sɑɑ wee kowobun min di be bɑ tii mɛɛrɑ ɡɑbu. Tɔn ben ɡɔ̃ru ɡɑ ɡu nɡe ɡe bɑ sii sunsu mɑni.

Tɛsɑlonikɑ II 2:9

Kɔ̃sɑn kowo wi, u koo nɑ kɑ Setɑm dɑm, kpɑ u sɔm mɑɑmɑɑkiɡii bwese bwesekɑ ko ye yɑ sɑ̃ɑ weesuɡiɑ.

Gɔrobun Kookoosu 5:3

Yerɑ Piɛɛ u nɛɛ, Anɑniɑ, mbɑn sɔ̃nɑ ɑ derɑ Setɑm duɑ wunɛn ɡɔ̃ruɔ mɑ ɑ Hunde Dɛɛro weesu kuɑ, mɑ ɑ tem mɛn ɡobin sukum tii yiiyɑ.

Esekiɛli 13:22

Ben weesun sɔ̃, bɑ ɡemɡibu nukuru sɑnkɑ, be, be nɑ ǹ dɑɑ kĩ n kɔ̃sɑ kuɑ. Bɑ yinɑ bu tɔn kɔ̃sobu kirɔ ko bu kɑ ben kom kɔ̃sum deri kpɑ bu ben wɑ̃ɑru yɑkiɑ.

Yeremi 42:20

Sɑnɑm mɛ i mɑn ɡɔrɑ n bɛɛ Yinni Gusunɔ kɑnɑ, ye nɑ wurɑmɑ, i ɡeruɑ i nɛɛ, n bɛɛ sɔ̃ɔwɔ mɑm mɑm ye Gusunɔ bɛɛn Yinni u mɑn sɔ̃ɔwɑ kpɑ i ye ko. Adɑmɑ weesɑ i tii kuɑ.

Esɑi 30:9

Domi tɔn be, bɑ sɑ̃ɑwɑ mɛm nɔɔ sɑribɑ kɑ wee kowobu. Bɑ swɑɑ tɑu, bɑ ǹ kĩ bu sɔ̃ɔsiru swĩi.

Esɑi 26:10

Adɑmɑ bɑɑ bɑ̀ n tɔn kɔ̃so durom kuɑ, u ǹ ɡem ɡiɑmɔ. U ko n win kom kɔ̃sum mɔ̀wɑ tem mi ɡem mu wɑ̃ɑ, kpɑ u n Gusunɔn yiiko ɡɛmɑ.

Wɑɑsu kowo 8:11

Domi bɑ ku rɑ yɑnde tɔn kɔ̃so be siri mii mii. Yen sɔ̃nɑ tɔmbu bɑ rɑ n kĩ bɑ n kɔ̃sɑ mɔ̀ bɑ n dɔɔ.

Womusu 78:36

Adɑmɑ bɑ ku rɑ ɡem ɡere. Bɑ rɑ n kĩ bu nùn nɔni wɔ̃kewɑ kɑ ben ɡɑri.

Esɑi 42:14

Yinni Gusunɔ u nɛɛ, wee nɑ nɔɔ mɑri nɑ tii nɛnuɑ n kɑ tɛ. Adɑmɑ tɛ̃, kon nɔɔɡiru suɑ nɡe tɔn kurɔ wi u yiire u kĩ u mɑ, mɑ u wɑsire u wom ɡɑbɑmɔ.

Esɑi 44:20

Dɑ̃ko wi, u sɑ̃ɑ nɡe wi u torom dimɔ. U tore yèn sɔ̃ win bwisikunu ɡɔsiɑ. U ǹ mɑɑ kpɛ̃ u win hunden fɑɑbɑ wɑ u sere nɛɛ, ɑse bwɑ̃ɑroku ɡe nɑ nɛnusi mini, ɡɑ ǹ sɑ̃ɑ Gusunɔ.

Esɑi 47:7

Mɛyɑ ɑ rɑ n ɡerumɔ ɑ n mɔ̀, kɑɑ n bɑndu diiwɑ sere kɑ bɑɑdommɑɔ. Adɑmɑ ɑ ǹ bwisikɑ wunɛn ɡɔ̃ruɔ mɑ yenibɑ kpuro yɑ koo nɔru ko.

Yeremi 38:19

Yerɑ Sedesiɑsi u nùn sɔ̃ɔwɑ u nɛɛ, nɑ wurure Yuu be bɑ tii Bɑbiloniɡibu wɛ̃n sɔ̃. Nɑ bɛrum mɔ̀ bu ku rɑɑ mɑn bu nɔmu sɔndiɑ kpɑ bu mɑn nɔni sɔ̃.

Yeremi 41:18

Domi bɑ Bɑbiloniɡibun bɛrum mɔ yèn sɔ̃ Isimɛɛli u Gedɑliɑ ɡo wi Bɑbilonin sinɑ boko u kuɑ Yudɑbɑn kpɑro.

Mɑteu 25:25

Bɛrum mɑn mwɑ mɑ nɑ dɑ nɑ wunɛn ɡobi beruɑ temɔ. N wee wunɛnyɑm.