Esɑi 57:1 - Bibeli Gusunɔn Gari

¹ Gemɡibu bɑ̀ n ɡu, ɡoo ku rɑ bu weeweenu kue. Tɔn ɡeobu bɑ̀ n wɔrukɑ, ɡoo ku rɑ bwisiku mɑ tɔn kɔ̃sobɑ bɑ bu sɛ̃re bɑ ɡo.

Esɑi 57:1 ပူးပေါင်းရင်းမြစ်များ

Sinɑmbu I 14:13

Isirelibɑ bɑ koo nùn sike kpɑ bu win ɡɔɔ wooru sinɑ. Wi turowɑ bɑ koo sike Yeroboɑmun bwese te sɔɔ. Domi wi turo wiyɑ u Gusunɔ Isirelibɑn Yinni wɛ̃re.

Sinɑmbu II 22:20

yen sɔ̃nɑ u koo de wi, sinɑ boko u ɡbi bɔri yɛndu sɔɔ kpɑ bu nùn sike win bɑɑbɑbɑn sikɑɔ. Win nɔni kun mɑɑ kɔ̃sɑ ye wɑsi, ye yɑ koo Yerusɑlɛmu deemɑ. Mɑ tɔn be, bɑ ɡɔsirɑmɑ bɑ sinɑ boko ɡɑri yi kpuro sɔ̃ɔwɑ.

Bɑndun Gɑri II 32:33

Esekiɑsi u kpunɑ u ɡu. Mɑ bɑ nùn sikuɑ Dɑfidin bibun bweserun siku yerɔ berɑ ɡee n ɡunum bo. Yerusɑlɛmuɡibu kɑ Yudɑbɑ bɑ nùn ɡɔɔ swĩiyɑ. Yen biru, win bii Mɑnɑse u bɑndu kɔsire kuɑ.

Bɑndun Gɑri II 34:28

Tɛ̃, Gusunɔ wi, u koo de u ɡbi bɔri yɛndu sɔɔ kpɑ bu nùn sike win sikirɔ. Win nɔni kun wɑhɑlɑ ye wɑsi ye u koo de yu Yerusɑlɛmu kɑ yen tɔmbu deemɑ. Yerɑ Hilikiyɑ kɑ wiɡibu bɑ kɑ sinɑ boko ɡɑri yi dɑɑwɑ.

Bɑndun Gɑri II 35:24

Win sɔm kowobu bɑ nùn suɑ sɑɑ win tɑbu kɛkɛn di mɑ bɑ nùn doke win tɑbu kɛkɛ ɡɑɑ sɔɔ bɑ kɑ dɑ Yerusɑlɛmuɔ. Mɑ u kpunɑ u ɡu. Mɑ bɑ nùn sikuɑ win bɑɑbɑbɑn sikɑɔ. Mɑ Yudɑbɑ kɑ Yerusɑlɛmuɡibu bɑ win ɡɔɔ swĩ.

Womusu 12:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Womusu 37:37

A tɑɑrɛ sɑriruɡii mɛɛrio kpɑ ɑ n nùn lɑsɑbu sɑ̃ɑ. Domi wi u rɑ bɔri yɛndu kɑ̃n bweserɑ kun kpeemɔ.

Esɑi 42:25

Yen sɔ̃nɑ u kɑ sun mɔru bɑrɑ too. U derɑ bɑ sun tɑbu wɔri kɑ dɑm. Tɑbu sun sikerenɛ nɡe dɔ̃ɔ. Bu sun di, ɑdɑmɑ sɑ ǹ tubɑ. Sɑ ǹ mɑm lɑɑkɑri kue.

Esɑi 47:11

Adɑmɑ tɛ̃, kɔ̃sɑ koo nun deemɑ. A ǹ mɑɑ ɡoo wɑsi wi u koo nun wɔrɑ. Nɔni swɑ̃ɑrɑ koo nun wɔri. A ǹ mɑɑ kpɛ̃ ɑ tu suuri, kpɑ ɑ kɑm ko subɑru sɔɔ.

Esɑi 47:7

Mɛyɑ ɑ rɑ n ɡerumɔ ɑ n mɔ̀, kɑɑ n bɑndu diiwɑ sere kɑ bɑɑdommɑɔ. Adɑmɑ ɑ ǹ bwisikɑ wunɛn ɡɔ̃ruɔ mɑ yenibɑ kpuro yɑ koo nɔru ko.

Esɑi 57:11

Ǹ n mɛn nɑ, wɑrɑn bɛrumɑ i mɔ, i kɑ mɑn nɔni wɔ̃kumɔ. Wɑrɑn bɛrumɑ i mɔ, i ǹ kɑ mɑn yɑɑye, i ǹ mɑɑ mɑn ɡɑrisi. Yèn sɔ̃ nɑ nɔɔ mɑɑri sɑɑ tɛɛbun di, yen sɔ̃nɑ i ǹ mɑn nɑsie.

Yeremi 18:11

Yen sɔ̃, ɑ Yudɑbɑ kɑ Yerusɑlɛmuɡibu sɔ̃ɔwɔ ɑ nɛɛ, nɛ, Yinni Gusunɔ nɑ sɔɔru mɔ̀ n kɑ bu kɔ̃sɑ kuɑ. Nɑ yen kpunɑɑ yi. Ǹ n mɛn nɑ, ben bɑɑwure u win dɑɑ kɔ̃sɑ derio u wurɑmɑ nɛn mi.

Yeremi 22:10

Bɛɛ Yudɑbɑ, i ku wuri ko Yosiɑsi wi u ɡun sɔ̃. I ku mɑɑ win ɑrio ko. Adɑmɑ i wuri koowo Sɑlumun sɔ̃, wi bɑ yoru mwɑ bɑ kɑ dɑ tem tukumɔ. Domi u ǹ mɑɑ wee. Mɛyɑ u ǹ mɑɑ tem mɛ wɑsi mi bɑ nùn mɑrɑ mini.

Esekiɛli 21:3

A de bu nɛn ɡɑri swɑɑ dɑki yi kon ɡere dɑ̃ɑ sɔ̃ɔ ɡe ɡɑ wɑ̃ɑ sɔ̃ɔ yɛ̃sɑn nɔm dwɑru ɡiɑ mi. A nɛɛ, kon ɡu dɔ̃ɔ doke, kpɑ dɔ̃ɔ wi, u dɑ̃ɑ bekunu kɑ ɡbebunu mwɑ. Dɔ̃ɔ wi, kun ɡbimɔ. Tɔmbu kpurowɑ bɑ koo dɔ̃ɔ soorɑ sɑɑ sɔ̃ɔ yɛ̃sɑn nɔm dwɑrun di n kɑ dɑ nɔm ɡeuɔ.

Misee 7:2

Domi tem mɛ sɔɔ, ɡoo sɑri wi u Gusunɔ mɛm nɔɔwɑmmɛ. Goo kun mɔ̀ dee dee. Be kpuro bɑ bwisikumɔwɑ bu tɔmbu ɡo. Mɑ bɑ sɑ̃kiriɑnɑmmɛ.

Mɑlɑsi 2:2

Ì n mɑɑ yinɑ i ye mɛm nɔɔwɑ kpɑ i kun mɑn bɛɛrɛ wɛ̃, kon bɛɛ bɔ̃rusi. Kpɑ domɑ te i rɑɑ mɔ, tu ɡɔsiɑ bɔ̃ri. Domi i ǹ nɛn woodɑbɑ ɡɑrisi ɡɑ̃ɑnu bɛɛn ɡɔ̃ruɔ.

Gbɑburu 23:10

Goo kun kpɛ̃ u bu ɡɑri. Bɑ dɑbi nɡe yɑni sɛɛri mini. Wɑrɑ u koo kpĩ u ben bɔnu nnɛn sube teeru ɡɑri. Nɑ kɑnɑmɔwɑ n ɡbi nɡe Isireli be, be bɑ sɑ̃ɑ ɡemɡibu. Nɑ kĩwɑ nɛn wɑ̃ɑrun wii ɡoberu tɑ n sɑ̃ɑ nɡe beɡiru.