Esɑi 54:4 - Bibeli Gusunɔn Gari

⁴ A ku nɑndɑ, domi ɑ ǹ sekuru wɑsi. A ku tukɑ, domi ɑ ǹ mɑɑ bɛɛrɛ biɑmɔ. Kɑɑ wunɛn yellun sekuru duɑri. A ǹ mɑɑ yɑɑyɑmɔ nɡe mɛ ɑ nɔni sɔ̃ɔrɑ wunɛn turorun sɑɑ sɔɔ.

Esɑi 54:4 ပူးပေါင်းရင်းမြစ်များ

Yoobu 11:16

A ǹ mɑɑ wunɛn wɑhɑlɑ yeni yɑɑyɑmɔ, yɑ koo doonɑwɑ nɡe nim mɛ mu kokɑ.

Esɑi 25:8

U koo de ɡɔɔ u kpe sere kɑ bɑɑdommɑɔ, kpɑ u ben nɔni yĩresu wokɑ kpɑ u ben sekuru wunɑ tem mɛ kpuro sɔɔ. Wi, Yinni Gusunɔwɑ, u yeni ɡeruɑ.

Esɑi 29:22

Yen sɔ̃nɑ nɛ, Yinni Gusunɔ, nɛ wi nɑ Aburɑhɑmu yɑkiɑ, nɑ win debubu Isirelin yɛnuɡibu sɔ̃ɔwɑ nɑ nɛɛ, tɛ̃, bɑ ǹ mɑɑ sekuru wɑsi. Mɛyɑ ben wuswɑɑ kun mɑɑ burisinɑmɔ.

Esɑi 4:1

Sɑɑ ye sɔɔ, tɔn kurɔbu nɔɔbɑ yiru bɑ koo durɔ turo sɔ̃ bu nɛɛ, sɑ ko bɛsɛn tii diisiɑ kpɑ su tii sebusiɑ. A ɡesi sun sekuru wunɔ kpɑ ɑ de sɑ n wunɛn yĩsiru sɔɔwɑ.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 50:7

Adɑmɑ Yinni Gusunɔwɑ u mɑn fɑɑbɑ kuɑ. Yen sɔ̃nɑ nɑ ǹ bɛɛrɛ bie. Mɑ nɑ yɔ̃rɑ nɑ tɑ̃sɑ. Domi nɑ yɛ̃ mɑ nɑ ǹ sekuru wɑsi.

Esɑi 51:7

I mɑn swɑɑ dɑkio bɛɛ bwese te i ɡem yɛ̃, mɑ i nɛn woodɑbɑ nɛni bɛɛn ɡɔ̃ruɔ. I ku nɑndɑ tɔmbu bɑ̀ n bɛɛ funɛ wunɑmɔ. I ku mɑɑ diiri bɛrum sɔ̃ bɑ̀ n bɛɛ wɔmmɔ.

Esɑi 54:14

Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

Esɑi 61:7

Yinni Gusunɔ u nɛɛ, bɑ bɛɛ sekuru doke tɑ kpɑ̃. Tɔmbɑ bɛɛ yɑ̃ɑtɑm siemɔ, yen sɔ̃nɑ seku ten ɑyerɔ i ko n bɑɑ mɔ n kpɑ̃ tɔn ben temɔ, kpɑ i n wɑ̃ɑ nuku dobu sɔɔ bi bu ǹ kpeemɔ.

Yeremi 31:19

Ye ben lɑɑkɑri yɑ wurɑmɑ, mɑ bɑ tuubɑ kuɑ. Ye bɑ ben torɑnu ɡiɑ, mɑ bɑ tukɑ kɑ sekuru ye bɑ kuɑ sɑɑ ben ɑluwɑɑsirun din sɔ̃.

Swĩi 1:1

Yerusɑlɛmu yè sɔɔ tɔmbɑ rɑɑ dɑbi, wee yɑ wɑ̃ɑ ye tɔnɑ, yɑ kuɑ nɡe ɡɔmini. Yɑ rɑɑ yĩsiru yɑrɑ bwesenun suunu sɔɔ. Wee tɛ̃ bɑ ye yoru diisiɑmɔ.

Esekiɛli 16:22

Yen kom kɔ̃sum mɛ sɔɔ, ɑ ǹ mɑɑ wunɛn wɔndiɑru yɑɑye kɑ sɑnɑm mɛ ɑ wɑ̃ɑ tereru wunɛn mɑru yɛm sɔɔ.

Esekiɛli 16:43

Kɑ mɛ, yèn sɔ̃ ɑ ǹ yɑɑye nɡe mɛ nɑ nun nɔɔri wunɛn birun di, mɑ ɑ nɛn mɔru seeyɑ kɑ wunɛn kookoosu, yen sɔ̃, kon de ɑ yen ɑre wɑ. Domi ɑ sekuru sɑri kom kuɑ mɑ ɑ bũnu sɑ̃wɑ.

Esekiɛli 36:15

U ǹ mɑɑ derimɔ i bwese tukunun wɔmɑ nɔ. Bɑ ǹ mɑɑ bɛɛ sekuru dokemɔ. Mɛyɑ i ǹ mɑɑ derimɔ bɛɛn tɔmbu bu kɑm ko. Wi, Yinni Gusunɔwɑ u yeni ɡeruɑ.

Yoɛli 2:21

Tem, ɑ ku bɛrum ko, ɑ nuku dobu koowo, domi Yinni Gusunɔ u ɡɑ̃ɑ bɑkɑnu kuɑ.

Sofoni 3:11

Yen tɔ̃ɔ te, bɛɛ win tɔmbu Isirelibɑ, i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ. Domi u koo be bɑ rɑ tii sue bɛɛn suunu sɔɔ wunɑ, kpɑ bɛɛn tiin tɔn biɑru tu kpe win ɡuu dɛɛrɑrun wɔllɔ.

Sɑkɑri 10:6

Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Piɛɛ I 2:6

Domi bɑ yoruɑ Gusunɔn ɡɑri sɔɔ, Gusunɔ u nɛɛ, “Nɑ kpee bɛɛrɛɡiru ɡɔsɑ nɑ tu kuɑ ɡɑni ɡɔmburun dɑm Siɔniɔ. Wi u tu nɑɑnɛ doke, u ǹ sekuru wɑsi.”