Esɑi 53:4 - Bibeli Gusunɔn Gari

⁴ Adɑmɑ bɛsɛn nɔni swɑ̃ɑru kɑ bɛsɛn wɑhɑlɑwɑ u sɔɔwɑ. Mɑ sɑ nùn ɡɑrisi wi Gusunɔ u sɛɛyɑsiɑ u sekuru doke.

Esɑi 53:4 ပူးပေါင်းရင်းမြစ်များ

Womusu 69:26

A de ben wɑ̃ɑ yenu nu ko bɑnsu. Kpɑ ɡoo u kun mɑɑ wɑ̃ɑ ben kuu bekunuɡinu sɔɔ.

Womusu 69:27

Domi wi ɑ soomɔ, wiyɑ bɑ nɔni sɔ̃ɔmɔ. Wi ɑ mɑɑ yɑɑsɑ sɔkɑ ɑ mɛɛrɑ kuɑ, bɑ win nuku sɑnkirɑnu sosimɔ.

Womusu 69:8

Domi wunɛn sɔ̃nɑ nɑ seku bɑkɑru sɔɔwɑ tɑ derɑ nɑ nɛn wuswɑɑ wukiri.

Esɑi 53:10

Adɑmɑ Gusunɔn kĩrɑ wɑhɑlɑ ye, yɑ kɑ nùn wɔri. Mɑ u duɑ nuku sɑnkirɑru sɔɔ. U tii kuɑ yɑ̃kuru tɔmbun durum sɔ̃. Yen sɔ̃, u koo bii dɑbinu wɑ, kpɑ win wɑ̃ɑrun tɔ̃ru tu dɛnyɑ. Kpɑ Yinni Gusunɔn himbɑ yu koorɑ sɑɑ win min di.

Sɑ̃ɑrun Woodɑ 16:10

Ge bɑ koo mɑɑ yɔ̃su ɡbɑburɔ, ɡerɑ bɑ koo kɑ torɑrun suurun wororu ko. Wɑsirɑ bɑ koo kɑ ɡu nɑ Yinni Gusunɔn wuswɑɑɔ bu sere ɡu yɔ̃su ɡu doonɑ ɡbɑburɔ.

Sɑkɑri 13:7

Gusunɔ, wɔllu kɑ tem Yinni u nɛɛ, tɑkobi, ɑ nɛn kpɑro wi nɑ kuɑ nɛn bɔ̃ɔ wɔrio. A nùn ɡoowo kpɑ yɑ̃ɑnu nu yɑrinɑ, kpɑ n ni nu kun dɑm mɔ wɔri.

Mɑteu 26:37

U Piɛɛ kɑ Sebeden bibu yiru suɑ bɑ susi wuswɑɑɔ. Mɑ nuku sɑnkirɑnu nùn deemɑ, win wɑsi dwiiyɑ.

Mɑteu 8:17

U yeni kuɑ kpɑ Gusunɔn sɔmɔ Esɑin ɡɑri yi kɑ koorɑ, yi u nɛɛ, “Win tii u bɛsɛn wɑsin dɑm sɑriru suɑ, mɑ u kɑ bɛsɛn bɑrɑnu doonɑ.”

Yohɑnu 19:7

Mɑ Yuubɑ bɑ nùn sɔ̃ɔwɑ bɑ nɛɛ, sɑ woodɑ ɡɑɑ mɔ ye yɑ ɡerumɔ bu nùn ɡo yèn sɔ̃ u win tii nɛɛ Gusunɔn Bii.

Romu 4:25

U derɑ bɑ nùn ɡo bɛsɛn torɑnun sɔ̃, u mɑɑ nùn seeyɑ u kɑ sun ko ɡemɡibu.

Gɑlɑti 3:13

Adɑmɑ Kirisi u sun yɑkiɑ sɑɑ woodɑn bɔ̃rin di sɑnɑm mɛ u kuɑ wi bɑ bɔ̃rusi bɛsɛn sɔ̃. Nɡe mɛ Gusunɔn ɡɑri yi ɡerumɔ, “Bɑɑwure wi bɑ bwɛ̃ dɑ̃ru sɔɔ, u kuɑ bɔ̃ruro.”

Heberu 9:28

nɡe mɛyɑ Kirisi u tii wɛ̃ nɔn teeru nɡe ɑbɔru u kɑ tɔn dɑbinun torɑnu sɔbe. U koo mɑɑ kurɑmɑ nɔn mɛɛruse, n ǹ mɔ u kɑ torɑnu sɔbe, ɑdɑmɑ u kɑ bu fɑɑbɑ kowɑ be bɑ nùn mɑrɑ.

Piɛɛ I 2:24

Kirisin tii u bɛsɛn torɑnu sɔɔwɑ win wɑsi sɔɔ dɑ̃ɑ bunɑnɑru wɔllɔ, kpɑ su kɑ torɑnu kɑrɑnɑ kpɑ sɑ n wɑ̃ɑru dimɔ ɡem sɔɔ. Win mɛɛrɑn bosun sɔ̃nɑ i bɛkurɑ.

Piɛɛ I 3:18

Nɔn teerɑ Kirisi u ɡu ɡem sɑriruɡibun durum sɔ̃, wi, wi u sɑ̃ɑ ɡemɡii, kpɑ u kɑ bɛɛ dɑ Gusunɔn mi. Bɑ nùn ɡo, u ɡuwɑ nɡe mɛ tɔmbɑ rɑ ɡbi, ɑdɑmɑ bɑ nùn seeyɑ kɑ Hunde Dɛɛron dɑm.

Yohɑnu I 2:2

Win tii u kuɑ ɑbɔru te tɑ kɑ bɛsɛn torɑnu kpuro doonɑ, n ǹ mɔ bɛsɛɡinu tɔnɑ, kɑ hɑnduniɑɡibu kpuron torɑnɑ.