Esɑi 51:6 - Bibeli Gusunɔn Gari

⁶ I nɔni seeyo wɔllɔ, kpɑ i mɑɑ mɛɛri temɔ. Domi wɔllɑ koo doonɑ nɡe wiisu, kpɑ tem mu munkirɑ mu ko yɑki yɑki nɡe yɑbe tɔkɔru. Mɛn tɔmbu bɑ koo ɡbi nɡe sɔnsu. Adɑmɑ nɛn fɑɑbɑ yɑ ǹ kpeemɔ. Nɛn ɡem mu ko n wɑ̃ɑwɑ sere kɑ bɑɑdommɑɔ.

Esɑi 51:6 ပူးပေါင်းရင်းမြစ်များ

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Womusu 111:3

Ye u kuɑ yɑ rɑ n ɡirimɑ kɑ bɛɛrɛ mɔwɑ. Win ɡem mu rɑ n wɑ̃ɑwɑ sere kɑ bɑɑdommɑɔ.

Esɑi 13:13

Nɛ Gusunɔ, wɔllu kɑ tem Yinnin mɔrun tɔ̃ru sɔɔ, kon wɔllu yĩiri, kpɑ tem mu diiri sere mɛn sɔɔwɔ.

Esɑi 33:6

Yinni Gusunɔ, kɑɑ de Siɔniɡibu bɑ n wɑ̃ɑ bɔri yɛndu sɔɔ, kpɑ bɑ n bwisi kɑ lɑɑkɑri mɔ ye yɑ koo de bu fɑɑbɑ wɑ. Wunɛn nɑsiɑrɑ tɑ sɑ̃ɑ ben ɑrumɑni.

Esɑi 34:4

Wɔllun kperi kɑ suru kɑ sɔ̃ɔ koo wukurɑ, kpɑ wɔllu tu kure nɡe tireru, kpɑ kperi yi, yi wɔruku nɡe dɑ̃ɑ wuru si su dɛllɑ.

Esɑi 40:26

I nɔni seeyo kpɑ i mɛɛri wɔllɔ. Wɑrɑ u kperi kuɑ yi sĩimɔ nɡe tɑbu kowobu. Yinni Gusunɔwɑ. U mɑɑ yin bɑɑyeren yĩsiru yɛ̃. Yin ɡɑɑ ku rɑ biɑre win dɑm bɑkɑm sɑɑbu.

Esɑi 50:9

Nɛ, nɑ yɛ̃ mɑ Yinni Gusunɔwɑ u koo mɑn somi. Wɑrɑ u koo mɑn tɑɑrɛ wɛ̃. Nɛn yibɛrɛbɑ kpuro bɑ koo mundɑ nɡe yɑbe kĩɑsu si ɡɛmi yi di.

Esɑi 51:8

Domi bɑ ko n sɑ̃ɑwɑ nɡe yɑ̃ɑ ni ɡɛmi yi di. Adɑmɑ nɛn ɡem mu ko n wɑ̃ɑwɑ sere kɑ bɑɑdommɑɔ. Nɛn fɑɑbɑ yɑ ǹ mɑɑ nɔru mɔ.

Esɑi 54:10

Bɑɑ ɡuunu nù n swɛnyɑ, mɑ ɡunɡunu nu kɔsikirɑ, nɛn kĩru tɑ ǹ nun dɛsirɑrimɔ. Mɛyɑ mɑɑ bɔri yɛn tèn nɔɔ mwɛɛru nɑ nun kuɑ, tɑ ko n wɑ̃ɑwɑ sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ, nɛ wi nɑ wunɛn wɔnwɔndu mɔ.

Esɑi 54:9

Nɡe mɛ nɑ bɔ̃ruɑ Nɔwɛn sɑɑ sɔɔ, nɑ nɛɛ, nim yibu bɑkɑru tɑ ǹ mɑɑ tem kpuro wukirimɔ, nɡe mɛyɑ nɑ mɑɑ bɔ̃ruɑ ɡisɔ nɑ nɛɛ, nɑ ǹ mɑɑ nun ɡerusimɔ kɑ mɔru.

Dɑniɛli 9:24

Sɑɑ nɔɔbɑ yirun nɔn wɑtɑ kɑ wɔkurɑ Gusunɔ u himbɑ kuɑ yu doonɑ u sere wunɛn tɔmbu kɑ wunɛn wuu dɛɛrɔ yɑkiɑ torɑnu kɑ kɔ̃sɑ kpuron di. Yen biru, u koo bu ben torɑnu suuru kuɑ kpɑ u bu ɡem wɛ̃ sere kɑ bɑɑdommɑɔ. Gusunɔn sɔmɔbun ɡɑri kɑ kɑ̃sinun bɑɑ yɑ koo doonɑ kpɑ tɔn dɛɛro ɡoo u ko sunɔ.

Mɑteu 24:35

Wɔllu kɑ tem bɑɑ yɑ koo doonɑ, ɑdɑmɑ nɛn ɡɑri kun dɔɔnɔ pɑi.

Yohɑnu 5:24

Kɑ ɡeemɑ nɑ bɛɛ sɔ̃ɔmɔ, bɑɑwure wi u nɛn ɡɑri swɑɑ dɑki, mɑ u wi u mɑn ɡɔrimɑ nɑɑnɛ doke, yɛ̃ro wɑ̃ɑru mɔ te tɑ ku rɑ kpe. U ǹ mɑɑ sisi siri yerɔ, ɑdɑmɑ u ɡɔɔ sɑrɑri u duɑ wɑ̃ɑru sɔɔ.

Sɔ̃ɔsiru 4:19

Ì n nɔni seeyɑ wɔllɔ i kɑ sɔ̃ɔ kɑ suru kɑ kperi mɛɛri kɑ kpuro ye yɑ wɑ̃ɑ mi, i ku de yu bɛɛ ɡɑwɑ i kɑ yiirɑ i ye sɑ̃. Yebɑ kpurowɑ Gusunɔ bɛsɛn Yinni u hɑnduniɑn bwesenu kpuro deriɑ nu n mɔ.

Tɛsɑlonikɑ II 2:16

Gusunɔ bɛsɛn Bɑɑbɑ wi u sun kĩɑ, mɑ win durom sɑɑbu u sun dɑm kɑ̃ mɛ mu kun nɔru mɔ kɑ mɑɑ yĩiyɔ ɡeebu, wi kɑ bɛsɛn Yinni Yesu Kirisin tii

Heberu 5:9

Ye u yibɑ u kpɑ, u kɑ fɑɑbɑ nɑ ye yɑ ku rɑ kpe, be kpuron sɔ̃ be bɑ nùn mɛm nɔɔwɑ.

Heberu 9:12

Ye Kirisi u duɑ nɔn teeru ten dii te tɑ dɛɛre ɡem ɡem sɔɔ yɑ turɑ sere kɑ bɑɑdommɑɔ. U ǹ due kɑ bonu kɑ nɑɑ binun yɛm. Win tii tiin yɛmɑ u kɑ duɑ, mɑ u sun yɑkiɑ sere kɑ bɑɑdommɑɔ.

Heberu 9:15

Yen sɔ̃nɑ Kirisi u sɑ̃ɑ nɔɔ mwɛɛ kpɑɑrun swɑɑ sɔmɔ. Win min diyɑ be Gusunɔ u sokɑ bɑ ɡɑ̃ɑ ni nu ku rɑ kpe tubi dimɔ ni Gusunɔ u bu nɔɔ mwɛɛru kuɑ. Bɑ koo kpĩ mɛ, yèn sɔ̃ ɡɔɔn ɡɑri duɑ sɔɔ, wi u tɔmbu yɑkiɑmɔ ben torɑnun di ni bɑ kuɑ nɔɔ mwɛɛ ɡururun sɑɑ sɔɔ.

Kɑ̃siru 20:11

Yerɑ nɑ mɑɑ sinɑ kitɑ kpiki bɑkɑru wɑ kɑ wi u sɔ̃ ten wɔllɔ. Mɑ tem kɑ wɔllɑ dukɑ doonɑ win wuswɑɑn di, yen ɡɑɑ kun mɑɑ wɑɑrɔ.