Esɑi 51:2 - Bibeli Gusunɔn Gari

² I bɛɛn lɑɑkɑri wesio Aburɑhɑmu bɛɛn tundon mi, kɑ Sɑɑrɑɑn mi, wi u bɛɛ mɑrɑ. Sɑnɑm mɛ nɑ nùn sokɑ u sɑ̃ɑwɑ wi turo. Mɑ nɑ nùn domɑru kuɑ, nɑ win bweseru dɑbiɑsiɑ.

Esɑi 51:2 ပူးပေါင်းရင်းမြစ်များ

Torubu 22:17

kon nun domɑru kuɑ kɑ ɡem kpɑ n wunɛn bweseru dɑbiɑsiɑ nɡe wɔllun kperi, ǹ kun mɛ nɡe yɑni sɛɛri yi yi wɑ̃ɑ nim wɔ̃kun ɡoorɔ, kpɑ bɑ n ben yibɛrɛbɑ tɑɑre.

Torubu 24:1

Aburɑhɑmu wee, u tɔkɔ kuɑ ɡem ɡem. Yinni Gusunɔ u mɑɑ nùn domɑru kuɑ yɑbu bɑɑyere kpuro sɔɔ.

Torubu 24:35

Yinni Gusunɔ u nɛn yinni wi domɑru kuɑ ɡem ɡem mɑ u kuɑ ɡobiɡii kpoko. U nùn yɑ̃ɑnu kɑ̃ kɑ kɛtɛbɑ kɑ yooyoosu kɑ kɛtɛkunu kɑ sii ɡeesu kɑ wurɑ kɑ yoo tɔn durɔbu kɑ tɔn kurɔbu.

Esɑi 29:22

Yen sɔ̃nɑ nɛ, Yinni Gusunɔ, nɛ wi nɑ Aburɑhɑmu yɑkiɑ, nɑ win debubu Isirelin yɛnuɡibu sɔ̃ɔwɑ nɑ nɛɛ, tɛ̃, bɑ ǹ mɑɑ sekuru wɑsi. Mɛyɑ ben wuswɑɑ kun mɑɑ burisinɑmɔ.

Esɑi 41:8

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bibu, nɛn bɔrɔ Aburɑhɑmun bweseru sɔɔ, bɛɛyɑ nɑ ɡɔsɑ i n kɑ sɑ̃ɑ nɛn sɔm kowobu.

Esɑi 43:27

Bɛɛn sikɑdo ɡbiikoo u durum kuɑ, mɑ bɛɛn sɑ̃ɑ ɡbiobu bɑ mɑn seesi.

Esɑi 48:1

I swɑɑ dɑkio i nɔ, Isirelibɑ bɛɛ Yɑkɔbun yɛnuɡibu, bɛɛ be i yɑrɑ Yudɑn bweserun di, wee i bɔ̃rumɔ kɑ nɛ, Gusunɔ Isirelibɑn Yinnin yĩsiru, mɑ i mɑn nɔɔɡiru suemɔ, ɑdɑmɑ n ǹ mɔ kɑ ɡem.

Esɑi 60:22

Bwese kɛrɑ ye yɑ piiburu bo, yɑ koo ko bwese bɑkɑ dɑmɡirun nuuru. Nɛ, Yinni Gusunɔwɑ kon ye ko fuuku yen sɑɑ yɑ̀ n turɑ.

Esɑi 63:16

Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

Esekiɛli 33:24

tɔnun bii, wee ye tɔn be bɑ tiɑrɑ Yerusɑlɛmun bɑnsɔ bɑ ɡerumɔ. Bɑ mɔ̀, Aburɑhɑmu u wɑ̃ɑwɑ wi turo. Kɑ mɛ, u tem mɛ mwɑ. Kɑɑ sere ɡere bɛsɛ be sɑ dɑbi, mɑ bɑ sun tem mɛ wɛ̃?

Sɔ̃ɔsiru 1:10

Gusunɔ bɛsɛn Yinni u derɑ i mɑrurɑ mɑ i dɑbiɑ nɡe wɔllun kperi.

Sɔ̃ɔsiru 26:5

Kpɑ yɛ̃ro u ɡere Gusunɔn wuswɑɑɔ u nɛɛ, win sikɑdo u sɑ̃ɑwɑ Arɑmuɡii wi u kun wɑ̃ɑ yeru mɔ. U dɑ Eɡibitiɔ u sinɑ mi kɑ tɔmbu fiiko be bɑ wɑ̃ɑ kɑ wi. Yen biru, tɔn be, bɑ dɑbiɑ bɑ kuɑ bwese dɑmɡiru.

Yosue 24:3

Mɑ nɑ bɛɛn bɑɑbɑ Aburɑhɑmu yɑrɑ sɑɑ dɑɑ ten berɑ ɡiɔn di. Nɑ derɑ u bɔsu Kɑnɑnin tem kpuro sɔɔ mɑ nɑ win bibu dɑbiɑsiɑ. Nɑ nùn Isɑki kɑ̃.