Esɑi 5:9 - Bibeli Gusunɔn Gari

⁹ Wee ye Gusunɔ wɔllu kɑ tem Yinni u mɑn sɔ̃ɔwɑ. U nɛɛ, kɑm kɑm bɑ koo tɔn ben yɛnu dɑbi ni kpuro kɑm koosiɑ. Kpɑ ɡoo u kun mɑɑ wɑ̃ɑ yenu burɑ si sɔɔ, si su kpɑ̃ mi.

Esɑi 5:9 ပူးပေါင်းရင်းမြစ်များ

Bɑndun Gɑri II 36:21

Nɡe mɛyɑ Yinni Gusunɔn ɡɑri yi kɑ koorɑ yi win sɔmɔ Yeremi u rɑɑ ɡeruɑ u nɛɛ, bɑ koo Yudɑbɑ yoru mwɑ kpɑ tem mɛ, mu wɑ mu sɑnɑm wɛ̃rɑɡim di kpɑ mu wɛ̃rɑ sere wɔ̃ɔ wɑtɑ kɑ wɔkuru, wɑhɑlɑ ye mu rɑɑ wɑn sɔ̃.

Yoobu 15:28

U wɑ̃ɑ wuu si bɑ kɔsukɑ sɔɔ, sìn diɑ bɑ deri, mɑ yɑ wɔrumɑm dɔɔ.

Yoobu 20:21

Gɑ̃ɑnu sɑri ni u ǹ tii koosi. Adɑmɑ win dukiɑ yɑ ǹ tɛɛmɔ.

Mɔnnu 15:27

Wi u rɑ ɡobi kɑsu kɑ swɑɑ kɔ̃sɑ, u win yɛnu wɑhɑlɑ dokemɔwɑ, ɑdɑmɑ wi u nɔm birɑn kɛ̃nu tusɑ, u ko n wɑ̃ɑwɑ.

Esɑi 22:14

Yen sɔ̃nɑ Gusunɔ, wɔllu kɑ tem Yinni u mɑn sɔ̃ɔwɑ u nɛɛ, u ǹ bɛɛ bɛɛn durum yeni wɔkɑmmɛ sere i kɑ ɡbi.

Esɑi 27:10

Ben wuu dɑmɡuu ɡe, ɡɑ kuɑ bɑnsu, bɑ ɡu deri. Miyɑ n kuɑ yɑɑ sɑbenun kpɑrɑ yeru kɑ nin kpin yeru. Mɑ nu kiku si su tiɑrɑ dimɔ.

Esɑi 5:6

U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

Amɔsu 3:7

Aɑwo, nɑ ku rɑ ɡɑ̃ɑnu ɡɑnu ko nɑ kun yè nɛn sɔmɔ sɔ̃ɔwɑ.

Amɔsu 5:11

I rɑ bwɛ̃ɛbwɛ̃ɛbu dɑm dɔre, i n ben ɡbeɑn dĩɑnu mwɛɛrimɔ kɑ dɑm. Yen sɔ̃, i ǹ sinɑmɔ bɛɛn diɑ sɔɔ ye i bɑnɑ kɑ kpee ni i dɑ̃kɑ. Mɛyɑ i ǹ mɑɑ bɛɛn resɛm ye i duurɑn bii duronun tɑm nɔrumɔ.

Amɔsu 6:11

Domi Yinni Gusunɔ u woodɑ yeni wɛ̃ u nɛɛ, u koo yɛnusu kpuro kɔsukuwɑ, bɑkɑsu kɑ piiminu.

Mɑteu 22:7

Sunɔ wi, u mɔru bɛsirɑ u win tɑbu kowobu ɡɔrɑ bu kɑ tɔn ɡowo be ɡo kpɑ bu ben wuu dɔ̃ɔ sɔku.

Mɑteu 23:38

N wee bɑ ko bɛɛ bɛɛn yɛnu deriɑ ɡu ko bɑnsu.

Yɑkɔbu 5:4

Wee, i ǹ sɔm kowobu ben ɡobi kɔsie be bɑ kɑ bɛɛ dĩɑnu ɡurɑ ɡberɔ, mɑ ɡobi yi, yi wuri mɔ̀. Dĩɑ ɡuro ben wuri mɑɑ dumɔ wɔllu kɑ tem Yinnin swɑɑ sɔɔ.