Esɑi 5:16 - Bibeli Gusunɔn Gari

¹⁶ Tɔ̃ɔ te sɔɔ, Gusunɔ, wɔllu kɑ tem Yinni u koo win tɔmbu siri dee dee u kɑ win yiiko sɔ̃ɔsi, kpɑ u ɡeɑ ko u kɑ sɔ̃ɔsi mɑ u dɛɛre.

Esɑi 5:16 ပူးပေါင်းရင်းမြစ်များ

Bɑndun Gɑri I 29:11

Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere.

Womusu 21:13

A wunɛn tɛndu bɛrio ɑ bu twee. Bɑ koo nun biru kisi.

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Esɑi 12:4

kpɑ tɔ̃ɔ te sɔɔ, bu ɡere bu nɛɛ, i Yinni Gusunɔ siɑro, i win yĩsiru wɔlle suo. I win sɔm bɑkɑ ni u kuɑ kpɑro bwesenu kpuro sɔɔ. I tɔmbu yɑɑyɑsio mɑ win yĩsirɑ kpɑ̃.

Esɑi 2:11

Tɔ̃ru ɡɑrɑ sisi tè sɔɔ bɑ koo wi u tii sue kɑwɑ kpɑ bu Yinni Gusunɔ turo wɔlle suɑ.

Esɑi 2:17

Tɔ̃ɔ te sɔɔ, bɑ koo wi u tii sue kɑwɑ kpɑ bu bwɑ̃ɑrokunu kpeerɑsiɑ. Yinni Gusunɔ turowɑ bɑ koo wɔlle suɑ.

Esɑi 2:9

Yen sɔ̃, tɔmbu kpurowɑ bɑ koo yiirɑ Yinni Gusunɔn wuswɑɑɔ bu tii kɑwɑ. Yinni Gusunɔ, ɑ ku bu ben durum suuru kuɑ.

Esɑi 28:17

Wee, u ɡem nɛni nɡe bɑnɔbun wɛ̃ɛ yi bɑ rɑ kɑ diru yĩire, ǹ kun mɛ ben nifo ye bɑ rɑ kɑ ɡɑnɑn sikirɑbu mɛɛri. Guru kpenu nu koo wee si kpuro kɔsuku si su kuɑ bɛɛn kuku yeru mi. Nim bɑkɑm mu koo su mwɛ.

Esɑi 29:23

Domi sɑnɑm mɛ ben bibu bɑ koo nɛn nɔmɑn sɔmɑ wɑ, ye nɑ kuɑ ben suunu sɔɔ, bɑ koo nɛn yĩsiru bɛɛrɛ wɛ̃, kpɑ bu mɑn nɑsiɑ, nɛ, Gusunɔ ben Yinni dɛɛro.

Esɑi 30:18

Yinni Gusunɔ u tɔ̃ru mɑrɑ tè sɔɔ u koo bɛɛ durom kuɑ kpɑ u bɛɛ wɔnwɔndu sɔ̃ɔsi. Domi u sɑ̃ɑwɑ ɡemɡii. Doo nɔɔruɡibɑ be bɑ nùn nɑɑnɛ sɑ̃ɑ.

Esɑi 33:10

Yinni Gusunɔ u bwese tukunu sɔ̃ɔwɑ u nɛɛ, yen sɔ̃ tɛ̃, kon se n yɔ̃rɑ, kpɑ n sɔ̃ɔsi nɡe mɛ nɑ kpɑ̃ɑru nɛ.

Esɑi 33:5

Yinni Gusunɔ u kpɑ̃, domi u wɑ̃ɑ wɔllɔ. U koo de win ɡem mu n yibɑ Siɔni kpuro sɔɔ.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 6:3

Bɑ nɔɔɡiru sue bɑ mɔ̀, Dɛɛro Dɛɛro, Gusunɔ wɔllu kɑ tem Yinni u sɑ̃ɑwɑ Dɛɛro. Win yiiko yɑ hɑnduniɑ kpuro yibɑ.

Esɑi 61:8

Wi, Yinni Gusunɔ, ɡemɑ u rɑ kɑ̃. U dɑm dɔrebu kɑ kom kɔ̃sum tusɑ. U koo win tɔmbu ben ɑre wɛ̃ dee dee, kpɑ u kɑ bu ɑrukɑwɑni bɔke ye yɑ ko n wɑ̃ɑ sere kɑ bɑɑdommɑɔ.

Esɑi 8:13

Domi Yinni Gusunɔwɑ u dɑm kpuro mɔ. Wi turowɑ u dɛɛre, wiyɑ n weenɛ su nɑsiɑ.

Esekiɛli 20:41

Nɑ̀ n bu yɑrɑ bwese tukunun suunu sɔɔn di mi bɑ rɑɑ yɑrinɛ mɑ nɑ bu mɛnnɑmɑ, sɑɑ yerɑ kon bu mwɑ nɡe yɑ̃ku nubu duroruɡiru. Bwese tuku ni, nù n wɑ mɛ, kpɑ nu ɡiɑ mɑ nɛnɑ Yinni Gusunɔ Dɛɛro.

Esekiɛli 28:22

A nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, wee kon ye wɔri. Kon ye nɛn dɑm sɔ̃ɔsi kpɑ bu mɑn bɛɛrɛ wɛ̃ yen suunu sɔɔ. Nɑ̀ n ye siri, mɑ nɑ ye sɔ̃ɔsi mɑ nɑ sɑ̃ɑwɑ Dɛɛro, sɑɑ yerɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 28:25

Amɛniwɑ nɛ, Yinni Gusunɔ nɑ mɑɑ ɡeruɑ. Nɑ nɛɛ, sɑnɑm mɛ kon Isirelibɑ mɛnnɑmɑ bwese tukunun suunu sɔɔn di mi bɑ yɑrinɛ, kon sɔ̃ɔsi bwese tuku nin nɔni biru mɑ nɑ sɑ̃ɑwɑ Dɛɛro. Sɑɑ ye sɔɔrɑ Isirelibɑ bɑ koo dɑ bu sinɑ ben temɔ mɛ nɑ ben bɑɑbɑ Yɑkɔbu wɛ̃.

Esekiɛli 36:23

Kon nɛn yĩsi bɑkɑ te bɛɛrɛ wesiɑ te bɑ sɑnkɑ bwesenun suunu sɔɔ mi. Bwese ni, nù n wɑ bɑ mɑn bɛɛrɛ wɛ̃ɛmɔ, nu koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 38:16

Yen biru u koo sewɑ u nɛn tɔmbu Isirelibɑ seesi kpɑ win tɑbu kowo be, bu Isirelibɑ wukiri nɡe mɛ ɡuru wiru tɑ rɑ tem wukiri. Amɛn biru kon de u nɑ u nɛn tem wɔri kpɑ n bwese ni nu tie sɔ̃ɔsi sɑɑ wi, Gɔɡun min di mɑ nɛnɑ nɑ sɑ̃ɑ dɛɛro.

Esekiɛli 38:23

Nɡe mɛyɑ kon kɑ bwese dɑbinu sɔ̃ɔsi mɑ nɑ kpɑ̃ nɑ mɑɑ sɑ̃ɑ dɛɛro kpɑ nu ɡiɑ mɑ nɛnɑ nɑ sɑ̃ɑ Yinni Gusunɔ.

Sɑ̃ɑrun Woodɑ 10:3

Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

Gbɑburu 20:13

Gɑri yinin sɔ̃nɑ bɑ rɑ nim mɛ soku Mɛribɑn nim. Yen tubusiɑnɑ sɑnnɔn nim. Domi miyɑ Isirelibɑ bɑ Yinni Gusunɔ wɔkisi mɑ u bu win dɛɛrɑru sɔ̃ɔsi.

Romu 2:5

Adɑmɑ yèn sɔ̃ wunɛn ɡɔ̃ru ɡɑ bɔɔbu ɡɑ deɡɑnɡɑm yibɑ, ɑ wunɛn tii mɔru mɛnnɑmmɛwɑ Gusunɔn mɔrun tɔ̃run sɔ̃ tè sɔɔ u koo tɔmbu siri dee dee

Piɛɛ I 1:16

Mɛyɑ Gusunɔ u ɡeruɑ win ɡɑri sɔɔ u nɛɛ, “I n dɛɛre domi nɛn tii nɑ dɛɛre.”

Piɛɛ I 2:15

Kɑ ɡem, ye Gusunɔ u kĩ, yerɑ i kɑ bɛɛn sɔm ɡeenu ɡɑri bɑkɑ yɛ̃ru sɑribɑ mɑrisiɑ.

Piɛɛ I 3:15

Adɑmɑ i de Kirisi u n sɑ̃ɑ Yinni bɛɛn ɡɔ̃ruɔ. I n sɔɔru sɑ̃ɑ i kɑ bu wisi be bɑ bɛɛ bɛɛn yĩiyɔbun ɑsɑnsi bikiɑmɔ.

Kɑ̃siru 3:7

Kirisi u mɑɑ nɛɛ, ɑ Filɑdɛɛfin Yesun yiɡbɛrun ɡɔrɑdo yoruo ɑ nɛɛ, nɛ wi nɑ sɑ̃ɑ Dɛɛro kɑ Gemɡii, nɛ wi nɑ sinɑ boko Dɑfidin yɛnun kɔkɔrɔ nɛni, nɛ wi nɑ̀ n kɛniɑ, ɡoo ku rɑ kɛnɛ, nɛ wi nɑ̀ n mɑɑ kɛnuɑ, ɡoo ku rɑ kɛniɛ, nɛnɑ nɑ nɛɛ,

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.