Esɑi 5:14 - Bibeli Gusunɔn Gari

¹⁴ Kpɑ ɡɔribun wɑ̃ɑ yeru tu nɔɔ wukiɑ kɑ dɑm, tu sinɑ bii be mwɛ kɑ mɑɑ tɔn wɔru ɡe ɡɑ nuku dobu mɔ̀.

Esɑi 5:14 ပူးပေါင်းရင်းမြစ်များ

Womusu 49:14

Nɡe mɛyɑ ben ɑre sɑ̃ɑ, be kɑ be bɑ bu swĩi bɑ ben ɡɑri swɑɑ dɑki.

Womusu 55:15

Nɛ kɑ wunɛ, kĩi bɑkɑrɑ tɑ sun mɑninɛ, mɑ sɑ dɔɔ sɑnnu Yinni Gusunɔn sɑ̃ɑ yerɔ.

Mɔnnu 1:12

i bu ɡo yɑnde nɡe mɛ ɡɔribun wɑ̃ɑ yeru tɑ rɑ tɔnu mwɛ wɑsiru. I bu mwɑ nɡe wɔru bɔkɔ ɡe ɡɑ tɔnu sɑmbɑ kuɑ u wɔri.

Mɔnnu 27:20

Nɡe mɛ ɡɔribun wɑ̃ɑ yerɑ ku rɑ debu, nɡe mɛyɑ tɔnun binɛ ku rɑ kpe.

Esɑi 14:11

Wunɛn bɛɛrɛ ye bɑ rɑ rɑɑ nun wɛ̃, bɑ n mɔrɔkunu soomɔ, wee ye kpuro yɑ wɔri ɡɔribun wɑ̃ɑ yerɔ. Kɔkɔnu nu kuɑ wunɛn kpin yeru kɑ wunɛn bekuru.

Esɑi 14:9

Be bɑ wɑ̃ɑ ɡɔribun wɑ̃ɑ yerɔ bɑ seewɑ bu kɑ nun dɑm koosiɑ, be kɑ ben wiruɡibu kpuro. Mɛyɑ sinɑm be bɑ ɡu bɑ seewɑ ben sinɑ ɡɔnin di.

Esɑi 21:4

Nɛn lɑɑkɑri yɑ burisinɑ, mɑ nɑ diirimɔ bɛrum sɔ̃. Yokɑ yè sɔɔ nɑ nuku dobu yĩiyɔ, ye sɔɔrɑ bɛrum mɑn deemɑ.

Esɑi 24:8

Bɑ ǹ mɑɑ bɑrɑnu kɑ mɔrɔkunu soomɔ, ni bɑ rɑ kɑ nuku dobu ko. Nuku dobun kuuki yi koo kpe.

Esɑi 30:33

Sɑɑ yellun di bɑ wi sinɑ bokon kpɑku yeru kuɑ tɑ wɑ̃ɑ mi. Tɑ duku, tɑ mɑɑ yɑsu. Mɑ tɑ dɔ̃ɔ mɔ tɑ mɑɑ dɑ̃ɑ yibɑ. Wee Yinni Gusunɔn mɔrun wɛ̃siɑru tɑ dɔ̃ɔ wi yɑbiɑmɔ nɡe ɡbim mɛ bɑ dɔ̃ɔ doke.

Esekiɛli 7:12

Sɑɑ yɑ turuku mɔ̀. Tɔ̃ɔ te, tɑ wee. Wi u dwemɔ u ku yɛ̃ɛri. Wi u mɑɑ dɔrɑmɔ u ku swĩ. Domi nɛ, Yinni Gusunɔn mɔru sisi tɔn be bɑ wɑ̃ɑ tem mɛ sɔɔ kpuron sɔ̃.

Dɑniɛli 5:30

Dɔmɑ ten wɔ̃kurɑ bɑ Bɛɛsɑsɑɑ Bɑbilonin sinɑ boko wi ɡo.

Nɑhumu 1:10

Yibɛrɛ be, bɑ sɑ̃ɑ nɡe sɑ̃ki kɔkɔnu, bɑ rɑ tɑm nɔ sere mu bu ɡo. Kɑ mɛ, bɑ koo dɔ̃ɔ mwɑɑrɑwɑ mɑm mɑm nɡe yɑkɑ ɡbebusu.

Hɑbɑkuku 2:5

Wi u tii sue, u ku rɑ sinɛ sɛ̃ɛ. U rɑ n sɑ̃ɑwɑ nɡe tɑm nɔro, kpɑ u n nɔɔ wukie nɡe ɡɔribun wɑ̃ɑ yeru. U ku rɑ debu nɡe ɡɔɔ. U rɑ n tii bwesenu ɡɑwemɔwɑ u kɑ ko nin yinni.

Mɑteu 7:13

Yesu u nɛɛ, i duo kɑ kɔnnɔ ɡe ɡɑ ǹ yɑsu, domi swɑɑ ye yɑ dɔɔ kɑm koo yerɔ yɑ ǹ bɑɑsinɑɑ mɔ, yen kɔnnɔ ɡɑ mɑɑ yɑsu mɑ tɔn dɑbinu dumɔ mi.

Luku 17:27

Tɔmbɑ dimɔ, bɑ nɔrumɔ, bɑ suɑnɑmɔ, bɑ durɔbu kɑ kurɔbu kɛ̃ɛnɑmɔ sere n kɑ ɡirɑri dɔmɑ te Nɔwɛ u ɡoo duɑ. Mɑ nim yiburɑ nɑ tɑ be kpuro kɑm koosiɑ.

Luku 21:34

Mɑ Yesu kpɑm nɛɛ, i n bɛɛn tii sɛ, kpɑ i ku rɑ ko lɑɑkɑri sɑribɑ dibu kɑ nɔrubun sɔ̃ kɑ hɑnduniɑn wururɑbu, kpɑ tɔ̃ɔ te, tu ku bɛɛ suɑru wɔri nɡe yinɑ.