Esɑi 48:6 - Bibeli Gusunɔn Gari

⁶ I nuɑ ye nɑ rɑɑ ɡeruɑ. I mɑɑ wɑ ye kpuro yɑ koorɑ. I ǹ ko i ye wurɑ? Wee, tɛ̃ nɑ bɛɛ ɡɑ̃ɑ kpɑɑnu nɔɔsiɑmɔ ni nu beruɑ i ǹ nu yɛ̃.

Esɑi 48:6 ပူးပေါင်းရင်းမြစ်များ

Womusu 107:43

Wi u bwisi mɔ, u de u ɡɑri yi kpuro nɛnɛ kpɑ u ɡiɑ mɑ Yinni Gusunɔ u sɑ̃ɑwɑ duromɡii.

Womusu 119:13

Nɑ nɔɔɡiru suɑ nɑ wunɛn ɡere kpuro kpɑrɑ.

Esɑi 21:10

Bɛɛ nɛn tɔmbu Isirelibɑ, bɛɛ be bɑ so nɡe dobi doo soo yerɔ, yeniwɑ nɑ nuɑ Gusunɔ bɛɛn Yinnin min di, wi, wi u sɑ̃ɑ wɔllu kɑ tem Yinni. Yerɑ nɑ bɛɛ ye nɔɔsiɑmɔ.

Esɑi 42:20

Wee, u ɡɑ̃ɑ dɑbinu wɑ, ɑdɑmɑ u ǹ nu ɡɑrisi ɡɑ̃ɑnu. U swɑsu wukie, ɑdɑmɑ u ǹ ɡɑri nɔɔmɔ.

Esɑi 42:8

Nɛnɑ Gusunɔ wi u rɑ n wɑ̃ɑ. Nɛn yĩsirɑ mi. Nɑ ǹ nɛn yiiko bũu ɡoo wɛ̃ɛmɔ. Mɛyɑ nɑ ǹ mɑɑ nɛn bɛɛrɛ bwɑ̃ɑrokunu wɛ̃ɛmɔ.

Esɑi 42:9

Wee, ye nɑ ɡbiɑ nɑ ɡeruɑ, yɑ koorɑ. Tɛ̃, nɑ bɛɛ ɡɑ̃ɑ kpɑɑnu nɔɔsiɑmɔ nu sere koorɑ.

Esɑi 43:19

Wee kon ɡɑ̃ɑ kpɑɑnu ko. Ni wee nu wee. I ǹ nu tubɑ? Kon swɑɑ yɑrɑ ɡbɑburɔ, kpɑ dɑɑnu nu n wɑ̃ɑ mi tem ɡbere.

Esɑi 48:7

Tɛ̃rɑ nu koo koorɑ, n ǹ mɔ ni nu rɑɑ koorɑ. I ǹ dɑɑ nin ɡɑri nɔɔre mɑ n kun mɔ ɡisɔ, kpɑ i ku rɑ kɑ ɡere i nɛɛ, i rɑɑ nu yɛ̃ kɔ.

Yeremi 2:31

Bɛɛ Isirelibɑ, bɛɛ be i tie, i nɛ, Yinni Gusunɔn ɡɑri swɑɑ dɑkio i nɔ. Nɑ bɛɛ sɑ̃ɑwɛwɑ nɡe tem mi ɡɑ̃ɑnu ku rɑ kpi? Nɑ bɛɛ sɑ̃ɑwɛwɑ nɡe yɑm wɔ̃ku nɑnumɡiru? Mbɑn sɔ̃nɑ bɛɛ nɛn tɔmbu i ɡerumɔ i mɔ̀, i tii mɔ, i ǹ ɡɔsirɑmɑmɔ nɛn mi.

Yeremi 33:3

ɑ mɑn sokuo, kon nun wurɑri. Kon nun ɡɑ̃ɑ bɑkɑ ɑsiriɡinu sɔ̃ɔsi ni ɑ ǹ yɛ̃.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Misee 6:9

Yinni Gusunɔ u kɑ Yerusɑlɛmuɡibu yɑ̃. Wi u bwisi mɔ, u koo nùn nɑsiɑ. Bɛɛ Yudɑbɑ, i de nɛn siribu bu bɛɛ yeeri.

Mɑteu 10:27

Ye nɑ bɛɛ sɔ̃ɔmɔ yɑm wɔ̃kuru sɔɔ, i ye ɡeruo yɑm bururɑm sɔɔ. Ye i mɑɑ nuɑ ɑsiri sɔɔ, i yɔɔwo ɡidɑmbisɑ wɔllɔ i kɑ ye kpuro kpɑrɑ.

Yohɑnu 15:15

Nɑ ǹ mɑɑ bɛɛ sokumɔ yobu yèn sɔ̃ yoo ku rɑ n yɛ̃ ye win yinni u mɔ̀. Adɑmɑ nɑ bɛɛ sokumɔ bɔrɔbɑ, yèn sɔ̃ ɡɑ̃ɑnu bɑɑnire ni nɑ nuɑ nɛn Bɑɑbɑn min di niyɑ nɑ bɛɛ sɔ̃ɔwɑ.

Gɔrobun Kookoosu 1:8

Adɑmɑ i ko i dɑm mwɑ sɑnɑm mɛ Hunde Dɛɛro u duɑ bɛɛ sɔɔ. I ko n sɑ̃ɑ nɛn seedɑ diobu Yerusɑlɛmuɔ, kɑ Yudeɑ kpuro sɔɔ, kɑ mɑɑ Sɑmɑriɔ, kɑ sere sere tem nɔrɔ.

Korinti I 2:9

Adɑmɑ nɡe mɛ bɑ yoruɑ, “Ye nɔni kun wɑɑre, ye swɑɑ kun nɔɔre, ye yɑ ǹ mɑɑ duure tɔnun ɡɔ̃ru sɔɔ, yeyɑ Gusunɔ u bu sɔɔru kuɑ be bɑ nùn kĩ.”

Kɑ̃siru 1:19

Ǹ n mɛn nɑ, n yoruo ye nɑ wɑ, kɑ ye yɑ koorɑmɔ tɛ̃, kɑ ye yɑ koo koorɑ ɑmɛn biru.

Kɑ̃siru 4:1

Yen biru nɛ Yohɑnu nɑ mɛɛrɑ nɑ wɑ kɔnnɔ ɡɑɡu ɡɑ kɛniɑre Gusunɔ wɔllɔ. Mɑ nɑ mɑɑ nɔɔ ɡe nuɑ ɡe ɡɑ sɑ̃ɑ nɡe kɑ̃ɑkɑ̃ɑɡi ɡe ɡɑ rɑɑ ɡbiɑ ɡɑ kɑ mɑn ɡɑri kuɑ. Gɑ kpɑm nɛɛ, n yɔɔmɑ mi kpɑ u mɑn sɔ̃ɔsi ye yɑ koo nɑ ɑmɛn biru.