Esɑi 48:5 - Bibeli Gusunɔn Gari

⁵ Yen sɔ̃nɑ nɑ bɛɛ yeni kpuro nɔɔsiɑ sɑɑ yellun di. Nɑ bɛɛ ye nɔɔsiɑwɑ yu sere tunumɑ, kpɑ i ku rɑ kɑ ɡere i nɛɛ, bɛɛn bũuwɑ u ye koosiɑ. Ǹ kun mɛ i nɛɛ, bɛɛn bwɑ̃ɑroku ɡe i kuɑ kɑ sii ɡɑndu ǹ kun mɛ kɑ dɑ̃ɑ, ɡerɑ ɡɑ yen woodɑ wɛ̃.

Esɑi 48:5 ပူးပေါင်းရင်းမြစ်များ

Esɑi 43:19

Wee kon ɡɑ̃ɑ kpɑɑnu ko. Ni wee nu wee. I ǹ nu tubɑ? Kon swɑɑ yɑrɑ ɡbɑburɔ, kpɑ dɑɑnu nu n wɑ̃ɑ mi tem ɡbere.

Esɑi 44:7

Wɑrɑ u sɑ̃ɑ nɡe nɛ. Yɛ̃ro u yɑrimɑ u tii tusiɑ, kpɑ u sɔ̃ɔsi nɡe mɛ nɑ kɑ hɑnduniɑ tɑkɑ kuɑ sɑɑ yellun di, kpɑ u ɡere ye yɑ koo koorɑ siɑ.

Esɑi 44:8

I ku nɑndɑ bɛɛ Isirelibɑ, i ku mɑɑ diiri. Nɑ ǹ bɛɛ ye sɔ̃ɔwɑ sɑɑ yellun di ro? Bɛɛyɑ i sɑ̃ɑ nɛn seedɑɡibu. Goo mɑɑ wɑ̃ɑ wi u sɑ̃ɑ Gusunɔ nɛ bɑɑsi ro? Aɑwo, ɡoo mɑɑ sɑri wi u dɑm mɔ nɡe nɛ.

Esɑi 45:20

Yinni Gusunɔ u nɛɛ, yen sɔ̃, i mɛnnɑmɑ. I susimɑ bɛɛ be i kpikiru suɑ tɑbun di. Be bɑ bwɑ̃ɑroku dɑ̃ɑɡinu sɔɔwɑ, mɑ bɑ bũu sokumɔ wi u ǹ kpɛ̃ u bu fɑɑbɑ ko, bɑ ǹ yɛ̃ru mɔ.

Esɑi 46:10

Nɑ ɡeruɑ yellun di ye yɑ koo koorɑ. Nɑ nɛɛ, nɛn himbɑ ye nɑ yi, yɑ koo koorɑ. Kon mɑɑ nɛn kĩru kpuro yibiɑ.

Esɑi 48:3

Sɑɑ yellun di, nɑ derɑ bɑ ɡɑ̃ɑ ɡbiikinun ɡɑri ɡeruɑ. Bɑ yi ɡeruɑ i nuɑ. Mɑ nɑ derɑ yi koorɑ subɑru sɔɔ.

Luku 1:70

Wiyɑ u koo sun fɑɑbɑ ko sɑɑ bɛsɛn yibɛrɛbɑn min di, kɑ be bɑ sun tusɑ kpuron nɔmɑn di, nɡe mɛ u rɑɑ ɡeruɑ sɑɑ win sɔmɔ dɛɛrobun nɔsun di be bɑ wɑ̃ɑ yellu.

Gɔrobun Kookoosu 15:18

Nɛ Yinni Gusunɔwɑ nɑ yeni ɡeruɑ nɛ wi nɑ ɡɑ̃ɑ ni sɔ̃ɔsi yellun di.”