Esɑi 47:4 - Bibeli Gusunɔn Gari

⁴ Nɛn yĩsirɑ Gusunɔ, wɔllu kɑ tem Yinni. Nɑ mɑɑ sɑ̃ɑ Isirelibɑn Yinni dɛɛro, wi u bu fɑɑbɑ mɔ̀.

Esɑi 47:4 ပူးပေါင်းရင်းမြစ်များ

Womusu 19:14

A ku mɑɑ de n durum ko kɑ deɡɑnɡɑm. A ku de yu mɑn dɔɔrɛ ko, kpɑ nɑ n durum bɑkɑn tɑɑrɛ mɔ. Adɑmɑ ɑ de nɑ n dɛɛre.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 43:14

Yinni Gusunɔ u nɛɛ, bɛɛ Isirelibɑ, ɑmɛniwɑ nɛ Gusunɔ, bɛɛn Yinni Dɛɛro, nɛ wi nɑ bɛɛ yɑrɑ, nɑ ɡeruɑ nɑ nɛɛ, kon Bɑbiloniɡibu bɛri yibɛrɛbɑn nɔmɑɔ bɛɛn sɔ̃, kpɑ n ben wuun ɡɑmbobɑ kɔsuku, kpɑ ben nuku dobun kuuki yi ɡɔsirɑ nuku sɑnkirɑnun wuri.

Esɑi 43:15

Nɛnɑ nɑ sɑ̃ɑ Gusunɔ bɛɛn Yinni Dɛɛro. Nɛnɑ nɑ bɛɛ tɑkɑ kuɑ nɑ mɑɑ sɑ̃ɑ bɛɛn sunɔ.

Esɑi 43:3

Domi nɛnɑ nɑ sɑ̃ɑ Gusunɔ wunɛn Yinni Dɛɛro, nɛ wi nɑ nun fɑɑbɑ mɔ̀. Nɑ kon Eɡibiti kɑ Etiopi kɑ Sɑbɑn tem yibɛrɛbɑ wɛ̃ wunɛn ɑyerɔ, kpɑ ɑ yɑkiɑrɑ,

Esɑi 44:6

Nɛ, Yinni Gusunɔ Dɑm kpuroɡii, nɛ wi nɑ Isirelibɑ yɑkiɑ nɑ sɑ̃ɑ ben sinɑ boko nɑ nɛɛ, nɛnɑ nɑ sɑ̃ɑ ɡbiikoo kɑ dɑ̃ɑko. Goo mɑɑ sɑri wi u sɑ̃ɑ Gusunɔ nɛ bɑɑsi.

Esɑi 49:26

Kon de be bɑ nun tɑɑre bu ɡoonɑ, kpɑ ben tɔn ɡoberu kɑ ben mɔru yu bu ɡo nɡe tɑm, kpɑ tɔmbu kpuro bu ɡiɑ mɑ nɛ, Yinni Gusunɔwɑ nɑ nun fɑɑbɑ mɔ̀. Nɛnɑ nɑ sɑ̃ɑ wunɛ Yɑkɔbun Yinni dɑmɡii wi u nun yɑkiɑ.

Esɑi 51:15

Nɛnɑ Gusunɔ bɛɛn Yinni, nɛ wi nɑ rɑ de nim wɔ̃kun nim mu se kpɑ mu kukiri. Nɛn yĩsirɑ Gusunɔ, wɔllu kɑ tem Yinni.

Esɑi 54:5

Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

Yeremi 31:11

Domi nɛ, Yinni Gusunɔ nɑ Yɑkɔbun bweseru yɑkiɑ, nɑ tu wɔrɑ sɑɑ wi u tu dɑm keren nɔmun di.

Amɔsu 4:13

Domi nɛnɑ nɑ ɡuunu mɔmɑ, mɑ nɑ woo tɑkɑ kuɑ. Nɑ rɑ nɛn bwisikunu tɔnu ɡiɑsie. Nɑ rɑ mɑɑ yɑm bururɑm ɡɔsie yɑm wɔ̃kuru, kpɑ nɑ n sĩimɔ ɡuunu wɔllɔ. Nɛn yĩsirɑ Gusunɔ wɔllu kɑ tem Yinni.